Génesis 22:9 - Tayta Diosninchi Isquirbichishan

⁹ Dios nishan jircaman chayaycur Abrahamga altarta pergaran. Chayman yantatapis chojparan. Nircur wamran Isaacta mancurnarcurna yanta jananman churaran.

Génesis 22:9 Iomraidhean Croise

Génesis 12:7

Chaycho tiyaycaptin Abramta Tayta Dios yuriparcur niran: «Cay partitaga gampita mirajcunatami goycushäpaj» Chaycho yuripashanpitami Abramga Tayta Diosta adurananpaj juc altarta jinancho pergaran.

Génesis 12:8

Chaypita aywacur Bet-elpa chimpanchöna tiyaran. Paycuna tiyashan cajpita Bet-elga caycaran inti yaganan caj-lächöna. Hai siudänami caycaran inti yagamunan caj-lächo. Chaychömi Abramga yapay juc altarta pergaran Tayta Diosta adurananpaj.

Génesis 13:18

Chayno niptin Abramga chay tiyaycashanpita juc-läman aywacuran llapanninta apacurcur. Chayno aywacur chayaran Mamrecho yöra caycaj ñaupanman. Chayga caycaran Hebrón siudäpa sercancho. Chaycho Abramga altarta pergaran Tayta Diosta adurananpaj.

Génesis 22:10

Abraham cuchilluta aptarcur wamranta pishtariycunanpäna caycaran.

Génesis 22:8

Niptin papänin niran: «Ïju, uyshataga Diosmi tarichimäshun.» Chayno nerga ishcan aywarcaycaran.

Génesis 8:20

Chaypita Noëga juc altarta pergaran Tayta Diosta adurananpaj. Nircur limyu caj animalcunapita jucta-cama chariran. Chaycunata pishtarcur altarcho rupachiran Tayta Diospaj.

1 Reyes 18:33

Yantata sumaj shancarcur törupa aychanta cuchuran. Nircur yantapa jananman churaran.

Salmos 118:27

Tayta Diosllami rasunpa Diosga. Paymi achquipämanchi. Rämacunata apamuy fistata gallaycunayquipaj. Nircur altar caycashan cajcama rämacunata apay.

Mateo 27:2

Nircur sumaj liyashata apar gobernador Pilatuman entregaran.

Marcos 15:1

Chaura pacha wararcuptinna mandaj cüracuna, Israel mayur runacuna, lay yachachejcuna, waquin autoridäcunapis parlacunanpaj shuntacaran. Parlacarcärerga Jesusta liyarcur Pilatuman apachiran.

Hechos 8:32

Liguiycashan libruchöga caynömi isquirbiraycaran: «Paytaga aparan uyshata pishtananpaj apaycajnömi. Manami ni juc shimipis rimacuranchu. Payga millwanta rutuptin uysha upällalla cacushannömi upällalla cacuran. Manami ni juc shimipis rimacuranchu.

Gálatas 3:13

Chayno niptinmi laycunata llapanta cumliyta mana camäpacur llapanchïpis maldisyunädu caycaranchi. Chaymi Tayta Diosninchi wamran Jesucristuta cachamuran ruquinchi maldisyunädu runano cruscho wañunanpaj. Tayta Diosninchïpa palabranchöpis niycan: «Guerucho warcuypa wañuchisha car maldisyunädumi caycan.»

Efesios 5:2

Jesucristo noganchïta cuyamashanchïno gamcunapis runa-masiquita cuyapay. Cuyamashpanchïmi Jesucristo noganchi-raycu wañuran jucha rurashanchïpita salbasha cananchïpaj. Chayno rurashanga Tayta Diospa shongunman tincoj alli ofrendami caran.

Hebreos 9:28

Jesucristupis juc cutillami wañuran llapanta juchancunapita perdunananpaj. Cay pachaman yapay cutimushpanga mananami runacunata juchanpita perdunangapächu. Chaypa ruquenga cutimonga payman yäracur shuyaraycajcunata pushacunanpänami.

Santiago 2:21

Mä unay awilunchi Abrahampaj yarpäshun. Tayta Diosninchëga Abrahamta alli rican ¿yäracushallanpitachu u yäracushpan wamran Isaacta altarman apashanpitachu?

1 Pedro 2:24

Juchaynaj caycarpis Jesucristo cruscho wañuran juchata rurashanchïpita perdunashana cananchïpämi, Tayta Diosninchi munashannöna cawananchïpämi. Payta däñar-ushashanpitami noganchëga allchacashana caycanchi.