Eclesiastés 9:2 - Tayta Diosninchi Isquirbichishan

² Imano captinpis llapantapis jucnayllami shuyaraycan: juchaynajta juchayojta, alli cajta fiyu cajta, limyu cajta ganra cajta, Diospaj churajta mana churajta, alli cajta juchayoj cajta, juraj cajcunata mana juraj cajcunatapis.

Eclesiastés 9:2 Iomraidhean Croise

Génesis 24:3

Cay pachatapis syëlutapis camaj Tayta Diospa jutincho juray noga nishäta llapanta ruranayquipaj. Ama dëjanquichu cay tiyaycashä particho caycaj Cananea warmiwan wamrä Isaac majachacänantaga.

Job 9:22

Tayta Diosga llapantapis iwalmi rican. Chaymi payga illgächin juchayojcunata, juchaynajcunatapis.

Salmos 73:3

Nogaga fiyupami charayta munaparä alli-tucojcuna charashanta. Fiyu runacuna alliman chayaptin pasaypami chiquiparä.

Eclesiastés 2:26

Paymi yachayta gomanchi, tantiyachimanchi, cushicachimanchi alli ricashan cajtaga. Juchata rurajcunatami ichanga ñacar ima-aycatapis fiyupa cuestajcunata shuntananpaj cachaycun. Nircur chay runacunaga shuntashancunata cachapaycun Tayta Dios alli ñawinpa ricashan caj runacunapäna. Chaypis yangallami, wayrata chariyta munashanchïnöllami.

Eclesiastés 3:19

Rasunpaga runacunapapis animalcunapapis jucnayllami distïnun. Animalcunapis runacunapis chaynöllami wañun. Cawachicoj jämaypis llapanpaj chaynöllami caycan. Runacunaga manami animalcunapita maschu. Llapanpis yangallami caycan.

Eclesiastés 6:6

Chay runa ishcay waranga wata cawasha carpis ima charashantapis manami ushanmanchu caran. Imano captinpis wañorga juc pachallamannami llapanpis aywan.

Eclesiastés 7:18

Chaymi mana tantiyaj upa canayquipa ruquenga rasunpa yachay cajta ashiy. Tayta Diosta rispitaj cäga imachöpis allimi llojshenga.

Eclesiastés 7:2

Gachwa caycaj wasiman aywananpitaga täpapacoj aywaymi mas alli. Pï-may runapis simrimi wañun. Chaymi cawaycajcunaga yarpanman paycunapis wañunanpaj cashanta.

Eclesiastés 9:11

Chayno juctapis cay pachachöga ricashcämi. Llallinacuychöpis manami mas cörrej cajchu llallin. Pillyachöpis manami jinyu cajchu binsin. Micunanpaj micuytapis manami yachajcunallachu charan. Manami yarpaysapacunallachu rïcupis. Manami yachajcunatapis alli jamachinchu. Pitapis öraga allimi llojshipan; öraga mana allimi llojshipan.

Eclesiastés 9:3

Cay pachacho cajcunapäga llapanpäpis mana alliga caycan caymi: llapanpis iwal-llami ushacan. Chaypis runaga yarpaycan mana allita rurayllapaj. Cawaycashanyäga manacajcunallapaj yarpaycan. Wañurnaga pantiyuncho ushacan.

Jeremías 43:6

Mandajcunaga shuntaran ollguta, warmita, wamrata, raypa warmi wamrancunata, Gedaliaspa maquinman Nabuzaradán cachaycushan cajtaga llapanta. Jeremiastawan Baructapis shuntaran.

Malaquías 3:15

Noganchëga ricashcanchïmi alli chölu-tucojcuna cushisha goyajta, fiyu runacuna rurashanga imapis alli llojshipashanta. Paycunaga Tayta Diosta musyapaytami munan. Chaypis manami ima castïgupis paycunaman chayanchu› nir.»

Malaquías 3:18

Chayrämi gamcunaga musyanquipaj alli cajcunata imano ricashäta, mana alli cajcunata imano ricashätapis; nogata sirbimajcunata imano ricashäta, nogata mana sirbimajcunata imano ricashätapis.»

Malaquías 3:5

Munayniyoj Tayta Diosmi nin: «Nogaga shamushaj gamcunata jusganäpämi. Chaynöpis brüjuta rurajcuna, majayoj caycar jucwan cacojcuna, llullacuypa jurajcuna, arupacojcunata ñacachejcuna, biyüdacunatawan wacchacunata ñacachejcuna, jäpa runacunata mana alli ricajcuna, nogata mana rispitamajcuna castigasha cananpämi camacächishäpaj.

1 Samuel 14:26

Muntiman suldärucuna yaycuriptin yacunöraj mil-abïjaga liwaycaran. Ichanga pipis mana yawaranchu Saúl nishanta manchacur.