Efesios 1:17 - Tayta Diosninchi Isquirbichishan

¹⁷ Chaynöpis Jesucristupa taytan Diostami mañacö Espiritunwan sumaj tantiyachishunayquipaj. Chaynöpami Tayta Dios imano cashantapis musyanquipaj.

Efesios 1:17 Iomraidhean Croise

1 Crónicas 29:11

Tayta Dios, gamllami canqui fiyupa munayniyoj. Gammi fiyupa alli canqui. Gampa munayniquichömi caycan llapanpis. Janaj syëlucho caj, cay pachacho cajpis gamllapami. Gamllami llapantapis mandanqui. Gammi canqui llapanpita mas munayniyoj.

Job 42:5

Canancama gampäga wiyayllami wiyarä. Cananmi ichanga ñawëwan ricar rasunpa tantiyä imano cashantapis.

Salmos 24:10

¿Pitaj munayniyoj Rayga? ¡Munayniyoj Tayta Diosllami! ¡Payga Munayniyoj Raymi! Selah

Salmos 24:7

Munayniyoj Ray päsananpaj, ¡quichay puncucunata! ¡Unay puncucunataga ushajpaj quichay!

Salmos 29:3

Tayta Diospa busnenga lamar jananpitami wiyacämun. Syëlucho caycaj Tayta Diosmi junruruchimun. Tayta Diosga intëru lamar jananchöpis caycanmi.

Éxodo 28:3

Chayta imano rurananpäpis sumaj willapanqui rurayta yachananpaj yarpayta goshä runacunata. Chay rurashan röpata jaticuptin llapanmi musyanga Aarón acrasha cürä cashanta.

Proverbios 18:15

Alli yachaj runawan alli tantiyaj runaga yachacuyta munashanta llapantami yachacun.

Proverbios 2:5

Chayrämi tantiyanquipaj Tayta Diosta imano rispitana cashantapis. Chaynöpami Tayta Diostapis rejsinquipaj.

Isaías 11:2

Paychöga Tayta Diospa Espiritunmi caycangapaj. Chaymi yachaj canga; yarpaysapa canga; yarpachacuycur imatapis ruranga; callpasapa canga; musyaj canga; Tayta Diosta rispitanga.

Jeremías 2:11

¿Maygan nasyunllaga diosnincunata rucachishachuraj juc dioscunata adurananpaj? ‹Diosnë› nishancunaga manami rasunpa diospischu. Acrashä runacunami ichanga mana sirbej ïdulucunata aduranan casha Noga munayniyoj Diosnin caycaptëpis cachaycamasha.

Jeremías 24:7

Noga Tayta Dios cashätami tantiyachishaj. Chaura paycuna canga noga acrashä runacuna. Nogana cashaj paycunapa Diosnin. Chaynöga canga llapan shongunpa nogaman yapay yäracamuptinnami.

Jeremías 31:34

Noga pï cashätapis musyananpaj mananami jucnin-jucninpis yachachinacongapänachu. Noga pï cashätapis mas jatunpita tacshacama llapannami musyanga. Llapan juchancunatami perdunashaj. Chayno perdunaycorga mananami yarpäshänachu ima jucha rurashancunatapis. Noga Tayta Diosmi chayno në.»

Jeremías 9:24

Ichanga pipis cushicuchun nogata rejsimashanpita, nishäta rurashanpita, Noga Dios cashäta musyashanpita. Cushicuchun cay pachacho pï-maytapis cuyashäta, allita rurashäta, rasun cajta rurashäta musyashanpita. Chayno caj runami ichanga nogata cushicachiman.» Tayta Diosmi chayno nisha.

Daniel 10:1

Ciro quimsa watana Persiapa raynin caycashan wichan Beltsasar jutiyoj Danielga yapay juctapis suyñuran imanöpis cananpaj cajta. Chay suyñushanga sasa tantiyay caran. Chaypis Danielga sumaj yarpachacurmi tantiyaran imapaj cashantapis.

