Cantares 4:4 - Tayta Diosninchi Isquirbichishan

⁴ Cuncayquega cuyayllapaj caycan David rurachishan cuyayllapaj törrinörämi. Chay törrichöga waranganpami jinyu suldärucunapa chapacuna escüdun waguiraycan.

Cantares 4:4 Iomraidhean Croise

2 Samuel 1:21

«¡Gilboa jirca, cananpitaga amana gamman imaypis tamyamuchunnachu! ¡Ni shullaypis yurichunchu! Gamga canqui wañushacuna jitaränan pampami. Chaychömi pillyay yachajcuna charashan escüdunpis lluchcar-ushasha casha. Chaychömi Saulpa chapacuna escüdunpis asëtin pishiptin mana chillapyashanachu.

2 Samuel 22:51

Sumaj allicho cananpämi yanapanqui acrashayqui raytaga. Imaypis allimi ricanqui Davidta, paypita mirar aywajcunata.»

Nehemías 3:19

Josuëpa wamran, Mizpa distrïtupa mandajnin Ezer allchachiran armancuna churaränan wasiman wichäna lädun isquïnapita.

Salmos 144:12

Wamräcuna wiñaycuchun wertacho caj lantacuna wiñajnöraj. Warmi wamräcunapis caycuchun cuyayllapaj pilancu palasyuta camarächejno.

Cantares 1:10

Cärayquega arëtiquicunawan cuyayllapaj achicyayparaj-achicyaycan. Cuncayquipis perlas wallgacunawan cuyayllapaj camaraycan.

Cantares 7:4

Cuncayquega llushwaypa llushwaycan cuyayllapaj arusha törrinömi. Ñawiquinami caycan ishcay yacu ishtanqui Hesbón siudächo caycajno, Bat-Rabim puncupa ñaupancho caycajno. Sengayquinami caycan Damascuman ricaraycaj törri Libanucho caycajno camaraj.

Cantares 7:5

Umayquipis cuerpuyquichöga caycan Carmelo puntano cuyayllapämi. Ajchayquicunapis cuyayllapaj achic-achicyaycan. ¿Ajchayquiwanga rayta imanaycushcanquitaj pasaypa cuyacurcushunayquipäga?

Cantares 8:10

Nogaga curral perganömi caycä. Chuchöcunapis ricchacuna törricunanömi caycan. Cuyaynëpa ñaupancho cashpäga alli goyaychönami caycä.

Miqueas 4:8

Sión gammi caycanqui uyshacunata ricachacuna törri. Gammi canqui chaycho tiyajcunapa pacacunan. Yapaymi ñaupatano rispitädu canquipaj. Jerusalén yapaymi capital canquipaj.»

Colosenses 2:19

Chay llutan yachachicojcunaga manami Jesucristuwan jucnayllanöchu caycan. Jesucristoga inlisyapaj caycan cuerpupa umannömi. Mogunchïcunata ancunchïcuna cuerpunchïcho jucllachacasha cashannömi noganchïpis Jesucristuwan jucllachacasha caycanchi paypa maquincho cananchïpaj. Chaynöpami Diosninchi munashannöna cawaycanchi.

1 Pedro 1:5

Payman yäracushayquipitami Tayta Diosninchi munayniyoj cashpan imapitapis chapaycäshunqui. Chaymi ushanan junajcunachöga erensyayquita chasquinquipaj.