Génesis 11:8 - Tayta Diosninchi Isquirbichishan

⁸ Chayno nirmi Tayta Diosga llapan runacunata cay pacha intëruman mashtacächiran. Chaynöpami arurcaycashan marcatapis cachaycäriran.

Génesis 11:8 Iomraidhean Croise

Génesis 10:25

Heberpapis wamran caran ishcay. Jucaj wamranpa jutin caran Peleg. (Chaynöga jutin caran cay pachacho tiyaj runacuna chay wichan intëruman raquicashanpitami.) Pelegpa wauguinpana jutin caran Joctán.

Génesis 10:32

Cay pachata yacu ñitishanpitaga Noëpita mirajcuna cay pachacho intëruman mashtacaran. Paycunaga achca nasyuncunapaj aypajmi miraran.

Génesis 10:5

Chaycunami caran Jafetpita mirajcuna. Chaura paycunaga lamar cantunpa mashtacaran mirar nasyuncuna cananpaj. Paycunaga cada nasyuncho juc rimayta-camana parlaj.

Génesis 11:4

Chaypita llapan parlacur ninacuran: «Jatun marcata rurashun. Chaychöna juc törrita rurashun syëlucama chayajta. Chaynöpami rejsisha cashun. Chaura cay pachachöga noganchi manami intëruman mashtacäshunnachu.»

Génesis 11:9

Tayta Diosga cay pachacho runacuna rimashanta ticrachiran achca casta rimayman. Mana tantiyachinacurnami runacunaga raquicarcur-raquicarcur intëru mundupa aywacuran. Chaypitami chay marcapa jutinta churaparan «Babel» nir.

Génesis 49:7

Nogaga melanäcömi gamcuna rabyar rurashayquita. Chaypitami gamcunataga mashtaypa-mashtarishayqui. Chaura intëru Israel nasyunchömi tallucasha caycangapaj.

Salmos 33:10

Tayta Diosmi mana camacächinchu payta mana rispitajcuna imata rurayta munaptinpis.

Salmos 92:9

Tayta Dios, chiquishojcunaga ushajpämi illganga. Mana allita rurajcunaga machiypa-machirmi mashtacanga.

Lucas 1:51

Munayninwanmi rurasha fiyupa almiraypajcunata. Munayniyoj-tucojcuna yarpashancunatapis manami camacächishachu.

Deuteronomio 32:8

Tayta Diosmi juc junajcho runacunata raquiran. Nasyuncunata raquir lindancunatapis churaparan. Chayno rurashpan Israelcunatapis raquiparan aycapis cashanman-tupumi.