Ester 2:6 - Tayta Diosninchi Isquirbichishan

⁶ Mardoqueotaga Jerusalenpitami Judäpa raynin Jeconiastawan Babiloniapa raynin Nabucodonosor prësu apasha caran.

Ester 2:6 Iomraidhean Croise

2 Reyes 24:12

Chaura Judäpa raynin Joaquinga mamanwan, llapan suldäruncunawan, mandäshejnincunawan, tantiyachejnincunawan Babiloniapa raynintaga «maquiquichöna cashaj» niran. Chaura paycunata prësu chariran. Chay öra Nabucodonosorga pusaj watana ray caycaran.

2 Reyes 24:6

Joacim wañuptin ruquin ray caran wamran Joaquín jutiyojna.

2 Crónicas 36:20

Cawaycar quëdajcunatana Babiloniaman prësu aparan. Chaychöga uywaynincuna cananpaj churaran. Chaynölla goyaran Persia nasyunpa raynin intëruta mandanancama.

Jeremías 22:24

Joacimpa wamran Judäpa raynin Jeconiaspaj Tayta Dios caynömi nin: «Gam ima papilmanpis sëllunäpaj derëchu caj maquëcho jatiraycashä surtïjäno captiquipis dëdöpita jorgurirmi gamtaga rasunpa jitarishayqui.

Jeremías 22:28

Jeconiasga ¿mana sirbej cañalla paquichu? ¿Pipis mana munashan manca paquichu? ¿Imanirtaj paytaga llapan wamrancunatawan jitarisha mana rejsishan pachaman?

Jeremías 24:1

Babiloniapa raynin Nabucodonosorga Judäpa raynin Joacimpa wamran Jeconiasta prësu apashpan aparan Judäpa mandajnincunata, ima ruraytapis yachajcunata, fyërrupita imata rurajcunatapis. Chaypitaraj Tayta Dios ricachimaran Templu puncucho ishcay canastawan ïgus caycajta.