Esdras 1:2 - Tayta Diosninchi Isquirbichishan

² «Noga Ciro Persiapa rayninmi në: Syëlucho caycaj Tayta Diosmi llapan nasyuncunata munaynëcho cananpaj churamusha. Chayno mandanäpaj churamarmi nimasha Judá particho caycaj Jerusalencho juc Templuta aruchipänäpaj.

Esdras 1:2 Iomraidhean Croise

1 Reyes 8:27

«Ichanga ¿rasunpachuraj Tayta Dios cay pachacho gam tiyanquiman? Janaj syëlupis may-may jatun caycar manami aypanchu gampäga. Chaura rurachipashä Temploga aypaycunmanrächu.

2 Crónicas 2:12

Mastapis Hiram niran: «Fiyupa rispitasha cachun Israelcunapa Tayta Diosnenga. Paymi cay pachata janaj pachatapis camasha. Paymi ray Davidtapis bindisyunta goran wamran fiyupa yarpaysapa cananpaj, Tayta Diospaj Templuta aruchinanpaj, quiquin tiyananpaj palasyuta arunanpäpis.

Esdras 1:5

Tayta Dios shacyächiptin Judá trïbupa, Benjamín trïbupa mandajnincuna, cüracuna, cüracunata yanapaj Leví runacuna Jerusalenman cutiycur Tayta Diospa Templunta yapay jatarachinanpaj camaricuran. Tayta Dios shacyächishan cajcunaga llapan camaricuran.

Esdras 3:7

Chaypita albañilcunata carpintërucunataga guellayninpa pägaran. Tiro runacunatawan Sidón runacunatanami pägaran micuyta, asëtita, bïnuta. Chaura paycunaga Libanupita lamarpa Jopecama sedru guerucunata apapämuran Persiapa raynin Ciro nishanno.

Esdras 4:3

Chayno niptin Zorobabel, Josué y waquin mandajcuna niran: «Gamcunawan iwalga manami Diosnëpa Templunta allchar arushwanchu. Israel famillyacunallami rispitar adurashä Tayta Diosnëpa Templuntaga arushäcuna. Chayno arunäcunapämi Persiapa raynin Ciropis nimasha.»

Esdras 5:15

Sesbasartashi niran: «llapan cösacunata apar cutichiy Jerusalencho caycaj Templuman. Nircur unay cashallancho Diospa Templunta yapay aruchinqui.»

Esdras 6:10

janaj pachacho caycaj Diospaj allinnin sacrifisyucunata rupachinanpaj. Chayno rurar Tayta Diosta ruwacuchun nogapaj y famillyäcunapäpis.

Esdras 6:3

Ciro juc wata Persiapa raynin caycashancho Jerusalén Templupaj cayno niran: «Jerusalencho Diospa Templun yapay cananpaj simintunta chutayta gallaycärichun chaycho yapay uywacunata pishtapänanpaj. Chay Temploga canga ishcay chunca ganchis (27) metrun altu; ishcay chunca ganchis (27) metrun anchu.

Esdras 7:12

Diospa laynincunata yachaj cüra Esdras, noga mandaj Artajerjesmi allilla goyänayquita munä.

Nehemías 1:4

Willaycamaptin llaquicur fiyupa wagarä. Chaymi achca junaj llaquisha goyarä, ayunarä, janaj pachacho caycaj Tayta Diosta mañacurä.

Nehemías 1:5

Mañacur nirä: «Janaj pachacho caycaj Tayta Dios gamga canqui fiyupa munayniyojmi. Gampa ñaupayquichöga pï-maypis mancharinmi. Parlacushayquitapis manami gonganquichu. Cuyashojcunatawan mandamintuyquita cumlejcunatapis allimi ricanqui.

Salmos 136:26

Syëlucho caycaj Tayta Diosta agradësicuy-llapa. Pay cuyacoj cashanga imaycamapis chaynöllami.

Salmos 85:2

Mana allita rurashancunatapis, jucha rurashancunatapis perdunashcanquimi acrashayqui runacunataga. Selah

Proverbios 21:1

Tayta Diospa ñaupancho rayga caycan sicyapa yacu aywajnömi. Tayta Diosmi munashanpa pushan.

Isaías 41:2

Llapanta binsircur alli llojshej raytaga ¿pitaj inti yagamunan caj-läpita yurichimusha? Chay rayga waquin nasyunpa raynincunatapis maquinchömi chararaycan. Paytaga maygan raycunapis manami ichipanchu. Payga raycunata sablinwan ñuchu allpamannömi rurarin. Lëchancunawanmi ogshatano wacpa-caypa machirin.

