Génesis 24:26 - Tayta Diosninchi Isquirbichishan

²⁶ Chaura Abrahampa uywaynenga Tayta Diosta rispitashpan gongurpaycur alabaran

Génesis 24:26 Iomraidhean Croise

Génesis 22:5

Chaura Abrahamga uywaynincunata niran: «Cayllacho gamcunaga quëdacuy. Bürrunchïtapis quëdachicuy. Tagaymanga nogallami cay wamrawan aywashaj chaycho Diosta aduranäpaj. Nircur cutimushäcuna.»

Génesis 24:25

Wasëcunachöga jäcuycanmi canan chacay gamcuna pachacunayquipaj. Ogshapis guewapis caycanmi camëlluyquicunapaj.»

Génesis 24:48

Nircurna gongurpacuycur Tayta Diosta rispitar alabarä cayno nir: ‹Patrunnë Abrahampa Tayta Diosnin, gam alli nänipami pushamashcanqui patrunnëpa wamranpaj famillyanpita warmita ashinäpaj› nir.

Génesis 24:52

Chayno nejta wiyaycur Abrahampa uywaynenga Tayta Diosta agradësicushpan umpuran urcunpis pampaman töpanancama.

1 Crónicas 29:20

Chaypitaga llapan runacunata David niran: «Llapayqui Tayta Diosta alabay.» Chauraga unay caj awiluncunapis quiquincunapis sirbiycashan Tayta Diosta llapan alabaran. Chayno alabar llapan gongurpacuran Tayta Diosta rispitashpan, rayta rispitashpan.

2 Crónicas 20:18

Chaura Josafatga gongurpaycur umpuran urcunpis pampaman töpananyaj. Chayno Jerusalén runacunawan Judá runacunapis Tayta Diospa ñaupancho umpuran adurananpaj.

2 Crónicas 29:30

Ray Ezequiaswan autoridäcuna niran David cantashancunata, profëta Asaf cantashancunata cantaj Leví runacuna Tayta Diosta adurananpaj. Chaura paycunaga fiyupa cushisha cantaran. Adurashpan gongurpacuran.

Nehemías 8:6

Esdrasga munayniyoj Tayta Diosta alabaran. Chaura llapan runacunapis ricrancunata jogarir «Amén, Amén» niran. Nircur llapan runacuna Tayta Diosta adurar gongurpacushpan umpuran urcunpis pampaman töpanancama.

Salmos 22:29

Pipis bïdantaga manami rantishachu. Chaymi munayniyojcunaga rispitar umpur Tayta Diosllata cay pachacho aduranga.

Salmos 66:4

Cay pachacho tiyajcunaga llapanmi adurashunqui. Alabansacunawanpis alabashunquimi.» Selah

Salmos 72:9

Payta chiquej chunyajcho tiyajcunaga paypa munayninchöna ricacuchun.

Salmos 95:6

Shamuy-llapa, gongurpaycärir Tayta Diosta adurashun. Paypa ñaupanman gongurpacushun ari. Paymi ruramaranchïpis.

Éxodo 12:27

cayno nir willapanqui: ‹Tayta Diosmi Egiptucho unay castanchi Israelcuna tiyashan wichan wañuchiran Egiptucunata. Israelcunapa wasinpita ichanga päsacuran. Chayno rurarmi noganchi castataga mana wañuchiranchu. Chaypitami cay Pascua micuytaga ruranchi Tayta Diosta rispitar› nir.» Chaura Israelcunaga rispitar gongurpashpan Tayta Diosta aduraran.

Éxodo 34:8

Chayno niptin jinan öra Moisesga gongurpashpan umpuran urcunpis pampaman töpananyaj. Nircur Tayta Diosta aduraran.

Éxodo 4:31

Chaymi llapan runacuna riguishpan niran: «Tayta Diosga ricamashcanchïmi imano ñacar goyashanchïtapis» nir. Chayno nishpan gongurpaycärir Tayta Diosta aduraran.

Miqueas 6:6

Capas pillapis ninman: «¿Imalläwanraj aywashaj Tayta Diospa ñaupanman? ¿Imallawanraj janaj pachacho caycajta adurashaj? ¿Paypa ñaupanmanga aywashaj rupachipänäpaj cajta apacurcurchuraj, u watayoj besërata apacurcurchuraj?

Filipenses 2:10

Chaymi syëlucho cajcuna, cay pachacho cajcuna y wañojcunapis cawarircamur Jesucristupa ñaupanman gongurpaconga.

Jueces 7:15

Suyñuynincho imano ricashantapis willapänacushanta wiyaycur Gedeonga Tayta Diosta alabaran. Nircur cutiran Israelcuna pachacaraycashanman. Chayaycur niran: «Tayta Diosmi munayninchïman cachayconga Madián runacunataga. Juclla yaycapaycärishun.»

1 Samuel 1:28

Noganami cay wamräta Tayta Diosta goycushcä. Payga imaycamapis Tayta Diosllatami sirbenga.» Chayno niptin Elïga Tayta Diosta rispitar gongurpaycur umpuran urcunpis pampaman töpananyaj.