Efesios 5:8 - Tayta Diosninchi Isquirbichishan

⁸ Gamcunapis unayga chacajcho caycajnömi juchata rurar goyarayqui. Cananmi ichanga Jesucristuta chasquicur achicyajllacho caycajno cawaycanqui. Jesucristuta chasquicushana caycarga waran-waran pay munashannöna caway.

Efesios 5:8 Iomraidhean Croise

Salmos 74:20

Yarpäriy parlacur aunishayquita. Cay nasyunchöga intëruchöpis mana allillatanami rurarcaycan.

Isaías 2:5

Jacobpita mirar aywajcuna, Tayta Dios pushamashallanchïpa purishun ari.

Isaías 42:16

Gapracuna aywashanpaga chacaytapis achicyajmanmi ticrarachishaj. Jatun ragracunatapis pampamanna ticrarachishaj. Paycunataga pushashäpaj mana rejsishan nänicunapami, quichqui nänicunapami. Chaycunataga rasunpami rurashaj.

Isaías 49:6

Paymi nimasha: «Manami sirbimajnë cashallayquiwanchu usharanga. Manami Jacobpita miraj cawaycar quëdaj Israelcunata cutichishallayquiwanchu usharanga. Chaypa ruquenga nogami camacächishaj nasyuncunapaj juc achquino canayquipaj. Chaynöpami camacächishaj mundu intërucho caycaj runacunaga gam-raycu salbasha cananpaj.»

Isaías 49:9

Prësucunatapis ‹Llojshicuy› ninquipaj. Chacaycho caycajcunatapis ‹Achicyajmanna llojshiy› ninquipaj. Chaura chay runacunaga tiyangapaj may nänipa ñaupanchöpis, may chaqui jircachöpis uywa alli guewata micojnömi.

Isaías 50:10

¿Pitaj Tayta Diosta rispitan? ¿Pitaj Tayta Diosta sirbejta wiyacun? Chacaycho purirpis Tayta Diosman yäracojcunallami, upinaycajlla achquin caycaptinpis Diosman guellicojcunallami wiyacun y rispitan.

Isaías 9:2

Chacaycho puriycajcunami achicyajta ricärisha. Yanauyaycajcho tiyaycajcunapämi achicyacurcusha.

Jeremías 13:16

Yanauyaycaj chacaj pachaman Tayta Dios manaraj chayachishushayquicama payta rispitay. Yanauyaycaj chacayta chayachimuptenga jircacunachöpis tacacanquipämi. Tayta Diosta rispitay shuyaraycashayqui achquita manaraj chacajman ticrachiptin.

Mateo 3:8

Rasunpa jucha rurashayquipita arpinticushayqui musyacänanpaj allita rurallarna caway.

Mateo 4:16

Chacaycho tiyaycajcunami achicyajta ricärisha. Yanauyaycajcho tiyaycajcunapämi achicyacurcusha.»

Lucas 1:79

Chaura payga chacaj pachacho achicyacurcojnömi canga. Payga salbangami wañuyman chayananpaj caycajcunata. Chaynöpami allina goyänanchïpaj pushamäshunpaj.»

Lucas 16:8

«Chayno capural rurashanta musyaycur patronga alabar niran: ‹Chay runaga mana allita rurarpis sumaj yarpaysapami quiquin allicho cananpäga› nir. «Tayta Diosman mana yäracojcunaga yachanmi quiquin alli cawananpaj runa-masinwan amistä rurayta. Tayta Diosman yäracojcunapitaga masmi quiquinpaj imatapis ashiyta yachan.

Juan 1:9

Chay achqui shamöga cay pachacho llapan runata Tayta Diospita tantiyachinanpämi shamuran.

Juan 12:35

Chayno niptin Jesús niran: «Nogami achqui caycä. Ishcay-quimsa junajllanami gamcunacho caycäshaj. Cay pachacho cashäcama nogaman yäracamuy. Nogaman yäracamorga manami chacäpacunquipächu. Chaypa ruquenga achicyajcho puriycajnömi canquipaj. Chacajcho purejcunaga maypa aywashantapis manami musyanchu.» Chayno nircur Jesús aywacuran. Nircur runacunapitaga pacayllapana goyäcuran.

Juan 12:46

Nogaga achquimi cä. Cay pachaman shamushcä nogaman riguejcuna chacaychöno mana cawananpämi.

Juan 8:12

Chaypitaga runacunata Jesús niran: «Nogami cay pachacho caycaj runacunapäga achqui caycä. Chaymi nishäta wiyacojcunaga cawachicoj achquichöna goyanga. Manami chacaychönachu canga.»

Hechos 17:30

Unay runacuna chayno mana musyayninpa rurashanpita Tayta Diosga manami castigaranchu. Cananmi ichanga munan may-chaychöpis llapan runa juchancunapita arpinticunanta.

