Cantares 4:5 - Tayta Diosninchi Isquirbichishan

⁵ Ishcan chuchuyquicunaga caycan millish lluychucuna liryu waytacunapa chaupincho micuycajnöraj.

Cantares 4:5 Iomraidhean Croise

Proverbios 5:19

Mösullayquicho tarishayqui warmiga cuyayllapaj lluychunömi. Payga mana cachaypami cuyashunqui. Cuyacuynenga shonguyquitapis fiyupami cushicachichun.

Cantares 1:13

Nogapäga cuyaynë caycan shuti-mallwawan mïrra perfümita imaypis wallgarashänömi.

Cantares 2:16

Cuyaynëga nogallapami. Nogapis payllapami cä. Payga uywancunata michin liryu waytacuna caycashallanpami.

Cantares 6:2

Cuyaynëga aywasha wertanmanmi. Payga aywasha cuyayllapaj alli asyaycaj wayta wertanmanmi. Chaymanmi aywasha uyshancunata michicoj, rösa waytacunata pallaj.

Cantares 6:3

Nogaga cuyaynëpami cä, paypis nogallapami. Payga uywancunata michin liryu waytacuna cashanchömi.

Cantares 7:3

Ishcan chuchuyquicunaga caycan millish lluychucunanömi.

Cantares 7:4

Cuncayquega llushwaypa llushwaycan cuyayllapaj arusha törrinömi. Ñawiquinami caycan ishcay yacu ishtanqui Hesbón siudächo caycajno, Bat-Rabim puncupa ñaupancho caycajno. Sengayquinami caycan Damascuman ricaraycaj törri Libanucho caycajno camaraj.

Cantares 7:7

Palma yöra ichiraycajno cuyayllapämi canqui. Chuchuyquicunanami chay yörapa wayuynin warcurpaycajno.

Cantares 8:1

Mamäpa chuchunwan gueshpej turë canquiman caran. Chayno captenga gamwan cällicho tincushpäpis mucharcömanmi. Chauraga pipis manami jamurpämanmanchu.

Cantares 8:10

Nogaga curral perganömi caycä. Chuchöcunapis ricchacuna törricunanömi caycan. Cuyaynëpa ñaupancho cashpäga alli goyaychönami caycä.

1 Pedro 2:2

Chaypa ruquenga iti wamra pasaypa chuchunashanno gamcunapis Tayta Diospa palabranta yachacur caway. Chaynöpami yachacushun Tayta Dios munashanno alli cawanapaj.