Éxodo 8:14 - Tayta Diosninchi Isquirbichishan

¹⁴ Runacunaga intërucho shuntaran muntuy-muntuy wañusha säpucunata. Chaura may chaychöpis fiyupa asyaran.

Éxodo 8:14 Iomraidhean Croise

1 Reyes 18:26

Chaura paycunaga munashan caj töru-mallwata chariran. Nircur camariran. Tutapita las-dösicama Baalta mañacuran «¡Nogacuna mañacuycashäta wiyamay ari tayta Baal!» nir. Chayno gayacushpanmi rurashan altar ñaupancho pinticacharcaycaran. Chayno nir gayacuptinpis manami imapis wiyacaranchu.

1 Reyes 18:29

Löcuno pinticacharcaycaptillan, gaparpaycaptillan las-dösipis päsaran. Chaynölla rurarcaycaran uywata rupachiy öra chayamunancama. Manami ni imapis mayacaranchu. ¡Gayacuptinpis manami pipis cuntistamuranchu!

Éxodo 7:21

Mayucho caj pescäducunapis wañuran. Mayupis fiyupa asyaricäcuran. Chaura Egipto runacunaga yacuta upuytapis mana puydirannachu. Egipto nasyunchöga llapan yacu yawarman ticrasha caycaran.

Éxodo 8:13

Chaura Tayta Diosga camacächiran Moisés mañacushanno. Llapan säpucuna wañuran wasicunacho, wasi puncun pampacunacho, chacracunacho cajcunapis.

Éxodo 8:15

Chaypita llapanpis allina caycajta ricashpan faraonga yapay rumi shonguno contra ricacuran. Aaronwan Moisés nishantaga mana cäsurannachu. Tayta Dios willashannömi caran.

Éxodo 8:24

Chaypita Tayta Diosga nishanno ruraran. Chaymi upucruycunaga intëru Egiptuman juntaycuran. Palasyumanpis autoridäcunapa wasinmanpis upucruy juntacuycuran. Egiptoga mana tiyaypänönami ricacuran.

Éxodo 9:11

Mäjica rurayta yachaj brüjucunapis manana Moisespa ñaupancho cayta puydiranchu marca-masincunachöno paycunachöpis chupu yuricurcuptin.

Isaías 19:11

¡Zoán siudäpa mandajnincunaga yarpayniynaj upa runacunami! ¡Egiptupa mandajninta tantiyachej musyacojcunapis yarpayniynaj upa tantiyachejcunami! ¿Imanirtaj faraonta cayno nin: «Nogacunaga cä unay musyacojcunapita mirajmi, unay raycunapita mirajmi» nishpan?

Isaías 34:2

Tayta Diosga nasyuncunapaj rabyashami caycan. Rabyashami caycan nasyuncunapa suldäruncunapäpis. Paymi llapanta illgächenga; ushajpaj wañuchenga.

Ezequiel 39:11

«Chay wichan, Gogtaga Israelcho juc partita pampacunanpaj goycushäpaj. Lamarpa chimpancho caycaj Caminanticuna päsanan guechwa pampatami goycushaj. Chaymanmi Gogta llapan suldäruncunatawan pampanga. Chaymi chay partipaga pipis mana purengapänachu. Nircur chay partipa jutintana churapanga ‹Gogpawan suldäruncunapa Guechwa pampan› nir.

Joel 2:20

Micuyta ushaj chüpacacuna jana caj-läpita aywamojtapis gamcunapitaga gargushämi. Chayno gargurmi jitarishäpaj chunyajman. Ñaupanta aywajcunatami shengaypa wañurachishaj Cachi lamarcho. Guepanta aywajcunatana shengachishaj Mediterráneo lamarcho. Wañur ismurmi fiyupa asyaricurenga. Chaynömi almiraypajcunata ruraj-aywä.