Éxodo 15:11 - Tayta Diosninchi Isquirbichishan

¹¹ «Tayta Dios, maygan dioscunapis gammanga manami tincunchu. Gamno santuga manami juc canchu. Gamno munayniyöga manami juc canchu. Gamga fiyupa almiraypajcunatami rurashcanqui.

Éxodo 15:11 Iomraidhean Croise

2 Samuel 7:22

«¡Tayta Dios, gamga fiyupa munayniyojmi canqui! Gamnöga manami pipis canchu. Gampita mas juc diosga manami canchu. Manami wiyashcäcunapischu juc dioscuna cashantaga.

1 Reyes 8:23

sinchipa niran: «Israelcunapa Tayta Diosnin: Syëlucho, cay pachachöpis manami canchu juc diosga gam cumlishayquino aunishanta cumlëga. Llapan shongunpa sirbishojcunatapis alli cashayquita musyachinqui.

1 Crónicas 16:25

Tayta Diosga munayniyojmi. Fiyupa rispitashpanchi alabashun. Payga dioscunapita mas fiyupa manchacunami.

2 Crónicas 2:5

«Templutaga jatuntami rurachishaj. Nogacunapa Diosnëga waquin dioscunapitaga mas munayniyojmi.

2 Crónicas 6:14

sinchipa niran: «Israelcunapa Tayta Diosnin, syëluchöpis cay pachachöpis gamllami Diosga canqui. Llapan aunishayquita cumlinqui. Gamga llapan shongunpa sirbishojcunatami cuyapanqui.

Salmos 113:5

Tayta Diosga janajpitami mandaycämun. Paynöga manami pipis canchu.

Salmos 119:120

Gamta manchacur nogaga sicsicyaycä. Imanöpis jusganayquipaj cashayquipitami fiyupa llaquicö.

Salmos 136:4

Ima-aycatapis almiraypajcunata rurajta agradësicuy-llapa. Pay cuyacoj cashanga imaycamapis chaynöllami.

Salmos 145:17

Tayta Diosga llapan aunishantapis cumlinmi. Llapan rurashancunatapis cuyapanmi.

Salmos 22:23

¡Rispitar adurajcunaga Tayta Diosta alabay! ¡Jacobpita mirar aywajcuna Tayta Diosta alabay! ¡Israelpita mirar aywajcuna Tayta Diosta aduray!

Salmos 35:10

Llapan shongöpami nishaj: «Gammanga Tayta Dios, manami pipis tincunchu. Umildicunatawan pobricunataga jorgunquimi mas munayniyojcunapa y engañar suwapajcunapa maquinpita.»

Salmos 60:2

Gammi camacächishcanqui pacha sicsicyar quichacäcunanpaj. Cananga chay quichacasha caycajcunata wichgacächiyna. ¡Pachaga pasaypami gotucaycan!

Salmos 66:5

Tayta Dios rurashanta ricaj shamuy-llapa, Runapaj fiyupa allita rurashanta ricay-llapa:

Salmos 77:11

Unay watacunacho Tayta Diosninchi almiraypajcunata rurashallantami yarparäshaj.

Salmos 77:14

¡Tayta Dios, gammi fiyupa almiraypajcunata ruranqui! ¡Llapan nasyuntami musyachishcanqui munayniyoj cashayquita!

Salmos 77:19

Lamar gochapami nänita rurarirayqui. Aypalla yacu jananpami aywarayqui. Ichanga yupiquita manami pipis tariranchu.

Salmos 86:10

¡Gam japallayquimi Diosga canqui! Gamllami canqui munayniyoj, milagrucunata rurajpis.

Salmos 86:8

Tayta Dios, manami gamnöga canchu. Gam rurashayquitano ruräga manami pipis canchu.

Salmos 89:18

¡Tayta Dios, gammi canqui chapacuna escüdö! ¡Israelpa Santo Diosnin, gammi canqui nogacunapa raynë!

Salmos 90:11

Rabyar imano cashayquitapis manami pipis musyanchu. Chayno nogacunapis manami musyäcunachu gamta imano manchacuna cashantapis.

Éxodo 18:11

Egipto runacuna manacajman churashushpayqui pasaypa ñacaycächishushayquipitami jorgushurayqui. Chaymi cananga musyä Tayta Dios waquin dioscunapita mas munayniyoj cashanta.»

Éxodo 20:3

«Nogapita mas juctaga ama ‹diosnë› ninquichu.

Éxodo 3:20

Nogami Egiptucunataga imano munayniyoj cashätapis musyachishaj, almiraypajcunata rurashaj. Chayrämi chay rayga ‹Aywacuy› nishunquipaj.

Éxodo 8:10

Chaura faraonga «Wara junaj» niran. Niptin Moisés niran: «Nishayquinömi canga. Chaynöpami musyanquipaj nogacunapa Tayta Diosnëno juc dios mana cashanta.

Éxodo 8:6

Chaura Aaronga tucrunta jogariran. Nircur macyararan intëru Egipto yacucunaman. Chaura säpucunaga intëru nasyunman juntajpaj yuricuriran.

Éxodo 9:14

Cananga mas fiyupanami castigashaj faraonta, autoridänincunata, llapan Egiptucunatapis. Chayrämi musyanga nogano juc dios mana cashanta.

