Éxodo 15:2 - Tayta Diosninchi Isquirbichishan

² Tayta Diosmi imapitapis chapämaj, salbamaj. Chaymi payllapaj cantä. Payta alabä Diosnë captinmi. Payta adurä unay caj famillyäcunapapis Diosnin captinmi.

Éxodo 15:2 Iomraidhean Croise

Génesis 17:7

Gamwanpis gampita mirajcunawanpis conträtutami rurashaj. Chay conträtu rurashäga imaycamapis canga. Nogami cashaj gampa Diosniqui; chayno gampita mirajcunapapis.

Génesis 49:18

¡Tayta Dios gam salbamänallayquitanami shuyaraycä!

2 Samuel 22:3

Tayta Diosnëmi washäcoj gaga, chapacuna escüdö, munayniyoj salbamaj, altunnin pacacunä, altunnin gueshpinä, salbamajnë. ¡Pillyacho salbamashcanqui!

2 Samuel 22:47

«¡Alabasha cachun Tayta Dios! ¡Alabasha cachun chapämajnëga! ¡Fiyupa rispitasha cachun salbamaj Tayta Diosnëga!

2 Samuel 22:51

Sumaj allicho cananpämi yanapanqui acrashayqui raytaga. Imaypis allimi ricanqui Davidta, paypita mirar aywajcunata.»

2 Samuel 7:24

Gammi camacächishcanqui Israelcunaga imaycamapis acrashayqui cananpaj; gam Tayta Dios, imaycamapis Diosnin canayquipaj.

2 Samuel 7:5

«Ayway sirbimajnë Davidman. Willanqui noga nishäta: ‹Manami gamchu rurapämanquipaj tiyanä Templuta.

1 Reyes 8:13

Canan nogaga rurachipashcä Templuta juc pachacho imaycamapis chaycho tiyanayquipaj.»

1 Reyes 8:27

«Ichanga ¿rasunpachuraj Tayta Dios cay pachacho gam tiyanquiman? Janaj syëlupis may-may jatun caycar manami aypanchu gampäga. Chaura rurachipashä Temploga aypaycunmanrächu.

1 Crónicas 16:14

«Tayta Diosmi noganchïpa Diosninchi. Paypa maquinchömi caycan cay pachaga.

Salmos 109:1

Tayta Dios, mañacaycämuptëga ama upällalla cacuychu.

Salmos 118:14

Callpä cananpaj Tayta Diosmi yanapäman. Chaymi payta alabä. ¡Paymi salbamajnëpis!

Salmos 118:21

Tayta Dios, gamtami agradësicö mañacushäta wiyamashayquipita, salbamashayquipita.

Salmos 118:28

Tayta Dios, gammi Diosnë canqui. Chaymi gamta alabashayqui. Tayta Diosnë gamtami agradësicushayqui.

Salmos 132:5

Tayta Diospaj juc pachata manaraj tarishäyäga, Jacobpa munayniyoj Diosnin tiyananpaj manaraj tarishäyäga.»

Salmos 140:7

Tayta Dios, gammi canqui munayniyoj Salbamaj. Pillyachöpis gammi chapämanqui.

Salmos 145:1

Gam fiyupa munayniyoj Raynë cashayquitami willacushaj Tayta Dios. Imaycamapis alabaycäshayquimi.

Salmos 18:46

¡Alabasha cachun Tayta Dios! ¡Alabasha cachun chapämajnëga! ¡Fiyupa rispitasha cachun salbamaj Tayta Diosnëga!

Salmos 22:10

Manaräpis yuriptëmi gamga ricaycämarayqui. Mamäpa pachancho cashäpita-pachami gamga Diosnë caycanqui.

Salmos 22:3

Ichanga gam Santo Diosmi canqui. Tiyaycashayquichöga Israelcunami alabaycäshunqui.

Salmos 27:1

Tayta Diosmi achquipämaj, salbamaj caycan. ¿Pitaraj manchacöman? Tayta Diosmi imapitapis chapäman. ¿Imataraj manchacöman?

