Éxodo 19:18 - Tayta Diosninchi Isquirbichishan

¹⁸ Intëru Sinaí jircapitami goshtay jatariran Tayta Dios chay jircaman nina chaupincho urämusha captin. Jurnupitanöraj goshtay jatariycaran. Intëru jircapis fiyupa sicsicyaran.

Éxodo 19:18 Iomraidhean Croise

Génesis 11:5

Ichanga Tayta Dios urämuran runacuna arurcaycashan siudätawan törrita ricaj.

Génesis 15:17

Pacha chacashana caycaptin illajpita yurircuran shanshayoj cañalla goshtataycajwan nina ratataycajpis. Chayga aycha churaraycaj chaupinpa päsaran.

Génesis 19:28

Ricäriran Sodomawan Gomorra caycashan ragran aywajpa. Ricaran intëru chay ragran aywajpaga jurnïllupitanöraj goshtay yana gontaynöraj jatariycämojta.

Nehemías 9:13

«Sinaí puntamanmi urämurayqui. Paycunataga syëlupitami willapämurayqui. Munashayquino goyänanpaj tantiyachirayqui. Alli cajta yachachirayqui. Allillata rurananpaj laycunatapis, mandamintucunatapis willaparayqui.

Salmos 104:32

Ricapäriptiqui cay pachaga sicsicyaytami gallaycun. Yataycuptiquega jircacunapis goshtacarcamunmi.

Salmos 114:4

Puntacunapis jircacunapis pinticacharan mallwa uyshacunano.

Salmos 114:7

Chaynöga casha Tayta Diosta manchacurmi. Jacobpa Tayta Diosninpa ñaupanchöga chucchuy ari cay pacha.

Salmos 144:5

Tayta Dios syëluta chaparaycajta auchirir urämuy. Puntacunata yataycuy goshtay jatarinanpaj.

Salmos 18:9

Syëluta quicharirmi urämuran. ¡Chaquenga caycaran fiyupa yana pucutay janancho!

Salmos 68:9

Tayta Dios, gammi tamyata alli tamyachimurayqui. Acrashayqui chacrataga gammi allchacächirayqui.

Salmos 77:18

Shucucuy wayracho räyuyqui pashtashanpis wiyacashami. Illguyniqui achicyashpanmi intëru mundutapis achicyachin. Cay pachapis timlurcunawan cuyuriran.

Salmos 77:19

Lamar gochapami nänita rurarirayqui. Aypalla yacu jananpami aywarayqui. Ichanga yupiquita manami pipis tariranchu.

Éxodo 19:13

Chay señalta päsaj cajtaga ama pipis yatayllapis yatayconganachu. Chaypa ruquenga lëchawan-carpis sajmaypa-carpis wañuchinqui. Señalta päsaj cajtaga runatapis uywatapis chaynömi wañuchinqui. Runacunaga punta chaquincho señal caycashancama aywanga uyshapa wagranta tucamojta wiyar-rämi.»

Éxodo 19:17

Chaypita Moisesga llapan Israelcunata pushacurcur aywaran punta chaquinman chaycho Tayta Diosta shuyänanpaj. Israelcunaga punta chaquinman chayar ichicaycäriran.

Éxodo 20:18

Chay öra Israelcunaga wiyaran räyu junrurushanta, uyshapa wagran wagamushantapis. Ricaran illgömushanta, jirca goshtashanta. Chaymi fiyupa manchacushpan carullachöna carcaycaran.

Éxodo 24:17

Tayta Dios munayniyoj car achicyashanta ricaptin Israelcunapäga caycaran quiquin puntata nina rupaycajnöraj.

Éxodo 3:2

Chaycho Tayta Diospa anjilnin Moisesta yuriparan shiracho nina rataycajno. Moisés nina rataycajta ricar cuentata gocuriran shirata mana ushashanta.

Éxodo 34:2

Camaricuy Sinaí puntaman wara tuta wichämunayquipaj. Chayamunqui quiquin puntaman noga caycashä cajcama.

Isaías 6:4

Chayno nishan wiyacaptin Templupa puncuncunapis sicsicyaran. Templu rurichöpis goshtay juntacurcuran.

Isaías 64:1

Ojalä syëluta quicharir urämunquiman. Ricärishushpayqui puntacunapis chucchunmanmi.

