Daniel 7:14 - Tayta Diosninchi Isquirbichishan

¹⁴ Chaura paytaga mandaj cananpaj churaran. Paypa munayninmannami churaran llapan runata, llapan marcacunata, jäpa runacunata, juc-niraj rimajcunatapis. Llapan payllatana aduraycaran. Payga mandaj cayninpita imaypis manami llojshengapänachu. Pay mandashanga imaypis manami ushacangapänachu.

Daniel 7:14 Iomraidhean Croise

Salmos 102:22

Intëru nasyunpita runacuna, raycuna shuntacarcurmi Tayta Diosta aduranga.

Salmos 103:19

Tayta Diospa jamananga caycan syëluchömi. Payga intërutami mandaycan.

Salmos 145:13

Gam mandashayquega mana ushacajmi. Mandashayquega imaycamapis maquillayquichömi canga.

Salmos 146:10

Sión, imaycamapis Tayta Diosllami mandanga. Tayta Diosnillayquimi imaycamapis ray canga. ¡Aleluya! ¡Tayta Diosga alabasha cachun!

Salmos 45:6

Tayta Dios camacächiptin mandaycashayquega para-simrimi. Gamga llapantapis allimi mandanqui.

Salmos 72:11

¡Llapan raycuna gongurpacuchun paymanga! ¡Llapan nasyuncho tiyajcuna sirbichun!

Salmos 72:17

¡Ray alli cashanpita jutintaga imaycamapis rimaycächun! Chaynölla parlachun inti cashanpitapis mas unaycamaraj. ¡Munducho caycaj nasyuncunapis pay-raycu bindisyunta chasquichun! ¡May nasyuncho tiyajcunapis rayta «alli goyaycullay» nichun!

Salmos 8:6

Camashayquicunapa duyñun cananpaj aunishcanqui. Camashayquicunapita mas munayniyoj cananpämi churashcanqui.

Isaías 16:5

Davidpita mirajnami Jerusalencho ray cangapaj. Payga canga cuyapäcojmi. Payga canga mana suwacoj juezmi, alli arriglajmi. Payga alli cajllatami ruranga.

Isaías 60:12

Gamcunata mana sirbishoj caj nasyun runacunaga illgächishami canga. Chayno caj nasyun runacunaga ushajpämi wañuchisha canga.

Isaías 9:6

Cushicuy caycan juc wamra noganchïcho yurishanpitami. Juc wamratami Tayta Dios gomashcanchi. Paytami munayninta gosha mandananpaj. Paytami pï-maypis rejsenga: «Almiraypaj tantiyachicoj» nir, «Binsej Dios» nir, «Para-simri cawaj Tayta» nir, «Alli goyayta tarichicoj mandaj» nir.

Isaías 9:7

Ray David jamashanmanmi jamaycongapaj. Payga llapantami mandanga. Alli goyayga manami ushacanganachu. Imaycamapis payllanami mandanga. Pay mandarga rasun cajta, alli cajllatami imaycamapis ruranga. Chaynöga ruranga munayniyoj Tayta Dios fiyupa cuyamashpanchïmi.

Daniel 2:35

Chaura jinan öra tacucäcuran fyërru, mitu, runsi, guellay, gori. Chaymi llapan ticracuriran ñuchu allpamanna. Chauraga usya wichay rïguta wayrasha päjancunata apacojnömi wayrana apacuran. Imanpis manami quëdaranchu. Illgajpaj goycoj rumi ichanga jatuncaray puntamanna ticracurisha. Nircur intëru cay pachata chapacurcusha.

Daniel 2:37

Gammi canqui llapan raycunapita mas fiyupa munayniyoj. Janaj pachacho caycaj Tayta Diosmi churasha-cashunqui mandanayquipaj, munayniyoj canayquipaj, sinchi canayquipaj, llapan rispitashunayquipaj.

Daniel 2:44

Chay raycuna mandaycashan wichanmi Tayta Diosga juc rayta yurichengapaj. Chay ray mandashantaga manami pipis binsengapänachu. Ni may nasyuncho caj raycunapis manami binsengapänachu. Pay japallannami llapan mandajcuna mandashanta mandanga. Pay mandashanga para-simrimi canga.

Daniel 3:4

Fista gallaycunanpaj willacoj runa gayacuran: «Intëru marcacunapita, nasyuncunapita, may parti rimayta rimaj runacunapis sumaj wiyamay:

Daniel 4:3

«Pay milagrucunata rurashanga fiyupa almiraypämi. Munayninwan rurashancunaga tantiyaytapis mana atipaypämi. Payga para-simrimi ray canga. Mandashanpis mirar aywaj runacunachöpis chaynöllami caycanga.

