Éxodo 7:9 - Tayta Diosninchi Isquirbichishan

⁹ «Milagrutaraj ruranayquipaj faraón nishuptiquega Aaronta ninqui tucruyquita faraonpa ñaupanman jitarinanpaj. Jitaycuptenga culebramanmi ticracurenga.»

Éxodo 7:9 Iomraidhean Croise

Éxodo 10:13

Janajpa tucrunta Moisés jogariptin Tayta Dios wayrächimuran inti yagamunan caj-läpita. Chaura Egiptuman wayraran chay junaj goyarpoj pagaspapis warayta. Warannin tutapäga aypalla chüpacacuna warämuran pachapis mana jäcoj. Inti yagamunan caj-läpita wayrämushpanmi chüpacacunata apamusha caran.

Éxodo 4:17

Chay tucruyquitaga apacuy. Chaywanmi fiyupa almiraypajcunata ruranquipaj.»

Éxodo 4:2

Niptin Tayta Dios tapuran: «¿Imatataj aptaraycanqui?» nir. «Tucrötami» niran Moisesga.

Éxodo 4:20

Chaymi Moisesga warminta wamranta bürruman muntarcachir Egiptuman pushacuran. Apacuran Dios «Apay» nishan tucruntapis.

Éxodo 4:3

Chaura Tayta Dios niran: «Mä pampaman jitaycuy.» Pampaman jitaycuptin tucronga culebraman ticracuriran. Chaura Moisesga culebrapita gueshpiran.

Éxodo 7:8

Chaypita Aarontawan Moisesta Tayta Dios niran:

Éxodo 9:23

Tucrunta Moisés janajman jogariptin jinan öra Tayta Dios räyuchiran. Runtu tamyatapis tamyachiran. Chaynömi Tayta Diosga intëru Egiptuta runtu tamyawan ushachiran.

Isaías 7:11

«Cumlinäpaj cashanta musyanayquipaj noga Tayta Diosniquita mañacamay juc señalta ricachinäpaj. Mañacamaptiquega señalta ricachishayquimi janaj pachachöpis, pacha rurinchöpis.»

Ezequiel 29:3

cayno ninqui: ‹Caynömi Tayta Dios nin: « ‹Egiptupa raynin faraón, cananga nogami contrayqui ricacö. Gamga canqui jatuncaray waräcuy mayu yacullacho tiyacojnömi. Chayno carmi ninqui: «Nilo mayuga nogapami. Nogami rurashcä» nir.

Mateo 12:39

Chaura Jesús niran: «Juchasapa mana wiyacoj runacuna, gamcunaga milagruta ruranätaraj munaycanqui. Chaymi imatapis mana rurashächu. Chaypa ruquenga tantiyacunquiman unay profëta Jonás imaman chayashantapis.

Juan 10:38

Nogaman mana riguirpis milagrucunata rurashäman riguiy. Chaynöpami musyanquipaj Papänë nogacho caycashanta, nogapis paywan caycashäta.»

Juan 2:18

Chaymi Israel mandajcunaga niran: «¿Ima munayniquiwantaj chayno ruranqui? Mä juc milagruta ruray munayniyoj cashayquita musyanäpaj.»

Juan 6:30

Chayno niptin paycuna niran: «Tayta Dios cachamushushayquita riguinäpäga ¿ima milagrutataj ruranqui?