Génesis 21:6 - Tayta Diosninchi Isquirbichishan

⁶ Chaypita Sara cayno niran: «Cananga Diosmi cushicachimasha. Chayno llapan runacunapis wawayoj cashäta musyaycorga cushicongami.

Génesis 21:6 Iomraidhean Croise

Génesis 17:17

Niptin Abrahamga Diosta rispitashpan gongurpacur umpuran urcun pampaman töpanancama. Asicushpan shongullancho niran: «Auquin pachac (100) watayojna caycaptëga ¿imanöpanataj warmë gueshyaj ricaconga? Sarapis isgun chunca (90) watayojna caycan. Chacwanna caycaptenga ¿imanöpanataj wamran canga?» nir.

Salmos 113:9

Mana wawa tarej warmita cushicachin wawayoj cananpaj, wasincho cushishana tiyananpaj. ¡Aleluya! ¡Tayta Diosga alabasha cachun!

Salmos 126:2

Chaymi cushicushpanchi Tayta Diosta alabaranchi. Tayta Diosta mana rispitajcunami ichanga niran: «¡Tayta Diosga almiraypämi paycunata yanapasha!»

Isaías 49:15

Tayta Diosmi ichanga nin: «¿Juc warmi gongaycunmanchuraj wamranta, quiquinpa wamran caycaptin mananachuraj cuyanman? Wamranta juc warmi gongaycuptinpis Nogaga manami gongashayquichu.

Isaías 49:21

Chaura gamga yarpaynillayquicho ninquipaj: ‹Nogapaga wamräcuna manami cashachu. Ni wawa tariytapis manami yachashcächu. Chauraga ¿maypitataj cay wamräcuna yurimusha? Nogaga jitarisha, shuyni quiquillämi tiyashcä. ¿Pitaj uywasha paycunataga? Japallätami cachaycamaran. Paycunaga ¿maypitataj shamusha?› nir.»

Isaías 54:1

«Imaypis wawata mana tarej warmi fiyupa cushicuy. Gam imaypis mana gueshyacoj warmi cushicuypita cantay. Runan cachaycusha wawata mana tarej warmimi runayoj warmipita mas achca wawata tarenga.» Tayta Diosmi chayno nisha.

Jeremías 20:15

¡Maldisyunädu cachun papänëta cushicachir «ollgumi wamrayqui yurisha» nir willäga!

Lucas 1:14

Payga fiyupami cushicachishunquipaj. Yurishanpitapis achcajmi cushicongapaj.

Lucas 1:58

Chayta musyaycur, famillyancuna rejsinacushancunapis shamuran «Elisabet-taga Tayta Dios allimi yanapasha» nir cushicushpan.

Romanos 12:15

Cushicojcunawan cushicuy. Wagajcunawan wagay.

Hebreos 11:11

Abraham Tayta Diosman yäracuptinmi auquinna caycaptinpis y warmin Sara chacwanyashancama wawata mana tarej caycaptinpis yanaparan wamran yurinanpaj.

1 Samuel 1:26

Elïta Ana niran: «Tayta, nogami ñaupayquicho ñaupata Tayta Diosta mañacuycarä.