Apocalipsis 9:3 - Tayta Diosninchi Isquirbichishan

³ Goshtaypitami chüpacacuna llojshimuran cay pachaman juntajpaj. Chay chüpacacunatami alacranno fiyupa benënuyoj cananpaj ticrachiran.

Apocalipsis 9:3 Iomraidhean Croise

1 Reyes 12:11

Papänë ñacachisha-cashuptiqui nogaga mas fiyuparämi ñacachishayqui. Pay läsuwan astisha-cashuptiqui, nogaga fyërru puntayoj runsalwanrämi astishayquipis» nir.

2 Crónicas 10:11

Papänë ñacachisha-cashuptiqui nogaga mas fiyuparämi ñacachishayqui. Pay läsuwan astisha-cashuptiqui nogaga fyërru puntayoj runsalwanrämi astishayqui› nir.»

2 Crónicas 10:14

Mösucuna willapashannöllami niran: «Papänë ñacachisha-cashuptiqui nogaga masrämi ñacachishayqui. Papänë läsuwan astisha-cashuptiqui nogaga fyërru puntayoj runsalwanrämi astishayqui» nir.

Isaías 33:4

Gueshpir aywacushanpa cösancunatanami contrancuna charicarcärin. Chüpacacunanömi llapanta ushacarcärin.

Ezequiel 2:6

Runa, gamga ama manchacuychu paycunata. Ni imata nishuptiquipis ama manchacunquichu. Cashacunapa chaupincho caycajno carpis, alacrancunawan iwal tiyaycajno carpis ama manchacunquichu. Mana wiyacoj cayllawan fiyu ñawinpa ricapäshuptiquipis, imata nishuptiquipis ama manchacunquichu.

Joel 1:4

Tucuy casta chüpacacunami juntaycusha llapanta micur ushacurcunanpaj. Jatusaj chüpacacuna catushantaga acapa chucluscunami ushacurcusha. Acapa chucluscunapita gueshpejllantapis malunyacunami micucurcusha. Chaypita puchojllantapis shiuricunami ushacurcusha.

Joel 2:25

«Päsaj watacunachöga cachamushä chüpacacuna micuyta ushashanpitami fiyupa ñacarayqui. Gamcunapataga ima-aycayquitapis chüpacacunami ushacurcuran. Chaycunaga llapanta illgächej suldärucunanömi usharan. Chayno ushashanpitami canan gamcunataga cutichishayqui.

Nahúm 3:15

Ichanga chaychömi nina ushashunquipaj. Sabliwanmi wañunquipaj; ushajpämi illgächishunquipaj. ¡Chüpacano aypallaman miray ari! ¡Chüpacacunano aypallaman miray ari!

Nahúm 3:17

Guërrapaj runacunata charejcunaga caycan chüpacacunanömi. Mandajcunaga caycan chuspi gashyariycajnömi. Curucuna gasaywan pergacunaman lagacashannömi wiyacuycun. Inti ratarcamuptenga aywacun. Manami pipis musyannachu maypa aywashantapis.

Lucas 10:19

Gamcunataga munaynëtami goshcä culebracuna, alacrancuna cañishuptiquipis mana imatapis rurashunayquipaj. Chaymi dyablucunata garguptiquipis mana ichipäshunquipächu.

Deuteronomio 8:15

Tayta Diosga pushamushurayqui fiyupa manchacuypaj chunyajpami aypalla wañuchicoj culebracuna, alacrancuna cashanpa. Yacu mana captinpis yacutaga gagapitami upunayquipaj yargachimuran.

Apocalipsis 9:5

Runacunata nanaywan ñacachirpis mana wañuchinanpaj, pichga quilla nanaywan ñacachinallanpämi niran. Cañishanga nanaran alacran cañishannörämi.

Apocalipsis 9:7

Chay chüpacacuna caran guërraman aywananpaj camarisha caycaj cawallunömi. Umanchömi jatiraycaran gori corönatano. Cäranpis runapa cärannömi caran.

Jueces 7:12

Madianpita, Amalecpita, inti yagamunan caj-läpita shamojcunaga chüpacanöraj intëru pampacho aypacasha caycaran. Camëlluncunapis yupaytapis mana atipaypaj caycaran.