Ester 3:15 - Tayta Diosninchi Isquirbichishan

¹⁵ Chaymi carta apajcunaga jinan öra aparan ray nishanno. Jinan Susacho palasyu caycashanchöpis chay laytaga willacachiran. Susa siudächöna runacunaga fiyupa mancharisha caycaran. Amanwan ray ichanga cushicuywan upyarcaycaran micurcaycaran.

Ester 3:15 Iomraidhean Croise

Génesis 37:25

Wiñarpärir micur jamacaycäriran. Chaypita ricaran juc röpa Ismael runacuna aywaycämojta. Paycunaga aywaycämuran achca camëlluncunawan nigusyun cargasha. Galaadpita aparcaycaran perfümita, balsamuta, mïrrata. Chaycunataga Egiptumanmi ranticoj apaycaran.

1 Reyes 14:27

Chaura ray Roboamga ruquinta yapay rurachiran chapacuna escüducunata runsillapitana. Nircur chaycunataga palasyuman churaran suldärucuna täpananpaj.

Ester 1:10

Ganchis junaj caj fistacho ray Asueroga bïnuta upur fiyupa cushisha caycaran. Chaymi cacharan ganchis uywaynincunata. Uywaynincunaga caran Mehumán, Bizta, Harbona, Bigta, Abagta, Zetar, Carcas.

Ester 4:16

«Gamga cay Susa siudächo caycaj Israel runacunata shuntay. Nircur chay runacunawan quimsa junaj y quimsa pagas ayunay yarpaycashäno cananpaj. Nogapis uywaynëcunawan ayunashaj. Nircur laycho nishanno mana captinpis ray cajman aywashaj. Wañuchimaptenga jina wañuchishachari cashaj.»

Ester 8:15

Mardoqueonami raypa palasyunpita llojshiran asulwan yuraj sotänan jatisha, gori corönasha, lïnupita murädu jacun jacusha. Llapan Susa siudächo tiyajcuna cushicuypita gaparparan.

Salmos 37:7

Tayta Diospa ñaupanchöga upällalla cacuy. Pay yanapäshunayquita shuyaray. Ama rabyapaychu alli cayman chayajcunata, ni mana allita rurayta yarpajcunatapis.

Proverbios 1:16

Paycunaga imay örapis yarparaycan mana allita rurayllapämi. Wañuchicuyllatami yarparcaycan.

Proverbios 29:2

Alli runacuna autoridä cayman chayaptenga llapanmi cushicun. Fiyu runa mandaj cayman chayaycuptenga llapan runami llaquicun.

Proverbios 31:4

Lemuel, manami allichu mandajcunapis ni raycunapis alläpa upyallaman chayaptenga.

Proverbios 4:16

Mana allita rurananpaj yarpashanta manaraj rurashancamaga manami jamaytapis tarinchu. Pitapis manaraj mana alliman chayachishancamaga paycunapäga manami puñuypis puñuychu.

Oseas 7:5

Ray fistata ruraptin mandajcunaga fiyupa machänancama upyan. Chaura raypis asipajcunatana gayan upyäshinanpaj.

Amós 6:6

Jatusaj cöpacunawan bïnuta upyarcaycanqui. Cuerpuyquicunamanpis allinnin perfümicunataraj pichucuycanqui. Nasyunniqui mana alliman chayaycashanpäga manami imapis gocushunquichu.

Juan 16:20

Wiyamay. Gamcunaga llaquimar waganquipärämi. Tayta Diosta cay pachacho mana wiyacoj runacunami ichanga cushicongapaj. Ichanga manapis aycällatanami llaquicuycashayquipita cushicunquipaj.

Apocalipsis 11:10

Chay profëtacuna wañushanpita cushicurmi runacuna regäluta jucnin-jucninpis aypunaconga. Chay profëtacunami paycunata pasaypa ñacachisha caran.