Ester 8:16 - Tayta Diosninchi Isquirbichishan

¹⁶ Chay junajmi llapan Israel runacunapäga caran fiyupa cushicuy. Pï-maypis rispitaran. Israel runacunapäga pacha achicyacäcuran.

Ester 8:16 Iomraidhean Croise

Ester 4:16

«Gamga cay Susa siudächo caycaj Israel runacunata shuntay. Nircur chay runacunawan quimsa junaj y quimsa pagas ayunay yarpaycashäno cananpaj. Nogapis uywaynëcunawan ayunashaj. Nircur laycho nishanno mana captinpis ray cajman aywashaj. Wañuchimaptenga jina wañuchishachari cashaj.»

Salmos 112:4

Alli runacunapäga chacajcho caycaptinmi achqui yurircusha. Tayta Diosga alli shongumi, cuyapäcojmi, allillata rurajmi.

Salmos 118:27

Tayta Diosllami rasunpa Diosga. Paymi achquipämanchi. Rämacunata apamuy fistata gallaycunayquipaj. Nircur altar caycashan cajcama rämacunata apay.

Salmos 18:28

Tayta Dios, gammi achicyaj pachata ricaycächimanqui. Chacaj pachaman chayanätapis gammi cawaycächimanqui.

Salmos 30:12

Chaymi Tayta Dios, upällallaga imaypis mana cacushächu. ¡Gamllatami alabashayqui! ¡Imaypis agradësicuycäshayquimi!

Salmos 97:11

Allita ruraj runataga Tayta Diosmi achquipanga. Tayta Dios munashanno ruraj runacunapäpis cushicuymi canga.

Proverbios 11:10

Alli runacuna alliman chayaptenga marca intërumi cushicun. Fiyu runacuna mana alliman chayaptinpis marca intërumi cushicuywan pinticachan.

Proverbios 28:12

Alli runacuna alliman chayaptenga llapanmi cushicun. Fiyu runa alliman chayaptinmi ichanga llapan mancharir gueshpin.

Isaías 35:10

Tayta Dios salbar jorgamushan cajcunaga cutimongami. Cantashpanmi Sionman yayconga. Chaychöga imaypis cushishallami goyangapaj. Paycunapäga cushicuywan alli goyayllanami cangapaj. Llaquicuypis nanaypis manami canganachu.