Eclesiastés 4:1 - Tayta Diosninchi Isquirbichishan

¹ Chaypita ricarä cay pachacho imano ñacaycächejtapis. Ricashcä ñacajcuna wagaycajta. Wagaptinpis manami pipis shoganchu. Ñacachejcunaga firsapita imatapis rurachin. Chaypis ñacajcunataga manami pipis shoganchu.

Eclesiastés 4:1 Iomraidhean Croise

Job 16:4

Gamcuna nogano ñacaycaptiquega nogapis gamcunanömi nëman. Asipashpä umätapis jajtachëmanrämi. Nircur tucuy-niraj parlarmi nëman.

Job 35:9

«Imapis päsaptinrämi runacunaga yarpachacur gaparpan. Munayniyojcunapa maquinpita pillapis salbananpaj ruwacun.

Job 6:29

Sumaj yarpachacuy. Ama fiyuga caychu. Rasun cajta niycashätaga sumaj tantiyacuy.

Job 9:24

Cay pachatana cachaycun fiyucunapa munayninman. Juezcunapa ñawincunatana chaparcun. Chaycunata Dios mana ruraptenga chauraga ¿pitaj ruran?

Salmos 12:5

Tayta Diosga caynömi nin: «Pobricunata, wacchacunata, ñacachishpan munashanta ruraycächin. Chaypitami cananga salbashaj yanapänäpaj shuyaycämajcunataga.»

Salmos 142:4

Derëchu caj-lädöpami ricachacö. Pitapis manami ricächu yanapämaj shamojta. Pipis manami canchu washämaj. Nogapäga manami pipis yarpärinchu.

Salmos 142:5

Gamtami mañacamö Tayta Dios. Mañacamushpämi cayno në: «Gammi canqui pacacunä. Gamllami cay bïdachöga cawachimanqui» nir.

Salmos 42:3

Ichanga pagasta junajtapis weguillänami micuynëpis. Chayno caycaptë imay örapis asipämashpan «¿Maytaj Diosniqui?» nir tapurcaycäman.

Salmos 42:9

Imapitapis chapämaj Tayta Diosnë, ¿imanirtaj gongaycamashcanqui? ¿Imanirtaj chiquimajcuna ñacachimaptin llaquishaga purëman?

Salmos 69:20

Gayapämashpanmi shongötapis fiyupa jagayächisha. ¡Gänasnëpis ni callpäpis manami cannachu! Yangami ashishcä cushicachimänanpaj, cuyapämänanpäpis.

Salmos 69:21

Ichanga micuynëmanmi benënuta wiñasha. Yacunaptëpis binagritami upuchimasha.

Salmos 80:5

Chay-jina wagayllawan weguillätanami upuycäpis. Pasaypa wagashä weguillänami yacöpis.

Éxodo 1:16

«Hebreo warmicuna gueshyacuptin, yuripacachej aywar gamcunaga ricanqui iti warmi u ollgu cashanta. Ollgu captenga wañurachinqui. Warmi captenga ama wañuchinquichu.»

Éxodo 1:22

Chaura faraonga llapan Egipto runacunata niran: «Hebreocunapa ollgu wamran yurejtaga manyapita mayuman garpuy. Warmi cajcunata ichanga cawananpaj cachaycuy.»

Proverbios 19:7

Pobritaga famillyancunapis manacajmanmi churan. Chayno caycaptenga rasuntachari amïguncunapis mana witipannachu. Amïgupayta ashiptinpis pacacaycärinmi.

Proverbios 28:3

Pobricunata ñacachej fiyu mandajmi ichanga caycan chacracho micuy caycajta löcu tamyawan lloglla apacojno.

Proverbios 29:2

Alli runacuna autoridä cayman chayaptenga llapanmi cushicun. Fiyu runa mandaj cayman chayaycuptenga llapan runami llaquicun.

Eclesiastés 3:16

Cay pachachöga ricashcämi juez allita rurananpa ruquin mana allita rurajta; alli arriglananpa ruquin mana alli arriglajtapis.

Eclesiastés 5:8

Juc nasyuncho pobri fiyupa ñacaycajta ricar, mana alli goyay cajta ricar ama manchariychu, ama almiraychu. Chaynöga caycan mandajcunata mas jatun mandaj chapaptinmi. Mas mandajcunatapis mas mandaj cajcunarämi chapaycan.

Eclesiastés 7:7

Yachaj runapis jucta ñacachiptenga mana tantiyaj upa runanömi ruraycan. Saynita jatiparga pirdicächinmi.

Eclesiastés 8:9

Chaypis runaga runa-masinta mana allita rurananpaj munayniyojmi caycan. Llapan chaycunata nogaga ricashcä cay pachacho imano cashantapis estudyashpämi.

Isaías 5:7

Chacrapa duyñonga munayniyoj Tayta Diosmi. Lantashan übasga caycan Israel nasyun runacunami, Judá runacunami. Tayta Diosga munaran layninta chay runacuna cumlinantami. Nishanga wañuchinacuyllatami aruycan. Tayta Diosga niran allillata rurananpämi. Nishanga ñacajcuna gaparpashallanmi wiyacaycan.

