Génesis 3:19 - Tayta Diosninchi Isquirbichishan

¹⁹ Micunayquipäpis cangapaj südashayquiyaj aruptiquirämi. Chayno aruycällarmi wañunquipaj allpaman ticranayquicama. Allpapitami rurasha cashcanquipis. Chaymi cashgan allpaman cutinquipaj.»

Génesis 3:19 Iomraidhean Croise

Génesis 18:27

Chauraga yapay Abraham niran: «Yapay tapuptë ama rabyacuycuychu ari Tayta. Gamga canqui Tayta Diosmi. Nogaga cä runallami.

Génesis 2:7

Chaypitana Tayta Diosga runata ruraran allpapita. Nircur senganpa pücaran cawayta gallaycunanpaj. Chaura runa cawaytana gallaycuran.

Génesis 23:4

«Gamcunacho jäpa runa captëpis quiquëpaj cananpaj juc pachata ranticamay ari chayman warmëta pampanäpaj.»

Génesis 3:18

Allpapitapis wiñamonga cashayoj mana alli jachacunallami. Allpacho wiñamoj jachacunatami micunquipäpis.

Génesis 5:5

Chaura Adanga cawaran isgun pachac quimsa chunca (930) watayoj cananyaj. Chay watayoj caycar-raj wañuran.

Job 1:21

Chaymi niran: «Cay pachachöga yurishcä jina röpaynajllami. Chaynöllami cay pachapitapis aywacushaj. Tayta Diosmi llapantapis tarichimaran. Paymi llapantapis guechumasha. ¡Tayta Diosga fiyupa alabasha cachun!»

Job 10:9

Mitullapitami ruramarayquipis. Cananga ¿yapaychu polbuman ticrarachimanqui?

Job 19:26

Ichic-ichiclla aychä ismur shicwaycaptinpis nogaga caway-ñawëpami Tayta Diosta ricashaj.

Job 21:26

Imano captinpis pantiyunchöga llapanpäpis iwal-llami. Jucninta-jucnintapis curucunallami ushacurcun.

Job 34:15

llapan runami wañunman. Nircur cashgan allpamannami ticranman.

Job 4:19

¡masrächari runataga «juchayoj» nenga! Runaga caycan manacajllami, ñuchu allpa janancho mitupita wasita jatarachishanöllami. Puyuno llapiriyllapämi caycanpis.

Salmos 103:14

Payga musyanmi imapita rurasha caycashanchïtapis. Musyanmi allpallapita cashanchïtapis.

Salmos 104:23

Chauraga runacunanami aroj llojshipäcun. Nircur arun pacha tardiyänancama.

Salmos 104:29

Ticracurcuptiquega paycuna mancharinmi. Jämayninta shuntacurcuptiquega wañushpan allpamanna ticracurin.

Salmos 127:2

Yangami pacha warashanpita pacha chacänancamapis micunallanpaj arun. Tayta Diosmi ichanga payman yäracojta alli puñuyta tarichin.

Salmos 22:15

Shimëpis chaquicäcushami. Gallöpis watacäcushami. Wañushata-japuyna jitaraycajta cachaycamashcanqui.

Salmos 22:29

Pipis bïdantaga manami rantishachu. Chaymi munayniyojcunaga rispitar umpur Tayta Diosllata cay pachacho aduranga.

Salmos 90:3

«Runacuna allpaman ticrachun» niptiquega runacunapis allpamanmi ticran.

Proverbios 21:16

Alli cajta ruraycashancho llutanta rurarnaga wañongami.

Eclesiastés 1:13

Nogaga cay pachacho imano goyashallanchïtapis sumaj musyanäpaj estudyarä. Alli tantiyanäpaj llapan shongöpa estudyarä. Tayta Diosmi camacächisha chayno estudyananchïpaj. Runacunapäga chay estudyu fiyupa sasami caycan.

Eclesiastés 1:3

¿Imataraj jorgun runaga cay pachacho may-jina ñacar arurpis? Manami imatapis jorgunchu.

Eclesiastés 12:7

Chaypitaga allpapita rurasha cuerpuyquega yapay ticranga allpamanna imaypis cashanno cananpaj. Almallayquinami cutenga Tayta Dios cajman. Paymi goshurayquipis.

Eclesiastés 3:20

Wañorga llapanpis iwal-llami ushacan. Llapanpis rurasha-casha allpapitami, yapay allpamanmi ticranpis.

Eclesiastés 5:15

Imanömi cay pachaman shamusha chaynöllami aywacongapis. Yurishapis galalla, chaynöllami aywacongapäpis. Ima arushanta, ima tarishantapis manami apangachu.

Daniel 12:2

Chay junäga wañushacuna pamparaycajcunapis achcajmi cawarimonga, waquinnami imaycamapis syëlucho goyänanpaj, waquinnami imaycamapis pengaypaj y manchacuypaj cananpaj.

1 Corintios 15:47

Rimir caj runaga allpapitami caran. Guepa caj runa Jesucristumi ichanga syëlupita caran.

Efesios 4:28

Suwacunyaj cäga ama suwacuchunnachu. Alli aruycunachöna aruchun. Chaynöpami imallanpis canga pobricunata yanapänanpaj.

1 Tesalonicenses 2:9

Ermänucuna, musyashayquinöpis gamcuna cajcho Diosninchïpa alli willacuyninta willacur quiquëcunami imaypis arurä. Manami munarächu nistashäcunapaj yarpachacunayquita.

2 Tesalonicenses 3:10

Gamcuna cajcho caycar maynami willaparä: «pipis aruyta mana munajtaga ama garaychu» nir.

Hebreos 9:27

Chayno juc cutillami pï-maypis wañun. Chaypitaga cawarimonga imano goyashanpitapis jusgasha canallanpänami.