Cantares 7:9 - Tayta Diosninchi Isquirbichishan

⁹ Parlacuyniquega mishquej alli bïnunömi. Chayga caycan mishquej bïnu shimi-wirpanchïpa, quirunchïpa mishquilla chayar päsarejnömi.

Cantares 7:9 Iomraidhean Croise

Proverbios 16:24

Alli shimillanpa parlashanga urunguypa mishquinnörämi. Alli goyaypämi shacyächicun.

Proverbios 23:31

Machächicojcunataga ama munapanquichu. Maysi upucuylla munapaypaj achicyaypa achicyar-rämi bäsuchöpis ricacan. Upurcorga mishquillami ultarcärin.

Cantares 2:14

Cuyashä paluma, gamga pacacuycanqui gagacunamanmi. Ama pacacuychu ari. Cärayquita ricaycushaj ari. Busniquita wiyarcushaj ari. Gam rimashayquega maysi wiyacuyllami. Gamga maysi ricapäcuyllami canqui.

Cantares 5:16

Rimacuyninpis maysi wiyacuyllami. Payga maysi cuyacuyllami. Jerusalén jipashcuna, chaynömi cuyashä runaga, chaynömi yanasäga.

Cantares 5:2

Puñurpis mayaj mayajllami puñuycarä. Chayno puñuycashächömi wiyarcurä puncupita cuyaynë gayacaycämushanta: ¡Puncuta quichapaycallämay ari, cuyaynillä, majallä, cuyayllapaj paluma-mallwa! ¡Umäpis shullaypashami caycan! ¡Chacay shullay yacumi umäpitapis jutuycan!

Romanos 13:11

Chaynöga ruray canan timpu Jesucristo cutimunanpaj wallcana pishiptin. Y puñushayquipita riccharejnöpis mayaj-mayajllana cay. Jesucristuman yäracushanchïpita cananga mas sercanami caycan salbacunanchïpaj.

Efesios 4:29

Ganracunataga ama rimanquichu. Chaypa ruquenga wiyajcunapis shacyäcunanpaj alli cajllata rimanqui.

Colosenses 4:6

Willaparga alli shimillayquipa parlapanqui. Chaynöpis camaricushalla carcaycanqui pipis tapushuptiqui alli shimillayquipa tantiyachinayquipaj.

Hebreos 13:15

Chaymi Jesucristuman yäracur Tayta Diosta imay örapis llapan shongunchïwan alabashun. Payta alabashanchëga alli caj ofrendami caycan.

Apocalipsis 14:13

Chaypitanami wiyarä syëlupita cayno nimojta: «Cayta isquirbiy: ¡Tayta Diospa ñaupancho imaycamapis cushisha cawanga runacuna chiquir wañuchiptinpis Jesucristuman yäracojcunaga!» Chayno niptinmi Espíritu Santupis niran: «Au, paycunaga cay pachacho ñacashanno mananami ñacanganachu. Chaypa ruquenga jamaytanami tarenga. Tayta Diosninchëga manami gongangachu payman yäracur imata rurashancunatapis.»