Salmos 28:8

Tayta Diosmi acrashan runacunata imapitapis chapäga. Paymi acrashan raytapis yanapan, imapitapis chapan.

Salmos 30:1

Ñacaycajta jorgamashayquipitami Tayta Dios gamta alabä. Chiquimajcuna cushicunantaga manami munashcanquichu.

Salmos 34:3

Tayta Diosta nogawan iwal agradësicushun. Munayniyoj Tayta Diosta llapanchi alabashun.

Salmos 48:14

Paycunata willapanqui imaypis Tayta Dioslla Diosninchi cashanta. Payllami imaypis pushamäshunpaj.

Salmos 59:17

Tayta Dios gamtami alabashayqui. Gammi canqui chapämaj pacacunä. ¡Gammi canqui cuyamaj Diosnë!

Salmos 68:20

Diosninchëga imapitapis salbacoj Diosmi. Tayta Diosga wañunanchïpaj caycajtapis salbamashwanmi.

Salmos 99:5

¡Tayta Diosninchïta alabay-llapa! ¡Paypa ñaupanman llapaniqui gongurpacuy! ¡Tayta Diosga santumi!

Salmos 99:9

¡Tayta Diosninchïta alabay-llapa! ¡Paypa rispitädu jirca puntancho gongurpacuy-llapa! ¡Tayta Diosga pasaypa santumi!

Éxodo 14:13

Chayno niptin Moisés niran: «¡Balurchay-llapa! ¡Ama manchacuychu! Cananmi Tayta Dios salbamashanchïta ricanquipaj. Egiptucunataga cananllanami ricanquipaj. Mananami mas imaypis ricanquipänachu.

Éxodo 3:6

Mastapis niran: «Nogaga unay caj awiluyquicuna Abrahampa, Isaacpa, Jacobpa Diosninmi caycä» nir. Chayno niptenga Diosta ricapayta manchacushpan Moisés cäranta chapacurcuran.

Éxodo 4:22

Chaura faraonta cayno ninquipaj: ‹Tayta Diosga caynömi nin: Israelcunaga mayur wamrämi.

Éxodo 40:34

Tincuna Toldu jananpa pucutay chapacurcuran. Chaura Tayta Diospa achicyaynin juntacurcuran mas fiyupa rispitädu cajcho.

Éxodo 6:7

Israelcunaga cangapaj noga acrashä runacunami. Nogami cashaj paycunapa Diosnin. Paycunanami musyangapaj Tayta Diosnin cashäta. Egiptucuna fiyupa ñacay aruycho caycächishanpita jorgurcurmi

Isaías 12:2

Tayta Diosmi salbaman. Payman yäracurmi imapitapis mana manchacöchu. Tayta Diosmi callpata goman, imapitapis pacaman. Paymi salbamajnë.»

Isaías 25:1

Tayta Dios, gammi canqui Diosnë. Nogaga gamtami rispitashpä alabashayqui. Almiraypajcunata rurashayquipitami adurashayqui. Unaypita-pachami yarpashayquicunaga caycan rasun cajlla, alli cajlla.

Isaías 45:17

Israeltami ichanga Tayta Dios salbanga. Para-simrinami salbanga. Paycunaga manami imaypis pengaycho, ni manacajman churashapis cangapächu.

Isaías 49:6

Paymi nimasha: «Manami sirbimajnë cashallayquiwanchu usharanga. Manami Jacobpita miraj cawaycar quëdaj Israelcunata cutichishallayquiwanchu usharanga. Chaypa ruquenga nogami camacächishaj nasyuncunapaj juc achquino canayquipaj. Chaynöpami camacächishaj mundu intërucho caycaj runacunaga gam-raycu salbasha cananpaj.»

Isaías 66:1

Tayta Dios cayno nin: «Syëluga jamanämi. Mundu allpanami chaquë lluchcaränan. Chayno caycaptëga ¿maychöraj wasita aruchipämanman? ¿Maychöraj jamaycunäpaj rurachipämanman?

Jeremías 3:23

Yangami puytush lömacunamanpis aywä. Yangami puntacunachöpis gaparpä. Tayta Dios gamllami Israelcunataga salbamanqui.

