Génesis 39:10 - Tayta Diosninchi Isquirbichishan

¹⁰ Patrunninpa warmenga waran-waranmi Josëta gatiraj «Nogawan cacushun» nishpan. Patrunninpa warmenga munaj ñaupallancho José caycänanta. Ichanga José mana cäsupajchu.

Génesis 39:10 Iomraidhean Croise

Génesis 39:11

Juc junajcho Josëga wasiman yaycuran imapis ruraynincunata rurananpaj. Chay öraga chay wasicho mana pipis caranchu.

Génesis 39:8

Chaura Josëga mana munashpan niran: «Patrunnëga llapantami caycho cajta ricanäpaj nogata cachapämasha. Noga caycho captëga wasincho ima ruraynin captinpis manami yarparänan canchu.

Génesis 39:9

Cay wasincho cajta llapanta ricanäpämi cachapämasha. Gamtawan-camami ichanga mana cachapämashachu. Chayno caycaptenga ¿imanöpataj mana allitaga patrunnëpa contran ruraycöman? ¿Imanöpataj Diospa contran ruraycöman?»

Proverbios 1:15

Ïju, paycunawanga ama goturaychu. Paycuna yarpashan juchataga ama ruräshiychu.

Proverbios 2:16

Runanta raysunaj warmicunapitapis chapäshunquipämi. Alli shimillanpa parlapäshuptiquipis gamga manami gaticurcunquipächu.

Proverbios 22:14

Majanta ganrachir jananpaj warmiga yanauyaycaj jatuncaray uchcunömi. Runapis Tayta Diosta mana wiyacoj cäga chaymanmi yaganga.

Proverbios 23:27

Cuerpunwan gänapacoj warmiga yanauyaycaj ruri uchcunömi. Jäpa warmiga yanauyaycaj cañipu uchcunömi.

Proverbios 23:28

Runacunataga suwano sumaj ricapan. Nircur ollgu runacunataga jucta-juctapis pirdisyunman chayachin.

Proverbios 5:3

Mañösa warmiga mishquillarämi parlanpis. Asëtipitapis mas llampu cuyayllapämi rimashancunapis.

Proverbios 5:8

Mañösa warmipitaga witicuy. Ni wasi puncullanmanpis ama chayanquichu.

Proverbios 7:13

Chay warmi yarpayniynaj mösuwan tincurcorga juclla macallacurcusha, muchayta gallaycusha. Mana pengacuypa nisha:

Proverbios 7:5

Chaycunami salbashunquipaj runapa warminpita, alli shimillanpa luwarta gocoj warmipitapis.

Proverbios 9:14

Washa-rimacunaga wasinpa puncuncunachöga bancuta churacuycur jamaran. Marcachöpis altu pataman wichaycurmi jamaran.

Proverbios 9:16

«Mana tantiyacoj upa mösucuna caypa shamuy» nir. Mana tantiyaj yarpayniynajcunatana gayacachin:

1 Corintios 15:33

Runacuna chayno nishantaga ama cäsupaychu. Rimay cashannöpis «Mana alli amïgucunaga alli runacunatapis pirdichinmi».

1 Corintios 6:18

Jucwan-jucwan cacuyman chayanayquipitaga witicuy. Runacuna ima juchatapis rurar manami cuerpunpa contranchu ruraycan. Jucwan-jucwan cacurmi ichanga quiquinpa cuerpunpa contran ruraycan.

1 Tesalonicenses 5:22

Llutanta rimaptenga ama chasquipanquichu.

1 Timoteo 5:14

Chaymi jipashllaraj caj biyüdacunaga majachacanman, wawayoj canman, wasi ruraynincunacho goyächun. Chayno captinmi contranchi cajcunaga mana jamurpämäshunnachu.

2 Timoteo 2:22

Waquin mösucuna mana allita yarpar llutanta rurashannöga ama ruraychu. Chaypa ruquenga Jesucristo munashanno goyaj ermänucunano allillata ruranqui. Tayta Diosninchïman yäracunqui. Pï-maywanpis cuyanacunqui. Pï-maywanpis alli ricanacunqui.

1 Pedro 2:11

Ermänucuna, cay pachachöga gorpanöllami carcaycanqui. Chaymi cuyay-munaypaj caway-llapa. Llutan yarpashayquicunataga ama ruraychu ari shonguyqui may-jina munaptinpis.