Jeremías 4:24

Puntacunata ricäriptë cuyuriycashami. Puytush lömacunapis cuyuriycällarmi juchur ushacaycasha.

Habacuc 3:6

Pay ichiycuptenga intëru cay pachami sicsicyan. Pay ricapäriptenga nasyuncunapis fiyupami mancharin. Imaycamapis caycaj jircacunapis juchucäcunmi. Imaycamapis caycaj puntacunapis gotucäcunmi. Tayta Diospa yachachicuynincunami ichanga imaypis mana ushacanchu.

Zacarías 14:5

Chaura gamcunaga gueshpinquipaj ishcan-läman raquisha caycaj chaupin jircapami. Chaypa aywar chayanquicunapaj Azal partiman. Gamcunaga gueshpinquipaj ñaupata Uzías Judäpa raynin cashan wichan timlur captin unay caj castayquicuna gueshpishannömi. Chaypitarämi Tayta Diosnëga shamongapaj anjilnincunawan iwal.

Mateo 24:7

Intëru munducho juc nasyunwan juc nasyun pillyanga. Muchuypis intëruchömi cangapaj. Timlurpis fiyupami juc-lächo juc-lächo canga.

Deuteronomio 33:2

cayno niran: «Tayta Diosga Sinaïpitami shamusha. Seirpita-pachami achquipämashcanchïpis. Parán jircapitami achicyaypa achicyämuran. Waranganpa waranganpa anjilnincunawanmi shamusha. Derëchu caj maquinpitaga ninanörämi layninpis yargamusha.

Deuteronomio 4:36

Syëlupitami piñacur willapäshurayqui. Cay pachacho ricarayqui nina rataycajta. Chay nina rataycämojpita parlamojtami wiyarayquipis.

Deuteronomio 5:22

«Punta chaquincho llapayqui shuntacasha carcaycaptiquimi chay mandamintuncunata Tayta Diosga puntacho nina rataycajpita, yanauyaycaj pucutaypita sinchipa rimamuran. Chaypitaga chay junaj manami mas imatapis parlamurannachu. Nircurmi ishcay läja rumiman isquirbircur nogata entregamaran.

Deuteronomio 5:4

Gamcunawanga Tayta Dios quiquinmi jircacho nina rataycajpita parlaran.

2 Tesalonicenses 1:7

Cay pachacho ñacashapis Taytanchi Jesucristo syëlupita anjilnincunawan nina rataycajcho cutimurmi pushacamäshun manana ñacananchïpaj.

2 Tesalonicenses 1:8

Tayta Diosta mana cäsur Jesucristupa alli willacuyninta mana chasquicojcunataga castigangami.

Hebreos 12:18

Gamcunaga manami Sinaí jircaman chayaj Israel runacunanöchu chayashcanqui. Paycunawan chay jircacho Tayta Diosninchi rimir caj conträtuta ruraptenga ninapis, chacaypis y fiyupa wayrapis caranmi.

Hebreos 12:26

Israel runacunata Tayta Diosninchi Sinaí jircacho parlapaptin chay jircapis fiyupami sicsicyaran. Cananpis Tayta Diosninchëga palabrancho niycanmi: «Yapaymi munduta sicsicyachishaj. Cananga manami mundullatachu sicsicyachishaj, man'chäga syëlutawanmi.»

2 Pedro 3:10

Ichanga suwa illajpita shamushannömi Tayta Jesucristupis illajpita chayamonga. Pay cutimuptinmi intipis, quillapis, llapan goyllarcunapis cay pachapis, manchariypaj wararaylla nina rataycajwan ushacanga. Cay pachaga llapanninwanmi rupaycällar ushacanga.

Apocalipsis 15:8

Chay örami Tayta Diospa munayninwan goshtay juntaran syëlucho caycaj Templuman. Chaymanga manami pipis yaycuyta camäpacuranchu Tayta Diospa ganchis castïguncunata anjilcuna jichamuyta ushanancama.

Apocalipsis 9:2

Wanwanyaycaj pachapa shiminta quichariptenga jurnupita goshtay llojshejnöraj yana goshtay llojshimuran. Chay goshtay intita chapacurcuptinmi pacha chacacäcuran.

Jueces 5:5

Israelcuna rispitashan Tayta Diospa ñaupanchöga llapan jircacunapis chucchuranmi. Sinaí puntapis chucchuranmi.