Eclesiastés 10:2 - Tayta Diosninchi Isquirbichishan

² Yachaj runaga allillatami yarpan. Mana tantiyacoj upa runami ichanga mana allicunallapaj yarpan.

Eclesiastés 10:2 Iomraidhean Croise

Proverbios 14:8

Yachaj runataga yachashanmi tantiyachin imano goyaycashantapis. Mana tantiyacojcunatami ichanga upa caynin llutanman apan.

Proverbios 15:7

Yachajcunaga allita yarpashantami willapäcun. Mana tantiyajcunami ichanga llutallanta yarpan.

Proverbios 17:16

¿Imanirtaj mana tantiyaj runacunaga yachayta rantinanpaj guellaynin aptacurcur shamun? Imatapis manami tantiyanchu.

Eclesiastés 10:10

Jächa laguyajta yapay mana afilashpanga callpaycur-rämi mutonga. Chaynömi sumaj yarpachacurcur ruraptenga llapanpis allilla canga.

Eclesiastés 10:14

Chay runacunaga mana ushaypami parlan. Shamoj watacunacho imapis päsananpaj cajta pipis mana musyaycaptenga ¿piraj ninman imapis päsananpaj cajta?

Eclesiastés 9:10

Imatapis ruranayquipaj caycashayquicunataga llapan shonguyquipa juclla ruray. Wañucurnaga mananami imatapis ruranquipänachu ni yarpachacunquipänapischu. Manami imatapis musyanquipänachu. Ni yachaj cashayquipis manami canganachu.

Mateo 25:33

Uyshano cajcunatami churashaj derëchu caj-lädöman; cabrano cajcunatanami ichoj caj-lädöman.

Mateo 6:33

Chaycunapaj yarpachacunayquipa ruquenga yarpachacunquiman Tayta Diospa maquincho cawanayquipaj. Pay munashanno cawaptiquega imata nistashayquitapis tarichishunquipämi.

Colosenses 3:1

Cananga Jesucristo cawarimushannömi gamcunapis cawarimushanöna carcaycanqui. Chaymi syëlucho caycaj Tayta Dios munashannöna caway-llapa. Chaychöga Jesucristo llapanpäpis munayniyoj car Tayta Diospa derëchu caj-lädunchömi jamaraycan.