Génesis 22:12 - Tayta Diosninchi Isquirbichishan

¹² Niptin anjilga niran: «Wamrayquita ama imatapis ruraychu. Nogaga musyämi Diosta wiyacushayquita. Gamga jucnaylla wamrayquitapis manami ‹mana› nimashcanquichu.»

Génesis 22:12 Iomraidhean Croise

Génesis 20:11

Chayno niptinmi Abrahampis niran: «Nogaga yarparä cay pachacho pipis Diosta mana adurashantami, warmë-casha wañuycachimänantami.

Génesis 22:13

Chayno niptin ricchacurishancho Abrahamga ricäriran juc carni shatacho auricasha caycajta. Chay carnitana altar jananman churarcur rupachiran wamranpa ruquin.

Génesis 22:16

Gayacamur niran: «Caynömi Tayta Dios nin: ‹Gamga noga nishäta imatapis ruranquimi. Japallan cuyay wamrayquitapis manami ñïgamashcanquichu. Chaypitami cananga jurashpä gamta në:

Génesis 22:2

Chaura Dios niran: «Japallan cuyay wamrayqui Isaacta pushacurcur ayway Moriah partiman. Chayman chayaptiquimi ricachishayqui maygan puntacho wamrayquita pishtarcur rupachinayquipäpis.»

Génesis 26:5

Chayno canga Abraham wiyacamashanpitami, mandamintöcunata, laynëcunata, yachachishäcunata cumlishanpitami.»

Génesis 42:18

Chaypitana paycunataga José niran: «Nogaga Diostami rispitä. Gamcunaga mana wañunayquipaj cayno ruray:

Nehemías 5:15

Ñaupa caj gobernadorcunami ichanga llapan runacunapäpis fiyupa gastulla caran. Paycunaga cada junaj cobraj chuscu chunca (40) guellayta micuypäwan bïnupaj. Chay mandajcunapa yanapajnincunana runacunata amatar ñacachej. Nogaga Tayta Diosta rispitar manami chaynöga ruraränachu.

Job 1:1

Uz partichömi juc alli runa tiyaran. Llapan shongunpa Tayta Diosllata sirbej. Mana alli ruraycunataga amatar manchacoj. Paypami jutin caran Job.

Job 28:28

Nircur runacunata Tayta Dios niran: ‹Yachaj runaga Nogallatami rispitaman. Mana allita rurananpitaga manchapacuypami cawan.› »

Job 5:19

Tayta Diosga ima mana alli chayashunayquipita yapay yapaymi salbashunquipaj. Manami camacächengapächu mana alli chayashunayquitaga.

Salmos 1:6

Juchaynajcunataga alli nänipa pushar Tayta Diosmi alli cawayman chayachin. Fiyu runacunatami ichanga quiquin purishan nänicho usharenga.

Salmos 111:10

Rasunpa yachaj canapäga rimëru Tayta Diostami rispitaypaj. Tayta Diosta rispitajcunaga alli yarpayniyojmi. ¡Tayta Diosga imaypis alabashami canga!

Salmos 147:11

Chaypa ruquin Tayta Diosga cushicun payta rispitaptinmi, pay cuyacoj cashanman yäracuptinmi.

Salmos 2:11

Fiyupa rispitashpayqui aduray Tayta Diosta.

Salmos 25:12

Tayta Diosga payta rispitaj runata quiquinmi yachachin imano cawananpäpis.

Salmos 25:14

Tayta Diosga rispitajcunapa amïgunmi. Parlacur aunishantapis musyachinmi.

Éxodo 20:20

Chaura Moisesga runacunata niran: «Ama manchacuychu. Tayta Diosga shamusha gamcunata musyapäshunayquipämi, payta rispitashpayqui juchata mana ruraypa cawanayquipämi.»

Proverbios 1:7

Rasunpa yachaj canapäga rimëru Tayta Diostami rispitar yäracuypaj. Tantiyacuyta mana munajcunami ichanga alli yachachicuycunatapis, willapashancunatapis manacajman churan.

Eclesiastés 12:13

Chayllatanami rimashcä. Mananami mas yachachinäpaj cannachu. Tayta Diosta rispitar mandamintuncunata cumliy. Runacunaga chaypämi cay pachacho cawan.

Jeremías 19:5

Nircur altarcunatapis rurasha chaycho Baal diospaj rupachinanpaj. Chayno rurananpäga noga manami nirächu. Chayno cananpäga manami yarpayllapis yarparächu.