Isaías 51:23

Chay cöpäpitaga noga upuchishäpaj fiyupa ñacachishojcunatana, ‹pampaman jitacay janayquipa päsanäpaj› nishojcunatana. Chaura gamcunaga pampaman jitacarayqui allpatano lluchcar-ushashunayquipaj.»

Isaías 59:7

Mana allita rurananpäga apuraypa apurarmi cörrin. Alli runata wañuchinanpaj rasyaylla aywan. Wañuchicuyllapämi yarparcaycan. Paycuna purishanpaga mana allita rurashallanmi caycan.

Jeremías 16:7

Wañuptin llaquicojcunata shogananpäpis manami pipis alli micuycunata rurangapänachu. Taytan maman wañuptinpis manami ima micuytapis rurangapänachu.

Lamentaciones 1:16

«Chaypitami fiyupa wagaycä. Ñawëchöpis weguillami juntasha caycan. Nogata shogamäga manami pipis canchu. Manami canchu yanapämänanpäpis. Wamräcunataga ushajpämi illgächisha. Chiquimajcunami binsiycamashpan wañuchisha.»

Lamentaciones 1:17

Sionga maquintapis chojpacur-rämi mañacuycan. Ichanga manami pipis canchu shogananpaj. Tayta Diosmi camacächisha chiquejcuna Jacobta curalapaycärinanpaj. Chiquejcunapäga Jerusalén caycan mana sirbejmi.

Lamentaciones 1:2

Chacaycuna fiyupa llaquicushpan icchushanyajmi wagaycan. Cärancunapapis yacunörämi weguin jutuycan. «Cuyämi» nir gatirajcunaga manami maygallanpis canchu shogananpaj. Llapan yanasancuna ticraparmi chiquicarcärisha.

Lamentaciones 1:9

Juchata rurashpanmi röpantapis ganrachisha caycan. Manami yarpachacuranchu imaman chayananpaj cashantapis. Mana riguiypämi mana alliman chayasha. Pipis manami canchu cuyapar shogananpaj. Tayta Dios, ricäramay ari fiyupa llaquicuycashäta. Chiquimajcunanami alliman chayasha.

Amós 3:10

«Paycunaga alli cajta rurayta manami yachanchu. Guechushancunallatami palasyuncunachöpis chararaycan.»

Amós 3:9

Willacojcuna, gamcuna willacuy Asdod runacunapa palasyuncunacho, Egiptucho caycaj palasyucunachöpis. Cayno niy: «Samaria jircacunaman shamuy-llapa, fiyupa mana allicunata Samariacho ruraycajta ricanayquipaj, alli runacunata ñacaycächejtapis ricanayquipaj.

Malaquías 2:13

Chaypis, gamcunaga mas piyur-raj rurarcaycanqui: Tayta Diospa altarninta weguiquiwan ushmaycächinqui. Ofrendata goycushayquicunata Tayta Dios manana chasquishuptiquimi fiyupa llaquicur wagarcaycanqui.

Malaquías 3:18

Chayrämi gamcunaga musyanquipaj alli cajcunata imano ricashäta, mana alli cajcunata imano ricashätapis; nogata sirbimajcunata imano ricashäta, nogata mana sirbimajcunata imano ricashätapis.»

Malaquías 3:5

Munayniyoj Tayta Diosmi nin: «Nogaga shamushaj gamcunata jusganäpämi. Chaynöpis brüjuta rurajcuna, majayoj caycar jucwan cacojcuna, llullacuypa jurajcuna, arupacojcunata ñacachejcuna, biyüdacunatawan wacchacunata ñacachejcuna, jäpa runacunata mana alli ricajcuna, nogata mana rispitamajcuna castigasha cananpämi camacächishäpaj.

Mateo 26:56

Ichanga cayno prësu chariycämanqui profëtacuna unay isquirbishan cumlinanpämi.» Chayno Jesusta prësu charicurcuptin llapan disïpuluncunaga cachaycur gueshpir aywacuran.

Deuteronomio 28:33

Mana rejsishayqui jäpa runacuna shamur chacrayquicuna wayushanta apacuptin yangallami arushayquipis canga. Waran-waran mana cuyapaypa aruchishuptiqui pasaypami ñacanquipaj.

Deuteronomio 28:48

Contrayquicunata Tayta Dios cachamuptinmi gamcunaga uywaynöna paycunata sirbinquipaj. Llapan ima-aycayquicunapis ushacaptinmi pasaypa muchoj ricacunquipaj. Chaymi micunayquipäpis ni upunayquipäpis ni jaticunayquipäpis mana canganachu. Chayno ñacanquipaj ushacänayquiyajmi.

Santiago 5:4

Piyunniquicunata manapis pägar engañar aruchishcanqui. Paycunami Tayta Diosninchïta wagar mañacurcaycan. Mañacushantaga Tayta Diosninchi wiyashanami.

Jueces 4:3

Jabinpaga caran isgun pachacmi (900) pillyananpaj fyërru carrëtancunapis. Israelcunataga ishcay chunca (20) watanami fiyupa ñacachiran. Chayrämi paycunaga fiyupa llaquicur Tayta Diosta mañacuran.