Hechos 26:18

Nishäcunata willaptiquimi runacuna tantiyaconga. Chacaychöno cawananpa ruquenga achicyajchönöna cawanga. Satanaspa munaynincho cawashanpita Tayta Diospa maquinchöna cawanga. Nogaman yäracamashpanmi llapan juchanpita perdunasha canga. Chaynöpami Tayta Dios acrashancunawan iwal alli cawayta tarenga.›

Romanos 1:21

Tayta Diosninchi llapanpaj munayniyoj cashanta musyaycarpis paycunaga manami wiyacuranchu ni agradësicuranpischu. Chaypa ruquenga manacajcunallata yarpar mana allita rurashpanmi cawaran.

Romanos 13:12

Pacha chacashanpita waränanpänönami caycan. Chaymi chacaychöno caycaj jucha ruraycunata cachaycushunna; achquicho caycajnöna cawashun. Suldäru armancunawan sumaj camaricusha caycajno cawashun.

Romanos 2:19

Chaymi gamga gaprano caycajcunata pushajno, chacaycho puriycajcunata achquipajno caycanqui.

1 Corintios 1:30

Gamcunataga quiquin Tayta Diosninchïmi Tayta Jesucristutawan juc runatanöllana caycächishunqui. Cananga Jesucristo yanapämashami juchanchïcunapita perdunasha caycanchi, Tayta Diosllapaj raquisha caycanchi, chaynöpis salbasha caycanchi.

2 Corintios 3:18

Chayno cawaptinchïmi ricamashpanchi runacunaga nenga: «Rasunpami Tayta Diospa maquinchöna cawaycan» nir. Paypa maquincho cawarga manchapacurmi cawashunpaj. Chaymi waran-waran Espíritu Santu yanapaycämanchi pay munashanno cawananchïpaj.

2 Corintios 4:6

Cay munduta camashpanpis quiquin Diosmi niran: «Chacaj caycashanpita achicyächun». Paymi achicyajno caycaj alli willacuyninta nogacunapa shongöman churasha. Chaynöpami nogacunaga Jesucristuta ricar achqui achicyajnöpis musyaycächë Diosninchi alli cashanta.

2 Corintios 6:14

Ermänucuna, musyashayquinöpis manami pipis yügunchu ishcay casta uywataga. Chaynöllami gamcunapis Jesucristuta chasquicusha caycarga jucha rurajcuna juchata rurashanta ama ruräshinquichu. ¿Imanöparaj tincunman alli ruraywan mana alli rurayga? ¿Imanöparaj chacaypis achicyajwan tincunman?

Gálatas 5:25

Espíritu Santupa munaynincho caycarga pay tantiyachimashanchïnölla imaypis cawashun.

Efesios 2:2

Chaymi Tayta Diosta mana wiyacoj runacunapa yupillanpa gamcunapis purirayqui. Satanás munashanno juchata rurarmi goyarayqui. Cananpis Tayta Diosta mana wiyacojcunataga Satanasmi munaynincho chararaycan.

Efesios 4:18

Yarpayninpis fiyupa pantacashanami. Shongunpis fiyupa chucruyashami. Chayno cashpanmi Tayta Diosninchi munashanno cawananpäpis mana yarpachacunnachu.

Efesios 5:2

Jesucristo noganchïta cuyamashanchïno gamcunapis runa-masiquita cuyapay. Cuyamashpanchïmi Jesucristo noganchi-raycu wañuran jucha rurashanchïpita salbasha cananchïpaj. Chayno rurashanga Tayta Diospa shongunman tincoj alli ofrendami caran.

Efesios 6:12

Noganchëga manami runa-masinchïwanchu guërracho caycanchi, chaypa ruquenga llutanta rurachicoj Satanaswan, munayniyoj dyablucunawanmi. Chaycunami cay pachacho mandaj y munayniyoj caycan. Chacaycho cawajno jucha ruraj runacunami chay mandajcunapa munaynincho caycan.

Colosenses 1:12

Chaynöpami cushicushpayqui Tayta Diosninchïta agradësicunquipaj. Paymi salbasha-cashunqui acrashan cajcunawan iwal achicyaycaj syëlucho cawanayquipaj.

Colosenses 1:13

Paymi salbamashcanchi chacajpa munaynincho caycajta. Nircorga Cuyay Wamranpa maquinmanna churamashcanchi.

Tito 3:3

Jesucristuta manaraj chasquicorga noganchïpis waquin runanöllami mana tantiyacur Tayta Diosta mana wiyacuranchïchu. Chaymi jucha ruraycunata cachariyta mana camäpacuranchïchu. Chiquinacur rimanacur goyaranchi.

1 Juan 1:7

Tayta Diosninchi munashanno cawarmi ichanga achicyajcho puriycanchi. Chayno caycanchi Tayta Diosga achqui captinmi. Chaymi jucninchi-jucninchïpis cuyanacur alli ricanacunchi. Chaynöpis Tayta Diospa wamran Jesús yawarninta jichashanwanmi llapan juchanchïpita perdunamanchi.