Daniel 6:26

«Cananga noga në: Cay mandashächöga llapaniquipis Danielpa Diosninta rispitar aduray-llapa. «Paymi cawaj Diosga. Payga imaycamapis caycanmi. Pay mandashanga manami imaypis ushacangachu. Munayniyoj cayninpis chaynöllami imaypis caycanga.

Daniel 7:18

Chaypitanami Tayta Diosman yäracojcunapa munayninmanna cay pachata entreganga. Chaura paycunapa munayninchömi cay pacha imaycamapis canga.›

Daniel 7:27

Cay pachacho mandajcuna mandashanta, munayniyoj cashanta, ima-aycancunatapis jaguipaycongapaj Tayta Dios acrashancunatana. Paycuna mandashanga imaycamapis mana ushacajnami canga. Allpa janancho tiyaj cäga llapanmi payllatana wiyaconga, sirbenga.›

Abdías 1:21

Llapanta binsiycurnami Sión lömaman aywanga. Chaypitanami Edom runacunataga maquincho chararanga. Ichanga llapanpis nogapa maquëchömi caycanga.»

Miqueas 4:7

Chay wegrucunatami acrashaj. Chay ñacaycajcunatami munayniyoj nasyun cananpaj camacächishaj. Noga Tayta Diosmi acrashä runacunataga Sión lömapita-pacha imaycamapis mandashäpaj.

Mateo 11:27

Chaycho caycajcunatana niran: «Taytämi llapantapis munaynëman churamusha. Noga imano cashätapis taytallämi musyan. Pay imano cashantapis nogallami rejsë. Chaymi tantiyachishä cajcunalla musyan taytä imano cashantapis.

Mateo 28:18

Disïpuluncuna caycashanman witiycurna Jesús niran: «Tayta Diosga maquëman llapantami churasha cay pachacho cajtapis syëlucho cajtapis.

Lucas 1:33

Chaura llapan Israelcunaga imaycamapis paypa munayninchönami canga. Pay mandashanga imaypis manami ushacangachu.»

Lucas 10:22

Chaycho caycajcunatana niran: «Taytämi llapantapis munaynëman churamusha. Noga imano cashätapis taytallämi musyan. Pay imano cashantapis nogallami rejsë. Chaymi tantiyachishä cajcunalla musyan taytä imano cashantapis.»

Juan 12:34

Chaymi runacuna niran: «Tayta Diospa palabranchöga niycan cachamushan Cristo imaycamapis cawananpaj cashantami. Chaura ¿imanirtaj niycanqui Destinädu Runaga wañurcur cawarimunanpaj cashanta? ¿Pitaj Destinädu Runaga?»

Juan 3:35

Tayta Diosga wamranta cuyarmi paypa maquinman llapantapis cachapasha.

Hebreos 12:28

Noganchïpis Tayta Diosninchïpa maquincho cawaycarnaga manami sicsicyar ushacäshunnachu. Chaymi payta agradësicur llapan shongunchïwan adurashun. Pay nishantaga imaypis wiyacushun.

1 Pedro 3:22

Payga cawarircamur syëlumanmi cuticusha. Cananga Tayta Diosninchïpa derëchu caj-lädunchönami caycan. Chaychöga llapan anjilcunapis, munayniyojcunapis Jesucristupa munayninchönami caycan.

Apocalipsis 1:6

Mandaj cashpanmi maquinman churamashcanchi pay munashanta rurarna cawananchïpaj. Cüra cananchïpaj churamasha-cashpanchïmi imay öra mañacushapis wiyamanchi. ¡Jesucristo imaypis alabasha caycullächun llapanpis paypa munaynincho cashanpita! Amén.

Apocalipsis 11:15

Ganchis caj anjil trompëtata tucamuran. Chaura syëlucho sinchipa cayno nimushan wiyacämuran: «Llapan nasyuncunapis Tayta Diospa y cachamushan Cristupa maquinchönami caycan. Tayta Diosnami llapanpäpis munayniyoj car imaycamapis mandanga.»

Apocalipsis 17:14

Nircur waräcuywan chay mandajcuna Cashni uyshapa contran jatarenga. Chaypis raycunapa Raynin carmi Cashni uysha binsenga. Payga binsenga Tayta Dios acrashan runacunawanmi. Chay runacunaga caycan Tayta Dios gayashanmi, payta wiyacojcunami.»

Apocalipsis 3:21

«Imano ñacarpis imaycamapis noga nishäta wiyacojcunataga churashaj nogawan iwal mandananpämi. Tayta Dios munashanno cawashäpitami nogatapis churamasha imaycamapis mandaj canäpaj.