Jeremías 32:40

Paycunawanmi imaycamapis conträtuta rurashaj. Paycunawanmi caycäshaj imachöpis yanapänäpaj. Shacyächishaj imaycamapis mana cachaypa nogallatana sirbimänanpaj.

Malaquías 4:2

Gamcuna, rasunpa rispitamar wiyacamajcunapämi ichanga salbacoj caynë cangapaj mana gueshyanayquicunapaj inti ratamushanno. Chaura gamcunanami cushicuypita pinticachanquipaj besëracuna wichgarashanpita llojshir pañashannöraj.

Mateo 16:24

Nircorga disïpuluncunata niran: «Pipis disïpulö cayta munaj cäga, quiquinpa shongun munashanno ama cawachunchu. Ñacanan captinpis, wañunan captinpis nogata mana gatirämaj cäga manami disïpulö canmanchu.

Mateo 19:29

Pimi noga-raycu cachaycun wasinta, wauguinta, pañinta, papäninta, mamanta, wamrancunata, chacrancunatapis; chay runaga Tayta Diospa ñaupanchömi imaycamapis cawangapaj. Chayno cachaycushanpitaga pachac (100) cuti mastami chasquenga.

Mateo 5:16

Runacuna ricananpaj achqui sindiraycashanno gamcunapis runacuna ricashunayquipaj allillata rurar goyay-llapa. Chayta ricacurmi runacuna alabanga syëlucho caycaj Diosninchïta.

Juan 3:16

«Tayta Diosga runacunata fiyupa cuyarmi japallan cuyay wamranta cachamuran Payman pipis yäracoj cäga mana wañunanpaj chaypa ruquenga imaycamapis cawananpaj.

Hechos 9:31

Chay wichanga yäracojcuna allimi goyäcuran Judeacho, Galileacho, Samariacho. Chaymi shacyäcuran Tayta Dios munashannölla cawananpaj. Chayno Espíritu Santu yanapaptinmi yäracojcunapis mas achcayaranna.

Romanos 5:8

Jesucristumi ichanga noganchi jucha rurayllacho cawaycaptinchïpis wañuran. Chaynöpami musyanchi Tayta Dios fiyupa cuyamashanchïta.

Romanos 8:32

Noganchi-raycu cruscho wañunanpaj cuyay wamran Jesucristutapis cay pachaman cachaycämorga ¿manachuraj wamrantawan iwal ima-aycatapis gomäshun?

1 Corintios 10:13

Llapanchïpäpis simrimi imallapis juchaman chayachiyta munamajninchi canga. Ichanga Tayta Diosman yäracusha pay musyanmi maycamalla awantananchïpaj cajtapis. Chaymi ima jucha ruraycunapis tunichiyta munamaptinchi yanapämäshun mana tuninanchïpaj.

2 Corintios 8:12

Pipis llapan shongunpa goycoj cajtaga Tayta Dios chasquinmi puydishanpita aycallatapis churaptin. Mana charaj cajtaga Tayta Diosninchi manami «churay» nimanchïchu.

Hebreos 11:19

Chaymi Abrahamga yäracuran: «Munarga wañushacunatapis Tayta Dios cawarachimongami» nir. Chaynöpami Abrahamga wamranta mana wañuchiranchu. «Wamrä cawarimushanönami» nir cutichicuran.

Hebreos 12:28

Noganchïpis Tayta Diosninchïpa maquincho cawaycarnaga manami sicsicyar ushacäshunnachu. Chaymi payta agradësicur llapan shongunchïwan adurashun. Pay nishantaga imaypis wiyacushun.

Santiago 2:18

Ichanga waquinniqui capas ninqui: «Waquenga yäracunllami. Waquenga yanapäcullarmi goyan.» Ichanga noga në: Mana yanaparga ¿imanöpataj musyanqui yäracoj cashayquita? Nogami ichanga musyachishayqui yanapar yäracushäta.

Apocalipsis 19:5

Tayta Dios jamaraycashan ñaupanpitanami wiyacämuran: «¡Dios munashanno cawajcuna Tayta Diosta alabay! ¡Jatunpis tacshapis llapayqui Tayta Diosta alabay!» nir.

1 Samuel 15:22

Chaura Samuel niran: «Wiyacushaga sacrifisyucunata rupachishanchïpitapis masmi Tayta Diosga cushicun. Uyshacunata pishtarcur wiranta rupachishanchïpita mas allimi Tayta Dios nishancunata wiyacuptinchi.