Efesios 1:12 - Tayta Diosninchi Isquirbichishan

¹² Rimëruga camacächisha nogacunaraj Jesucristupa alli willacuyninta chasquicunäpaj, pay munayniyoj cashanpita alabanäpaj.

Efesios 1:12 Iomraidhean Croise

Salmos 2:12

Paypa ñaupanmanga sicsicyar gongurpacuy. Mana rispitaptiquega jinan örami rabyacurcunman. Chaura wañunquimanmi. Cushishami cawanga Tayta Diosman yäracojcunaga.

Isaías 11:10

Chay wichanga tumpuno caycaj Isaïpita mirar aywaj yurejmi llapan runacunata shuntanga. Llapan nasyun runacunami payta ashej aywanga. Pay caycashannami fiyupa rispitädu cangapaj.

Isaías 12:2

Tayta Diosmi salbaman. Payman yäracurmi imapitapis mana manchacöchu. Tayta Diosmi callpata goman, imapitapis pacaman. Paymi salbamajnë.»

Isaías 45:23

Nogaga jutëchömi jurashcä. Alli cajta ruranäpämi jurarä. Chayno nishäga cumlicangami. Nogata rispitamashpan llapanmi gongurpacamongapaj. Pï-may runacunapis nogapa jutëchömi juranga.

Isaías 45:25

Noga yanapaynëpami Israelcunaga alliman chayanga. Chaymi yanapashäpita cushiconga.»

Jeremías 23:6

Pay ray cashan wichan Judá runacunaga allillami goyangapaj. Israel runacunapis allimi goyanga. Chay mandajpa jutintaga churapangapaj ‹Alliman churamajninchi Tayta Dios› nir.»

Juan 14:1

Chaypitana disïpuluncunata Jesús cayno niran: «Ama llaquicuychu-llapa. Chaypa ruquenga Tayta Diosman yäracuy. Nogamanpis yäracamuy.

Efesios 1:6

Chaynöga rurasha cuyapämashanchïpita imaypis Tayta Diosninchïta alabananchïpämi. Cuyay wamran-raycumi Tayta Diosga chasquimashcanchi.

Efesios 2:7

Chayno jamachimashcanchi pay fiyupa cuyapäcoj cashanta shamoj watacunacho pï-maypis tantiyacunanpaj.

Efesios 3:21

¡Tayta Diosninchïta llapan ermänucuna imaypis alabaycullächun! ¡Jesucristoga imaypis alabasha caycullächun! Amén.

2 Tesalonicenses 2:13

Ermänucuna, Tayta Diosnillanchïpaj cawanayquipaj Espíritu Santu acrashushayquipitami y Jesucristupa alli willacuyninman yäracushayquipitami Tayta Diosninchi salbashurayqui. Pay salbashunayquipäga unaynami gamcunata acrashurayqui. Chaypitami imaypis gamcunapaj Tayta Diosninchïta agradësicö.

2 Timoteo 1:12

Chayno willacushäpitami canan ñacaycä. Chaypis manami pengacöchu. Noga musyämi piman yäracushätapis. Willacuptë paymi munayninwan yanapämanga shuntacamänan junajcama.

Santiago 1:18

Tayta Diosga quiquin munashpanmi wamrachacamashcanchi. Alli Willacuyninta wiyacushanchïpitami mushoj cawayta tarichimashcanchi. Chaymi rimir cosëchacho raquishan micuyno cuyay caycanchi.

1 Pedro 1:21

Wañushanpitami Tayta Diosninchi Jesucristuta cawarircachimur janaj pachaman apacusha. Chaymi yäracuycanqui Tayta Dios llapan aunishanta cumlishunayquipaj cashanta. Chayta musyarmi Diosninchïman yäracurcaycanqui.