Isaías 44:26

Sirbimajnë rimashantami ichanga cumlichë. Cachäcuna ima rurayta yarpashanpis llapan allillami llojshipanga. Nogami në Jerusalencho yapay runacuna tiyananpaj cashanta, Judächo caj siudäcunapis llapan allchasha cananpaj cashanta. Nogami camacächishaj ragällan caycajcuna yapay wasiyänanpaj.

Isaías 44:28

Nogami ray Cirota në: ‹Gammi canqui uyshërö. Gamga llapantapis noga munashänömi ruranquipaj› nir. Paymi Jerusalenta nenga: ‹Gamtaga yapaymi allchashunquipaj› nir. Templutanami nenga: ‹Yapaymi simintuyquita pergayta gallaycongapaj› nir.»

Isaías 45:1

Cirotaga Tayta Diosmi acrasha ray cananpaj. Maquipita charicurcurmi yanapasha llapan nasyuncunata mandananpaj, munayniyoj raycunatana ushananpaj. Tayta Diosmi camacächisha may siudä runacunatapis Ciro binsinanpaj. Cananga Tayta Diosmi payta nin:

Isaías 66:1

Tayta Dios cayno nin: «Syëluga jamanämi. Mundu allpanami chaquë lluchcaränan. Chayno caycaptëga ¿maychöraj wasita aruchipämanman? ¿Maychöraj jamaycunäpaj rurachipämanman?

Jeremías 10:11

Ïdulucunata adurajcunata cayno niy: «Cay pachatapis syëlutapis mana ruraj dioscunaga llapanmi cay pachapita illganga. Ni jucnayllapis cay pachachöga manami cangapänachu.»

Jeremías 27:5

Nogami fiyupa munaynëwan rurashcä munduta, runata, llapan ima-ayca animalcunatapis allpa janancho tiyaycajcunataga. Chaymi nogaga munashä cajpa maquinman churä.

Jeremías 29:10

Tayta Dios nin: «Babiloniapaj nishä ganchis chunca (70) wata cumlircuptin gamcunatami yanapäshayquipaj. Chaymi cay partiman cutichimunäpaj aunishäno cutichimushayqui.

Daniel 1:21

Chaynöpami Danielga Babiloniacho goyaran ray Ciro juc wata mandashancamaraj.

Daniel 2:21

Paymi camacächin timpu rucananpäpis. Paymi ray cananpaj pitapis churan. Ray caycajtapis jorgurin. Yachajcunatapis yanapan masta yachananpaj. Yarpaysapacunatapis yanapan mas yarpaysapa cananpaj.

Daniel 2:28

Janaj pachacho caycaj Diosmi ichanga ima cananpaj cashantapis musyachimanchi. Paymi musyachisha-cashunqui shamoj watacunacho ima cananpaj cashantapis. Tayta, cananga willashayqui suyñur ricashayqui imano cashantapis. Chayno willashayqui imapaj cashantapis:

Daniel 4:25

Tayta ray, gamga runacunapita gargushami canquipaj. Animalcunawan iwalna tiyanquipaj. Wäcacunanömi guewata micunquipaj. Shullaypis ushmashunquipaj. Gamga chaynölla tiyanquipaj ganchis watacama. Janaj pachacho caycaj Tayta Dios llapan runacunapaj munayniyoj cashanta, pay pitapis munashan cajta mandaj cananpaj churashanta reconösinayquicamami chaynölla canquipaj.

Daniel 4:32

Gamga manami runacunawan iwalnachu tiyanquipaj. Animalcunawan iwalnami goyanquipaj. Wäcacunanöpis guewata micullarmi cawanquipaj ganchis watacama. Janaj pachacho caycaj Tayta Dioslla pitapis ray cananpaj churashanta reconösinayquicamami chaynölla canquipaj.»

Daniel 5:23

Chaymi Tayta Diosta Templuncho garanan cöpacunata apaycachimur bïnuta upyashcanqui mandäshishojcunawan, warmiquicunawan, chïnayquicunawan. Chaynöpis goripita, guellaypita, runsipita, fyërrupita, guerupita rurasha caycaj mana ricaj, mana wiyaj, mana yarpachacoj dioscunatami alabashcanqui. Janaj pachacho caycaj Tayta Diostami ichanga mana alabashcanquichu paypa maquincho bïdayqui caycaptinpis, llapan rurashayquicunata pay ricaycaptinpis.

Daniel 6:25

Chaymi ray Darioga isquirbircur apachiran llapan nasyuncho tiyaj runacunaman, juc casta rimayta rimaj runacunamanpis cayno nishpan: «Noga munä gamcuna cushisha, alli goyänayquitami.

Jonás 1:9

Chaura Jonás willaran: «Nogaga hebreo runami cä. Nogaga janaj pachacho caycaj Tayta Diostami rispitar sirbë. Paymi cay lamartapis cay pachatapis camasha.»