Éxodo 28:12 - Tayta Diosninchi Isquirbichishan

¹² Nircur chayta churanqui efod ishcan-lä umrunpa päsaränan cajman. Chaynöpami Aarón ñaupäman shamushpan juticuna isquirbiraycaj rumicunata apamonga. Chaycuna canga Israelpita mirajcunata noga yarpänäpämi.

Éxodo 28:12 Iomraidhean Croise

Job 31:36

Chaytaga cushisha rispitarmi chasquishaj. Corönatanömi charäshaj.

Salmos 89:19

Unayga acrashayqui runacunata ribilaypami tantiyachirayqui. Paycunatami nirayqui: «Israel runacunapitami jinyunninta acrashcä. Paytaga nogami yanapashcä mas allicho cananpaj.

Éxodo 12:14

Chay junajta gamcunaga yarpanquipaj. Cada watacho chay junajmi rispitamar fistata ruranquipaj gamcunapaj alli rurashäta yarpänayquipaj. Chaynöllami gamcunapis gamcunapita mirajcunapis cada wata imaycamapis ruranquipaj.

Éxodo 13:9

Gamcunapäga cay fista canga ricrayquicho u urcuyquicho chäpasha caycajnömi Tayta Diospa mandamintuncunata imaypis mana gonganayquipaj. Chaynöga canga fiyupa munayninwan Egiptupita Tayta Dios jorgamushushayquipitami.

Éxodo 28:11

Chay rumicunaman juticunataga isquirbenga aläja ruray yachajmi. Sëlluta rurashanno ruranga. Chay rumitana churanqui goripita cañichicuna caycajman.

Éxodo 28:29

«Chaynöpami pëchuncho pectoralta jatisha aywar Aaronga Israel trïbucunapa jutincunata purichenga ñaupäman yaycamuptin paycunata yarpänäpaj.

Éxodo 28:7

Efodga canga ishcay tëla. Ishcanpa puntancho canga umrunpa shawatarar chaycunapita watacunanpaj.

Isaías 12:2

Tayta Diosmi salbaman. Payman yäracurmi imapitapis mana manchacöchu. Tayta Diosmi callpata goman, imapitapis pacaman. Paymi salbamajnë.»

Isaías 62:6

Jerusalén, curalaraj pergayquicunamanmi ricachacojcunata churashcä. Paycunaga chacaypa junajpapis mana chawaypami nircaycanga: «Tayta Diosta sirbejcunaga ama upällacaycäriychu.

Isaías 9:6

Cushicuy caycan juc wamra noganchïcho yurishanpitami. Juc wamratami Tayta Dios gomashcanchi. Paytami munayninta gosha mandananpaj. Paytami pï-maypis rejsenga: «Almiraypaj tantiyachicoj» nir, «Binsej Dios» nir, «Para-simri cawaj Tayta» nir, «Alli goyayta tarichicoj mandaj» nir.

Levítico 24:7

Cada fïla tantaman churanqui alli caj insinsutapis. Chay insinsutami tantapa ruquin rupachinqui.

Números 16:40

Altarman chayno lagaran pï runapis chayta ricacur Tayta Diospa ñaupancho insinsuta llutalla mana saumachinanpämi. Pipis llutalla saumacherga Corëno yan'guincunano wañunan caran. Corëtapis yan'guincunatapis chayno päsaran Moisesta Tayta Dios nishannömi.

Números 31:54

Chaynömi Eleazarwan Moisés chasquiran mandajcuna apamushan gorita. Paycunana chay gorita aparan Tincuna Tolduman Israelcunata Tayta Dios yanapashanta imaypis yarpänanpaj.

Lucas 1:54

Munaynincho goyaptin sirbejnin Israelcunata yanapasha. Payga imaypis cuyapaycanmi.

Lucas 1:72

Chayno cashpanmi musyachimaranchi unay caj awilunchicunata cuyapashanta, conträtuta rurar aunishancunata mana gongashantapis.

Hechos 10:4

Chaura mancharisha ricapaycashancho niran: «¿Imata Tayta?» Anjilna niran: «Cornelio, mañacushayquita Tayta Dios wiyashami. Pobricunata caridäta goshayquitapis ricashami.

1 Corintios 11:24

Nircur Tayta Diosta agradësicurir tantata paquiran «Chariy. Micuy. Cay tantaga cuerpömi. Gamcuna-raycumi noga wañuchisha cashaj. Chayno ruray gamcuna-raycu wañuchimashanta yarpänayquipaj» nir.

Deuteronomio 33:12

Benjamín trïbu runacunapämi niran: «Tayta Dios cuyashancunaga mana yarpachacuypami goyanga. Paymi imaycamapis chapanga. Maquillanchömi imaypis chararanga.»

Josué 4:7

ninquipaj: ‹Tayta Diospa babulninta Jordán mayuta chimpaycächiptinmi yacu chaquicäcuran. Jordancho imano cashantapis Israelcuna yarpänanpämi chay rumicunaga› nir.»