Génesis 1:6 - Tayta Diosninchi Isquirbichishan

⁶ Chaypita Tayta Dios niran: «Asulyaraycaj cachun yacucuna ishcayman raquicänanpaj.»

Génesis 1:6 Iomraidhean Croise

Génesis 1:14

Chaypita Dios niran: «Syëlucho cachun achicyajcuna allpaman achicyapämunanpaj. Chaynöpami junaj chacaypita raquicasha canga. Chay achicyajcunaga alli canga junajcunata, watacunata yupananpaj, imay wichan cashantapis musyananpämi.» Chaura nishannölla ruracaran.

Génesis 1:20

Chaypita Tayta Dios niran: «Tucuy casta yurichun yacucho tiyajcuna, chayno pacha jananpa pärejcunapis.»

Job 26:13

Pay pücarishpanmi syëlutapis lliuyaj cananpaj camacächisha. Llushway culebratapis paymi charircur wañuchisha.

Job 37:11

Paymi camacächin yacuta pucutay jogarinanpäpis. Camacächin chay pucutaypita räyu llojshinanpaj.

Job 37:18

Gamga Tayta Diosta ¿yanapanquimanchu mana cuyucoj cananpaj syëluta mashtäshiyta?

Salmos 104:2

Gamga achquiwan pitucurcusha carmi ñawitapis pengacachej achquicho caycanqui. Tëlata mashtajnömi syëlutapis mashtarishcanqui.

Salmos 148:4

Alabay syëlu, syëlu jananpa asulyaraycaj yacupis.

Salmos 150:1

¡Aleluya! ¡Tayta Diosga alabasha cachun! Tayta Diosta alabay-llapa rispitädu wasincho. Alabay-llapa janaj pachacho caycaj Tayta Diosta.

Salmos 19:1

Tayta Dios munayniyoj cashanta syëlumi willamanchi. Cay pachapis «Tayta Dios ruramasha» ninmi.

Salmos 19:2

Diyapis waran-waranmi musyachimanchi. Pagaspis waran-waranmi tantiyachimanchi.

Salmos 33:6

Tayta Dios niptinmi syëlupis ruracaran. Mandarcuptillanmi yuriran intipis quillapis estrëllacunapis.

Salmos 33:9

Paypa shimillanwanmi llapanpis ruracasha. Rimarcushallanpitami llapanpis casha.

Eclesiastés 11:3

Pucutay fiyupa yanamacarcamuptenga tamyamongami. Yöraga wichaypa tunirpis, uraypa tunirpis maymanpis tunishallanchömi jitaräconga.

Isaías 40:22

Tayta Diospaga jamanan caycan syëlupa jananchömi. Runacunataga chuspitanöllami ricaycämanchi. Paymi syëlutaga llantucunatanöpis mashtacächiran. Toldu wasi lluylluraycajta runa ichichir mashtajnömi mashtaran.

Jeremías 10:10

Tayta Diosninchïmi ichanga rasunpa Dios caycan. Paymi caycan cawaj Dios, imaycamapis mana rucaj Ray. Pay rabyacurcuptenga cay pacha sicsicyanmi. Pay rabyaptenga manami ima nasyunpis awantanchu.

Jeremías 51:15

Tayta Diosmi munayninwan cay pachata camasha. Fiyupa yachaj cayninwan cay munduta tacyachisha. Yarpaysapa cayninwan syëlutapis camacächisha.

Zacarías 12:1

Cay willacuyga caycan Israelcuna imano cananpäpis Tayta Dios willacachimashanmi. Syëluta camacächej, cay pachatapis sumaj tacyachej y runata cawayta goj Tayta Diosmi cayno nin:

2 Pedro 3:5

Chayno rimarpis paycunaga manami tantiyanchu Tayta Diosninchi cay pachata, syëluta camashanta. Tayta Diosninchi rimarcuptillanmi chaqui pachaga yacu rurinpita llojshimuran.