Isaías 30:11

Tayta Dios ruraycächishushayquitaga cachaycäriyna. Rasun cajtaga amana ruraynachu. Israelpa Santo Tayta Diosnin nishantaga ama yachachimaynachu» nir.

Isaías 40:18

Gamcunaga ¿imamanraj Tayta Diosta tincuchinqui? ¿Imanirajtataj ruranqui «diosnë» nishpayqui?

Isaías 40:25

Santo Tayta Diosmi tapushunqui: «Gamcunaga ¿imamanraj tincuchimanqui? ¿Piraj nogamanga tincunman?» nir.

Isaías 46:9

Unaypita-pacha imano päsashantapis yarpay. Nogallami Diosga cä. Manami mas juc Dios canchu. Nogaman tincöga manami juc dios canchu.

Isaías 57:15

Janajcho tiyaj, imaycamapis cawaj, Santo Tayta Diosmi cayno nin: «Nogaga tiyä rispitädu janaj pachachömi. Ichanga umildicunawanpis llaquicuycajcunawanpis iwalmi caycä. Paycunatanami yanapar shacyächë.

Isaías 6:3

Paycunami gayaraypa ninacuycaran: «Munayniyoj Tayta Diosga Santo, Santo, Santumi. Paypa munayninmi intëru pachacho juntasha caycan.»

Jeremías 10:16

Tayta Diosninchïmi ichanga juc-niraj. Paymi ima-ayca caycajtapis ruraran. Israelcunataga paymi acrasha quiquinpa cananpaj. Paypaga jutinpis Munayniyoj Tayta Diosmi.

Jeremías 49:19

Jordán mayu cantun shatapita liyun llojshir alli guewa caycashancho animalcuna caycajman aywajnömi nogaga illajpita shamushäpaj. Chaura Edom runacunaga manchacamashpan gueshpirmi aywaconga. Nircurna camacächishaj acrashä runa paycunapa mandajnin cananpaj. ¿Piraj nogamanga tincunman? ¿Piraj nogawan churacanman? ¿Pï michicojraj nogata ichipamanman?

Levítico 19:2

«Israel-masiquicunata willapanqui: «Noga Tayta Diosniquega santumi cä. Chaymi gamcunapis nishäcunata wiyacamar santo cay-llapa.

Miqueas 7:18

«Gamnöga manami juc Dios canchu. Gamga perdunanquimi mana allita rurajtapis. Chaynöpis gonganquimi nogacuna wallcalla quëdaj acrashayqui runacuna juchata rurashäta. Imaycamapis manami rabyashallaga cacunquichu. Gamga nogacunata cuyamashayquita musyachimanquimi.

Lucas 12:5

Chaypa ruquin Tayta Diosta manchapacunquega. Paymi ichanga munayniyoj caycan wañurcachishushpayqui infiernuman gaycushunayquipäpis. Chaypitami Paytaga manchapacunquiman.

Deuteronomio 1:30

Gamcunapa ñaupayquitaga Tayta Diosniquimi aywanga. Paymi faburniqui pillyanga. Egiptupita yargamunanchïpaj yanapämashanchïnöllami cananpis yanapämäshun.

Deuteronomio 3:24

‹Tayta Dios, nogataga llapanpaj munayniyoj cashayquitami tantiyaycächimanqui. Gampita mas juc Diosga manami canchu syëlucho ni cay pachachöpis. Gam rurashayquino almiraypajcunata manami pipis ruranmanchu.

Deuteronomio 33:26

«Jesurunpa Diosninnöga manami ima dioscunapis canchu. Payga yanapäshunayquipaj shamun pucutay janallanpami.

Deuteronomio 4:34

Ricashayquinöpis Egiptucho fiyupa ñacaycajtami Tayta Diosga milagrucunata rurashpan, guërrata rurashpan, manchariypaj castigashpan yanapäshurayqui Egiptupita yargamunayquipaj. Gamcunata Tayta Dios yanapäshushayquinöga manami maygan diospis ima nasyun runacunatapis yanapashachu.

Apocalipsis 13:4

Dragontapis runacuna aduraran waräcuyta munayninta goshanpita. Waräcuytapis aduraran: «¡Waräcuynöga manami pï runapis munayniyoj canchu! ¡Manami pipis payta binsiyta puydinchu!» nishpan.

Apocalipsis 15:4

¿Piraj mana manchacushunquimanchu Tayta? ¿Piraj mana alabashunquimanchu? Gamllami santo canqui. Llapantapis allita rurashayquicunata ricarmi llapan nasyun runacuna adurashunquipaj.»

Apocalipsis 4:8

Chuscunpis sojta älayoj-camami caran. Intëru cuerpunchömi ñawincunapis caran. Chay anjil-nirajcunaga chacaypa junajpapis nircaycaran: «Santo, Santo, Santumi munayniyoj Tayta Diosga. Payga unaypita-pacha cawaj, cananpis caycaj y shamunanpaj caycajmi.»

1 Samuel 2:2

¡Tayta Dios gamllami juchaynäga canqui! ¡Manami pipis yanapäcunchu gamnöga, Tayta! ¡Manami gampita jucga canchu!