Eclesiastés 11:4 - Tayta Diosninchi Isquirbichishan

⁴ Chaynöllami wayrata ricapäcorga mana murupacongachu. Pucutay juntashalla cacojta ricapäcojpis manami cosëchanta shuntangachu.

Eclesiastés 11:4 Iomraidhean Croise

Proverbios 20:4

Murupacuy wichanpis guella runaga manami yapyapacunchu, ni murupacunchu. Chaymi cosëcha wichanpis ashipacushpan imatapis mana tarengachu.

Proverbios 22:13

Guella runaga mana arunan-cashami nin: «Jircachöga liyunmi caycan. Micumaytami munaycan» nir.

Proverbios 3:27

Yanapänanpita ñacaycaptenga pitapis yanapanqui. Timpuyqui caycaptenga ama fiyu canquichu.

Eclesiastés 11:3

Pucutay fiyupa yanamacarcamuptenga tamyamongami. Yöraga wichaypa tunirpis, uraypa tunirpis maymanpis tunishallanchömi jitaräconga.

Eclesiastés 11:5

Wayra maypa aywashantapis manami musyanquichu. Manami musyanquichu wamra mamanpa pachancho imano ruracashantapis. Chayno manami musyanquichu ima-aycatapis camaj Tayta Dios imata rurashantapis.