Génesis 17:5 - Tayta Diosninchi Isquirbichishan

⁵ Chaymi cananpitaga jutiquipis manana Abramnachu canga. Chaypa ruquin jutiqui canga Abrahamnami. Chaynöga jutiqui canga gampita mirajcuna achca nasyunpaj mirananpaj captinmi.

Génesis 17:5 Iomraidhean Croise

Génesis 17:15

Mastapis Abrahamta Dios niran: «Cananpitaga warmiquipa jutin manami Sarainachu canga. Chaypa ruquenga Saranami jutin canga.

Génesis 32:28

Chay runanami niran: «Cananpitaga manami Jacobnachu jutiqui canga. Jutiquega canga Israel. Chayno jutiqui canga Dioswanpis, runacunawanpis pillyar llapanta binsishayquipitami» nir.

Génesis 32:29

Chaypita Jacobpis tapuran: «Cananga gamna willamay. ¿Imataj jutiqui?» nir. Chaura Jacobta niran: «¿Imapätaj jutëta musyayta munanqui?» nir. Chaypita chay runaga jinallancho Jacobta bindisyunta goran.

Génesis 35:10

cayno nishpan: «Gampaga jutiqui Jacobmi. Cananpitaga manami Jacobnachu jutiqui canga. Cananpitaga jutiqui canga Israelnami.» Chayno nirmi Israel nir jutinta rucachiparan.

2 Samuel 12:25

Chaymi profëta Natanwan Tayta Dios willachiran wamrapa jutinta «Jedidías» nir churapänanpaj.

1 Crónicas 1:27

Tarëpa wamran Abram. Paypa jutinnami Abraham.

Nehemías 9:7

«Tayta Dios, gammi Abramta acrarayqui. Gammi pushamurayqui Caldeacho caycaj Ur marcapita. Nircur ‹Abraham› nirna jutinta churaparayqui.

Isaías 65:15

Sirbimajcunataga mushoj jutitami churapäshaj. Gamcunapa jutiquitami ichanga rimangapaj pitapis maldisyunashpan.

Jeremías 20:3

Sëpucho juc junaj prësu charararcachir Pasurga Jeremiasta jorgachiran. Chaura Jeremías niran: «Tayta Diosmi jutiquita rucachisha. Cananga jutiqui manami Pasurnachu. Magor-misabibnami jutiqui.

Jeremías 23:6

Pay ray cashan wichan Judá runacunaga allillami goyangapaj. Israel runacunapis allimi goyanga. Chay mandajpa jutintaga churapangapaj ‹Alliman churamajninchi Tayta Dios› nir.»

Números 13:16

Paycunatami Moisesga cacharan Canaán partita ricapacoj. (Nunpa wamran Oseaspatana Moisesga jutinta rucachiparan «Josué» nir.)

Juan 1:42

Nircur pusharan Jesús cajman. Chayaycuptin Simontaga Jesús niran: «Gamga canqui Jonaspa wamran Simonmi. Cananpitaga jutiqui canga Cefas. (Chay ninanga caran Pedro ninanmi. Ichanga Cefas ninanpis Pedro ninanpis caran rumi ninanmi.)»

Romanos 4:17

Tayta Diosga palabrancho Abrahamta niran: «Gampita mirajcuna achca nasyunpaj aypajpämi cangapaj.» Tayta Diosga chayno auniran Abraham payman yäracushanpitami. Abrahamga riguiran wañojcunata Tayta Dios cawarachinanpaj cashanta, manaraj cajcunatapis rurananpaj cashantami.

Apocalipsis 2:17

«Wiyajcunaga Espíritu Santu yachachishanta sumaj tantiyacuchun. Imano ñacarpis imaycamapis yäracamajcunataga syëlucho churaraycaj manätami garashaj. Yuraj rumicho mushoj jutin isquirbiraycajtami goshäpis. Chay jutitaga yuraj rumita chasquejcunallami musyanga.