Éxodo 14:21 - Tayta Diosninchi Isquirbichishan

²¹ Moisesga ricranta jogariran lamar cajman. Chaura Tayta Diosmi warayllata inti yagamunan caj-lädupita sinchi wayrata wayrächimuran. Chaynöpami lamarta ishcayman raquicäcachiran. Chay raquishan chaupitana chaqui allpaman ticrarachiran.

Éxodo 14:21 Iomraidhean Croise

Génesis 8:1

Tayta Diosga manami gongaranchu Noëta y büquicho caycaj animalcunatapis. Chaymi Dios niran chay lamar yacuta wayra pücananpaj. Wayra pücaptinmi yacuga chaquiyta gallaycuran.

2 Reyes 2:8

Chaypita Eliasga jacurashanta cauchurcur yacuta astiran. Chaura yacuga ishcan-läman raquicäcuran. Paycunaga mayuta päsaran chaqui allpapana.

Nehemías 9:11

Israelcuna ricaycäshuptiquimi lamartapis ishcayman raquirirayqui. Chaura paycunaga chucru allpapana päsaran. Gaticachajcunatami ichanga ushajpaj yacuwan chaparcachirayqui jundu yacuman rumita jitarpojno.

Job 26:12

Munayniyoj cayninwanmi lamarta manshuyächisha. Waräcuy Rahabtapis yachaj cayninwanmi binsisha.

Job 38:24

¿Imanöpataj achicyayga mashtacan? ¿Imanötaj intëru mundupa mashtacan urapita shamoj wayra?

Salmos 136:13

Puca Lamartapis ishcayman raquirejta agradësicuy-llapa. Pay cuyacoj cashanga imaycamapis chaynöllami.

Salmos 148:8

Tayta Diosta alabay räyu, runtu tamya. Alabay rashta, pucutay. Tayta Dios nishanta wiyacoj löcu wayra alabay.

Salmos 66:6

Lamartami ticrarachiran chaqui allpaman. Unay awilunchïcunaga mayutapis päsaran chaqui pampapa aywaycajnöllami. ¡Tayta Diosninchïta alabar cushicushun ari!

Salmos 74:13

Lamar yacutapis munayniquiwanmi ishcayman raquirirayqui. Lamarcho tiyaj waräcuypa umantapis paquirgärishcanqui.

Salmos 78:13

Lamar yacuta ishcan-läman raquirirmi chaupipa päsachiran. Chaura yacuga tapyanömi ishcan lädunpa ichiraycaran.

Éxodo 14:16

Gamnami tucruyquita janajpa jogarcur lamarman macyaranqui ishcayman lamar yacu raquicäcunanpaj. Chaura Israelcunaga lamar raquicasha chaupinpa chaqui allpapanami päsangapaj.

Éxodo 14:20

Chaura chay ichiraj pucutayga caycaran Egiptucunapawan Israelcunapa chaupincho. Chay öra Egiptucunapäga pacha fiyupa chacacäcuran; Israelcunapäna achicyaparan. Chaynöpami Egiptucunaga ricayta mana camäpacur Israelcunata mana tariparanchu.

Éxodo 15:8

Pücariptiqui yacu shuntacäcusha. Yaculla caycashpanpis tapya ichiraycajno ricacusha. Mas jundunnincho caj yacucunapis tinticäcusha.

Éxodo 7:19

«Aaronta niy: ‹Tucruyquita aptarcur maquiquita jogariy mayucunapa jananpa, ragra-mallwacunapa gochacunapa, chayno yacu churacunanmanpis llapan yacu yawarman ticrananpaj. Chaura Egiptucunapachöga yawar canga llapan yacu churacunancunacho, asta rumipita muchcancunacho, guerupita rurashan pucucunacho churaraj yacuncunapis› nir.»

Isaías 23:11

Tayta Diosmi lamar jananpa maquinta jogarisha. Intëru nasyuncunatami sicsicyachisha. Canaán nasyunpa pacacuna siudänincunata illgächinanpämi nisha.

Isaías 43:16

Lamar chaupinpami nogaga juc nänita rurarirä. Wac-läman cay-läman yacu cuyuycaj chaupinpami cällitano rurarirä.

Isaías 44:27

Noga niptëga lamar yacupis chaquicäcunmanmi. Mayu aywaycashancunapis yacuynaj chaquishami ricacunman.

Isaías 50:2

¿Imanirtaj noga shamushpäga pitapis mana tariränachu? ¿Imanirtaj, gayacuptëga pipis mana wiyamashachu? ¿Manachu riguiran jorgunäpaj cashanta? ¿Manachu riguiran salbanäpaj cashanta? Noga juc shimi rimarcuptillämi lamar yacupis chaquicäcunman, mayucunapis chaqui jircaman ticracurinman. Chauraga pescäducunapis yacunaypita wañunmanmi, yacu mana captin ismunmanmi.

Isaías 51:10

May-may ruri caycaj lamar yacutapis gammi chaquirachirayqui. Nircorga chay lamarta nänimanna ticrarachirayqui llapan salbashayquicuna chaypa päsananpaj.

Isaías 51:15

Nogami cä Tayta Diosniquega. Nogapa jutëga munayniyoj Tayta Diosmi. Nogami lamar yacutapis cuyurachë. Chauraga pullchajyashpan fiyupami gaparan.

Isaías 63:12

¿Maychötaj caycan fiyupa munayninwan Moisesta yan'gaj? ¿Maychötaj caycan imaycamapis rejsisha cananpaj lamar yacuta ishcayman raquirej Dios?

Isaías 63:13

¿Maytaj acrashancunata lamarpa päsachej? ¿Maytaj chunyaj jircapa cawalluta mana lluchcacayllapa päsachejno acrashancunata pushamoj?

Habacuc 3:8

Tayta Dios, ¿fiyupachu rabyacurcushcanqui mayucunapaj? ¿Nina ratarejnöchu rabyacurcushcanqui lamarcunapäpis? ¿Chaychu puriycanqui cawalluyqui muntashalla? ¿Chaychu carrëtayqui janancho cörriycanqui?

Hechos 7:36

Chaymi Moisesga Egiptuman aywaycur unay castanchi Israelcunata jorgamuran. Jinan Egiptuchöpis, Puca Lamarchöpis milagrucunata ruraran. Chunyaj chaqui jircachöpis chuscu chunca (40) watantin milagrucunata ruraran.

Josué 2:10

Musyaycäcunami Egiptupita shacamuptiqui Puca Lamar yacuta päsamunayquipaj Tayta Dios chaquichishanta. Musyaycäcunami Jordán mayupa washa chimpancho caycaj Amorreo nasyunpa raynin Sehonta Ogta suldäruncunatawan wañuchishayquita.

Josué 3:17

Jordán mayuta yacu chaquishapa llapan Israelcuna päsanancamami Tayta Dios conträtu rurashan babulta apaj cüracunaga mayu chaquisha chaupincho ichirpaycaran.

Josué 4:23

Paycunata willapanqui päsanayquipaj Jordán mayuta Tayta Dios chaquichishanta. Unay Puca lamarta nogacuna päsanäcunapäpis chaynömi chaquichiran.