Ester 8:11 - Tayta Diosninchi Isquirbichishan

¹¹ Apachishan cartacho Israel runacunata ray niycaran may siudächöpis tiyarcaycashancho llapan shuntacaycur wañuchinanpita difindicunanpaj. Niycaran Israelcunata wañuchiyta munajtaga ticrapar quiquincunata wañuchinanpaj. Niycaran may marcapita may siudäpitapis Israel runacunata wañuchinanpaj shamojtaga quiquinta wañuycachir ima-aycantapis shuntacunanpaj, mana cuyapaypa warmita wamrata wañuchinanpaj.

Ester 8:11 Iomraidhean Croise

Ester 3:13

Nircur carta apajcunawan apachiran ray mandashan cajman llapan probinsyacunaman. Apachishan papilchöga niycaran Israel runacunataga juc junajllacho intërucho wañuchinanpaj auquinta, mösuta, wamrata warmicunata; nircur ima-aycantapis charicarcärinanpaj. Wañuchinanpaj caycaj junäga caycaran wata ushaj Adar quilla chunca quimsa (13) junajchömi.

Ester 9:18

Jinan Susa siudächo tiyaj Israel runacunaga chunca quimsa (13) junajcho chunca chuscu (14) junajcho pillyaran. Chaymi warannin chunca pichga (15) junajchöraj jamaran. Fistata rurashpan alli micuycunata micuran.

Salmos 137:8

¡Babilonia, gamtapis illgächishunquipämi! Tayta Dios bindisyunta gochun nogacunata ruramashayquipita ayñita cutichishojtaga.

Salmos 68:3

Allita rurajcuna ichanga cushicuchun. Diospa ñaupancho cushisha goyächun. ¡Cushicuypita pinticachächun!

Isaías 10:6

Paytami cachä acrashä juchasapa runacunata magananpaj. Rabyachimaj nasyun runacunamanmi cachä. Chayman cachä ima-aycantapis suwapänanpaj, guechunanpaj, cällicho caycaj mituta-jina lluchcargärinanpämi.

Ezequiel 39:10

Chauraga manami jircapa yantacoj, ni muntiman guerucuna mutojpis aywangapänachu. Chay pillyacunallanmi yantanpaj canga. Chaynöpanami paycuna suwapanga quiquincunata unay suwapajcunataga. Unay paycunata guechojcunatapis guechonga. Noga Tayta Diosmi chayno në.