Éxodo 5:22 - Tayta Diosninchi Isquirbichishan

²² Chayno niptinmi Tayta Diosta mañacur Moisés niran: «Tayta Dios, ¿imanirtaj acrashayqui runacunata ñacaycächinqui? ¿Chaypächu cachamashcanqui?

Éxodo 5:22 Iomraidhean Croise

1 Reyes 19:10

Chaura pay niran: «Nogaga llapan shongöwanmi sirbishcä munayniyoj Tayta Dios. Israelcunami ichanga conträtuta rurar parlacushayquitapis mana cäsushachu. Altarniquicunatapis juchurgärachisha. Profëtayquicunatapis llapantami wañuchisha. Nogallanami cawaycä. Nogatapis ashiycäman wañuchimänanpämi» nir.

1 Reyes 19:4

Nircur quiquenga juc junaj goyarpoj chunyajman aywacuran. Nircur jamacuycuran retäma jachapa chaquinman chayllachöna wañucuyta yarpar. Chaymi niran: «¡Tayta Dios, amana cawachimaynachu! ¡Shuntacamayna ari! Nogapis wañucoj taytäcunata gatiytami munä.»

Salmos 73:25

¿Pïnëtaj nogapaga syëlucho caycan? ¡Gamllami Tayta! Yanapaycämaptiquega manami imatapis munächu cay pachachöga.

Éxodo 17:4

Chayno niptinmi Moisesga Tayta Diosta mañacur niran: «¿Imatataj rurashaj cay runacunataga? Manapis aycällatanami sajmaycällar wañuycachimanga.»

Jeremías 12:1

Tayta Dios, gamga llapantami musyanqui. Rasun cajtami rimanqui. Chayno captinpis tapucushayqui. ¿Imanirtaj fiyu runacunapäga yarpashanpis alli llojshipan? ¿Imanirtaj llullacuypa mana allita ruraj runacunaga alli goyan?

Jeremías 20:7

Tayta Dios, gamga llullapämashcanquimi. Nogaga nimashayquitami riguishcä. Gam nogapita mas callpa cashpayquimi binsimashcanqui. Cananga imay örapis runacuna asipänanmi caycä. Llapanmi manacajman churamar asipäman.

Jeremías 4:10

Chayno niptin noga Jeremías nirä: «¡Ay Tayta Dios, imanöshi Jerusalén runacunata engañashcanqui! Gamga aunirayqui ‹imaypis alli goyayllami canga› nirchaj. Chaypis runacunaga wañunanpaj cuncanman cuchillun churapacushanömi carcaycan.»

Habacuc 2:3

Cananga manami chayamunrächu öra chay ricaycashayquicuna cumlinanpäga. Ichanga imano carpis cumlengapämi. Gamga ayca wata päsaptinpis shuyaray. Chaycunaga päsanga imaypis päsananpaj caj junajchömi.

Números 11:11

Chaymi Tayta Diosta niran: «Sirbishojniquitaga ¿imanirtaj ñacachimanqui? ¿Imanirtaj aypalla runacunata pushanäpaj churamushcanqui?

Josué 7:7

Gongurparaycashan öra Josuëga niran: «¡Tayta Dios! Cayno cananpäga ¿imapäraj cay runacunata Jordán mayuta päsachimurayqui? ¿Amorreo runacuna ushamänanpächu cayman pushamashcanqui? ¡Nogacunapäga allimi canman caran Jordán mayuta mana chimpamuyllapa tiyacuptë!

1 Samuel 30:6

Chaura Davidga fiyupa yarpachacuycaran. Yan'guincunaga fiyupa rabyasha caycaran wamrancunata apacushanpita. Chaymi Davidta sajmayta munaycaran. Davidmi ichanga Tayta Diosman yäracuran.