Éxodo 10:19 - Tayta Diosninchi Isquirbichishan

¹⁹ Chaura Tayta Diosga jinan öra cutichiypana wayrächiran. Chaymi inti yaganan caj-läpitana wayra fiyupa wayrayta gallaycuran. Chaynöpami llapan chüpacacunata Puca lamarman apacuran. Egiptuchöga chüpacacuna mana quëdarannachu ni jucnayllapis.

Éxodo 10:19 Iomraidhean Croise

Salmos 109:23

Llantuy illgacäcojnömi ruracaycä. Chüpacatanömi wayrapis apaycäman.

Éxodo 10:18

Faraonwan parlashanpita llojshirir Moisesga jinan öra Tayta Diosta mañacuran.

Éxodo 10:20

Ichanga yapay Tayta Dios camacächiran faraón rumi shonguno contra ricacunanpaj. Chaynöpami Israelcuna aywacunanta mana munaranchu.

Éxodo 13:18

Chaymi chunyajpa Puca lamarman aywaj nänipa tumachiypa pusharan. Israelcunaga Egiptupita aywacuran suldärucunano röpa-röpa camacasha.

Éxodo 15:4

«Tayta Diosga faraonpa suldäruncunatami, carrëtancunatami lamarman garpurisha. Mas mijur suldäruncunapis Puca lamarchömi shengaypa wañusha.

Joel 2:20

Micuyta ushaj chüpacacuna jana caj-läpita aywamojtapis gamcunapitaga gargushämi. Chayno gargurmi jitarishäpaj chunyajman. Ñaupanta aywajcunatami shengaypa wañurachishaj Cachi lamarcho. Guepanta aywajcunatana shengachishaj Mediterráneo lamarcho. Wañur ismurmi fiyupa asyaricurenga. Chaynömi almiraypajcunata ruraj-aywä.

Hebreos 11:29

Israel runacunapis Tayta Diosman yäracurmi Puca Lamarta chaqui allpapa päsaran. Egipto runacunami ichanga Tayta Diosman mana yäracur guepanpa yaycur llapan shengaypa ushacaran.