Jeremías 31:33

Israelcunawanga caynömi conträtuta rurashaj: Laynëcunatami paycunapa shongunman isquirbishaj. Yarpayninmanpis churashaj. Paycunami acrashä runacuna canga, noganami Diosnin cashaj. Noga Tayta Diosmi chayno në.

Jeremías 32:38

Paycunaga noga acrashä runacunanami cangapaj; noganami Diosnin cashaj.

Habacuc 3:13

Gamga shamushcanqui sirbishoj runacunata yanapänayquipämi. Shamushcanqui quiquiqui acrashayqui rayta yanapänayquipämi. Mana allita ruraj runacunapa mandajnintaga ushashcanquimi. Chay fiyu runa mandashan nasyuntapis pasaypami ushashcanqui. Selah

Zacarías 13:9

Chay cawaycar quëdaj cajtaga ninaparämi päsachishaj. Guellay, gori oxidashanta limyuyächejnömi limyuyächishaj. Chayno ruraptërämi paycunaga nogatana mañacamangapaj. Noganami paycunata yanapäshaj. Paycunataga nishaj ‹Acrashä runacunami canqui› nir. Paycunapis nenga: ‹Tayta Diosmi Diosninchëga› nir. Noga Tayta Diosmi në chayno cananpaj.»

Lucas 1:77

Runacunata willapanquipaj Tayta Dios perdunashpan salbananpaj caycashanta.

Lucas 2:30

Ricashcänami gam cachamushayqui salbacojta.

Juan 4:22

Gamcunaga manami musyanquichu pita adurarcaycashayquitapis. Nogacunami ichanga musyaycäcuna pita aduraycashäcunatapis. Chaynöpis Tayta Dios cachamushan salbacöga Israelcunapitami yurimonga.

Juan 5:23

Chaynömi munayninta gomasha quiquinta rispitashannölla nogatapis llapan rispitamänanpaj. Chaymi nogata mana rispitamaj cäga cay pachaman cachamaj taytätapis mana rispitanchu.

Hechos 4:12

Tayta Diosninchëga salbamänanchïpaj Jesustami cachamusha. Manami paypita mas jucga canchu salbamänanchïpaj.»

2 Corintios 5:19

Tayta Diosninchëga Jesucristo noganchi-raycu wañuyninpami llapan runacunawan amistaran. Chaymi mana yarpannachu jucha rurashanchïcunatapis. Chaypita willacunäpänami nogacunataga churamasha.

Efesios 2:22

Jesucristuman yäracurmi gamcunapis chay inlisyaman churasha carcaycanqui. Chaymi Tayta Diospa Espiritun gamcunawan cayninpa Tayta Diosga gamcunawan caycan.

Deuteronomio 10:21

Payllata alabanqui. Payllami Tayta Diosninchi. Paymi rurasha llapan ricashayqui milagrucunatapis.

Filipenses 2:11

Nircurnami payta alabanga: «Gamga llapanpaj munayniyojmi canqui tayta» nir. Chaynöllami Tayta Diostapis alabanga wamran Jesucristuta cachamushanpita.

Filipenses 4:13

Jesucristo yanapämaptinmi llapanchöpis alli llogshë.

Colosenses 2:9

Jesucristo cay pachacho cawashpanpis quiquinmi Diosninchi caran.

Apocalipsis 15:3

Cantaycaran Tayta Diospa sirbejnin Moisés cantashanta, Cashni uysha cantashanta: «Llapanpaj munayniyoj Tayta Dios, Gam rurashayquicunaga fiyupa allimi. Llapanpa mandajnin Tayta Dios, Gamga imaypis alli cajllatami ruranqui.

Apocalipsis 19:1

Chaypitaga syëlucho aypalla sinchipa cantamojta wiyarä: «¡Tayta Diosninchi alabasha cachun! ¡Paymi munayninwan runacunata salban! ¡Llapanpäpis munayniyojmi caycan!

Jueces 5:21

Cisón ragrapa lloglla aywajmi chiquimajninchïcunataga apacusha. ¡Sumaj balurchay! ¡Mana guellanaypa aywashun!