Éxodo 7:20 - Tayta Diosninchi Isquirbichishan

²⁰ Chaura Aaronwan Moisesga ruraran Tayta Dios nishanno. Aaronga tucrunta jogarcur mayuta wiruran faraonpawan autoridänincunapa ñaupancho. Chaura llapan yacu jinan öra yawarman ticracuriran.

Éxodo 7:20 Iomraidhean Croise

2 Reyes 4:29

Chaura Eliseoga uywaynin Giezita niran: «Camaricurcur juclla ayway wamra caycashanman bastunnëta apacurcur. Piwanpis tincur ama saludanquichu, pipis saludashuptiqui ama chasquinquichu. Chayaycorga bastunnëta wamrapa cäranman churanqui» nir.

Salmos 105:29

Tayta Diosga mayu yacucunatapis yawarman ticrachiran. Chaynöpami pescäducunapis wañuran.

Salmos 78:44

Chaychömi mayucunatapis yawarman ticrarachiran. Chaura Egipto runacunaga mananami chay yacuta upurannachu.

Éxodo 4:9

Ishcanta rurachishäcunawan mana riguishuptiquega Nilo mayupita yacuta chagarcur pampaman jicharinqui. Chay yacuga pampaman chayar yawarmanmi ticracurengapaj.»

Éxodo 7:10

Niptin Moisesga Aaronwan aywaran faraón cajman. Faraonpawan sirbejnincunapa ñaupanchöna Tayta Dios nishanno ruraran. Aarón tucrunta pampaman jitaycuptin culebraman ticracuriran.

Éxodo 7:21

Mayucho caj pescäducunapis wañuran. Mayupis fiyupa asyaricäcuran. Chaura Egipto runacunaga yacuta upuytapis mana puydirannachu. Egipto nasyunchöga llapan yacu yawarman ticrasha caycaran.

Éxodo 7:6

Aaronwan Moisesga Tayta Dios mandashanta llapanta ruraran.

Habacuc 3:8

Tayta Dios, ¿fiyupachu rabyacurcushcanqui mayucunapaj? ¿Nina ratarejnöchu rabyacurcushcanqui lamarcunapäpis? ¿Chaychu puriycanqui cawalluyqui muntashalla? ¿Chaychu carrëtayqui janancho cörriycanqui?

Apocalipsis 8:8

Ishcay caj anjilna trompëtata tucamuptin lamarman jatuncaray jirca rataycar tunimuran. Chaymi lamarga pullanpita mas yawarman ticraran.