Génesis 1:9 - Tayta Diosninchi Isquirbichishan

⁹ Chaypitana Tayta Dios niran: «Ura caj yacu juc pachallaman shuntacächun allpa ricacänanpaj.» Chaura nishannölla caran.

Génesis 1:9 Iomraidhean Croise

Génesis 1:8

Asulyaraycämojta Tayta Dios jutichaparan «syëlu» nir. Chaytami camaran ishcay caj junajcho.

Nehemías 9:6

«Gamllami Tayta Diosga canqui. Gammi camashcanqui syëluta, syëlucho llapan caycajcunata. Gammi camashcanqui cay pachata, cay pachacho cajcunata, lamarta, lamar rurincho cajcunatapis. Gammi llapan ima-aycatapis cawaycächinqui. Chaypitami janaj pachacho caycajcunapis adurashunqui.

Job 26:10

Pachapa cuchunchöna lindata churasha junajpäwan chacaypaj.

Job 26:7

Imapis mana cashanmanmi syëluta Tayta Dios mashtaran. Imapis mana cashanmanmi cay pachatapis warcusha.

Salmos 104:3

Gamga wasiquita tucnaraj pilancuncunatapis camacächishcanqui syëlucho caycaj yacu jananchömi. Pucutaytapis carrëtayquimanmi ticrachinqui. Äbipa älanchönömi wayrapapis aywanqui.

Salmos 33:7

Paymi shuntaran juc pachallaman aypalla lamar yacutapis.

Salmos 95:5

Lamarpis payllapami. Lamartaga paymi camaranpis. Quiquin maquinwanmi ruraran cay pachatapis.

Eclesiastés 1:7

Mayucunaga llapan aywar chayaycan lamarllaman. Chaypis lamarga manami imaypis juntamunchu. Mayucunaga cutin llojshimushanman imaypis aywashanno yapay aywananpaj.

Jeremías 5:22

Noga Tayta Diosmi cayno në: ¿Gamcunaga manachu imanillarpis manchacamanqui? ¿Manachu ñaupächöga sicsicyanqui? Lamar cantucho agush caycajtapis nogami churashcä lindata. Chaymi chaypita mastaga lamar yacupis mana päsamunnachu. Wayrawan ruyrucarcur-ruyrucarcur gaparar shamurpis chay jananpaga manami päsamunnachu.

Jonás 1:9

Chaura Jonás willaran: «Nogaga hebreo runami cä. Nogaga janaj pachacho caycaj Tayta Diostami rispitar sirbë. Paymi cay lamartapis cay pachatapis camasha.»

2 Pedro 3:5

Chayno rimarpis paycunaga manami tantiyanchu Tayta Diosninchi cay pachata, syëluta camashanta. Tayta Diosninchi rimarcuptillanmi chaqui pachaga yacu rurinpita llojshimuran.

Apocalipsis 10:6

Nircur llapan imatapis camaj, imaycamapis cawaj Tayta Diospa jutincho jurar niran: «Tayta Dios mananami masga shuyanganachu.