Daniel 5:11

Cay mandaycashayqui nasyunchömi caycan rispitädu dioscunapa espiritun yanapashan runa. Papäniqui ray cashan wichanpis chay runaga llapantami musyasha. Payga sumaj yarpaysapami; dioscunano yachajmi caycan. Chaynöpami papäniqui ray Nabucodonosorga churaran llapan musyaj-yachajcunapa, goyllar estudyajcunapa, brüjucunapapis cay Caldea nasyuncho caycajcunapaga mandajnin cananpaj.

Mateo 11:25

Chay öra Tayta Diosta alabar Jesús niran: «Syëluchöpis cay pachachöpis munayniyoj caycaj papä, gamta alabä yarpaycashayquita yachaj-tucojcunata mana musyachishayquipitami. Chaypa ruquenga wamrano cajcunallatami tantiyachishcanqui.

Mateo 11:27

Chaycho caycajcunatana niran: «Taytämi llapantapis munaynëman churamusha. Noga imano cashätapis taytallämi musyan. Pay imano cashantapis nogallami rejsë. Chaymi tantiyachishä cajcunalla musyan taytä imano cashantapis.

Mateo 16:17

Niptin Jesús niran: «¡Jonaspa wamran Simón, fiyupa cushishami cawanquipaj! Chaytaga manami pï runapis willasha-cashunquichu. Chaypa ruquenga syëlucho caycaj Tayta Diosmi yarpächisha-cashunqui.

Mateo 20:33

Niptin gapracuna niran: «Ñawë ricanantami munä tayta» nir.

Mateo 6:13

Jucha rurayman Satanás chayachimänanpitapis chapaycallämay ari. Masbin nogacunata yanapaycallämay juchaman mana chayayllapa cawanäcunapaj. [Gampa maquiquichömi ima-aycapis caycan. Chaymi imaycamapis alabasha caycullay Tayta. Amén.]

Lucas 12:12

Parlanayqui öraga Espíritu Santumi tantiyachishunquipaj imata parlanayquipäpis.»

Lucas 2:14

«¡Syëlucho cajcunapis Tayta Diosta alabaycullächun! ¡Cay pachachöpis Tayta Diosta wiyacojcunapaj alli goyay caycullächun!»

Lucas 21:15

Nogami tantiyachishayquipaj imata ninayquipäpis. Chauraga maygan contrayquipis manami ima niytapis camäpacongachu. Ni ima achäquitapis manami tarengachu.

Juan 14:17

Paymi Espíritu Santu. Mana riguejcunaga mana rejsirmi chay Espíritu Santuta mana chasquengachu. Gamcunami ichanga ricasha cashpayqui rejsinquina. Chaymi gamcunawan imaypis caycangapaj.

Juan 14:26

Aywacuptënami nogapa ruquë yanapäshunayquipaj gamcunaman Espíritu Santuta Tayta Dios cachamongapaj. Paynami llapan nishäcunata yarpächishunquipaj, tantiyachishunquipäpis.

Juan 16:3

Chayno ruranga Tayta Diostapis ni nogatapis mana rejsimashpanmi.

Juan 17:3

Imaycamapis cawayta tarinanpäga riguinan rasunpa japallayqui Dios cashayquitami, cay pachaman cachamushayqui Cristo noga cashätapis.

Juan 20:17

Chaura Jesús niran: «Ama charirämaychu. Manarämi Papänë cajman cutërächu. Cananga aywar willay disïpulöcunata Papänëman cutiycashäta. Papänëga gamcunapapis papäniquimi, Diosnëga gamcunapapis Diosniquimi.»

Hechos 6:10

Esteban Espíritu Santupa munayninwan captin, yachaj captinmi contrancunaga ima niytapis mana camäpacuranchu.

Hechos 7:2

Estebanna niran: «Wiyamay taytacuna. Unay awilunchi Abraham manaraj Haranman aywacuptillanmi munayniyoj Tayta Diosga Mesopotamiacho yuriparan.

Romanos 1:28

Tayta Dios munashanno cawayta mana munaptinmi payga cachaycusha llutan yarpaynincunacho cawacunanpaj, marca pengay goyänanpaj.

Romanos 15:6

Chayno cuyanacur cawarmi Jesucristupa taytan Diosninchïta llapayqui juc yarpaylla alabanquipaj.

1 Corintios 12:8

Waquintami Espíritu Santu yachayta gon tantiyacajta parlananpaj. Waquintana chay Espíritu Santulla yachayta gon yachacurcur waquintapis sumaj yachachinanpaj.

1 Corintios 14:6

Ermänucuna, sumaj tantiyacuy. Mana tantiyashayqui rimaycho yachachiptëga ¿imanöparaj yachacunquiman? Tantiyashayqui rimaycho yachachiptëmi ichanga sumaj tantiyanquipaj.

1 Corintios 2:10

Noganchïtami ichanga Tayta Diosninchi Espíritu Santunwan musyachimashcanchi. Espíritu Santuga llapantami musyan. Tayta Diosninchi imano cashallantapis llapantami musyan.

1 Corintios 2:8

Cay pachacho mandajcunaga manami tantiyaranchu Tayta Diosninchi chayno yarpashanta. Chayta tantiyarga Jesucristuta manami crusificanmanchu caran.

2 Corintios 12:1

Quiquillan alabacuptenga manami imapäpis bälinchu. Chaypis canan willashayqui Tayta Jesucristo syëlucho ricachimashancunata, musyachimashancunatapis.

Efesios 1:3

¡Tayta Diosninchïta alabashun! Paymi Taytanchi Jesucristupa taytan. Paymi Jesucristu-raycu syëlupita-pacha tucuy bindisyunta gomanchi.

Efesios 3:5

Chaytaga Tayta Dios manami pitapis unay musyachiranchu. Cananmi ichanga apostulcunata, profëtacunatapis Espíritu Santuwan Tayta Dios musyachisha.

Efesios 4:13

Chayrämi llapanchi jucnayllano car Tayta Diosninchïpa Wamranman yäracushunpaj y imano cashantapis sumaj musyashunpaj. Chauraga sinchina carmi Jesucristo cawashanno noganchïpis Tayta Diosninchi munashanno cawashunpaj.

Filipenses 3:15

Chaura Jesucristuman yäracur pay munashanno cawajcunaga chay nishäcunata tantiyacuchun. Nishäcunata tantiyayta mana camäpacuptiquega Tayta Diosninchïmi tantiyachishunquipaj.

2 Timoteo 2:25

Contran jatarejcunata alli shimillanpa tantiyachej canman. Tantiyachiptin capaschari tantiyacur Tayta Dios munashannönapis goyanman.

Tito 1:1

Cuyay ermänu Tito: Noga Pablo Tayta Diospa sirbejninmi, Jesucristupa apostulnin caycä. Jesucristo acramasha captinmi may-chaypapis willacuyninta willacur puriycä. Tayta Dios acrashan cajcunatami yachaycächë Diosninchi munashannöna goyänanpaj.

Santiago 2:1

Ermänucuna, munayniyoj Tayta Jesucristuman yäracorga pitapis manacajman ama churaychu.

2 Pedro 1:3

Quiquin munayniyoj Tayta Diosninchïmi yanapämanchi pay munashanno cawananchïpaj. Chaycunataga tantiyachimashcanchi Taytanchi Jesucristuta chasquicuptinchïmi. Nircurpis Taytanchi Jesucristu-raycumi acramashcanchi paypa maquinchöna cawananchïpaj.

2 Pedro 3:18

Chaypa ruquenga cuyapäcoj Taytanchi Jesucristo munashanno cawanayquipaj sumaj yachacuy-llapa. ¡Payga imaycamapis alabasha cachun! Amén.

Apocalipsis 7:12

«¡Amén! ¡Tayta Diosninchi alabasha cachun! ¡Payllami llapantapis musyan! ¡Imaycamapis payta agradësicushun! ¡Payllami llapanpäpis munayniyoj caycan! ¡Imaycamapis payta alabashun! ¡Amén!»