Apocalipsis 6:13 - Tayta Diosninchi Isquirbichishan

¹³ Janaj pachapita goyllarcuna shicwacamuran. Sinchipa wayrämuptin manaräpis pogoj ïgus shicwamojnömi goyllarcunaga shicwacamuran.

Apocalipsis 6:13 Iomraidhean Croise

Job 15:33

Chaycunaga canga übas yörapa wayuynin mana pogojnömi, olivo yörapa waytancuna marpur shicwacojnömi.

Isaías 13:10

Intipis yagarcamullarnami chacacäconga. Quillapis mananami achicyanganachu. Goyllarcunapis manami achicyanganachu. Janaj pachaga pasaypa yanauyaycajmi ricacongapaj.

Isaías 33:9

Allpaga fiyupami chaquicäcusha. Imatapis mana wayuchinnachu. Líbano muntipis wañuytacäcushami. Sarón guechwapis chunyaj chaqui jircanami ricacusha. Basán puntawan Carmelo puntapis garayashami caycan.

Isaías 34:4

Syëlupis llapan chaycho caycajcunapis papil cauchucajnömi pitucäconga. Estrëllacunapis manana achicyar chaquisha öjanömi shicwacamonga.

Isaías 7:2

Ray Acazpa palasyunman willapata chayachiran «Siria runacunaga Efraín runacunawanmi parlacusha» nir. Chaura rayga llapan runacunawan mancharir sicsicyaran yöracuna wayrawan cuyuycajnöraj.

Ezequiel 32:7

Gamta illgächishpäga camacächishaj pacha chacacäcunanpaj, goyllarcunapis upicäcunanpaj. Pucutaywanmi intita chapashaj. Quillapis manami achicyanganachu.

Daniel 4:14

Chay anjilmi anjil-masincunata gayacuypa niran: ‹Chay yörata sajtariy. Rämancunatapis mutorgäriy. Öjancunatapis rachir-ushariy. Wayuynincunatapis mashtariy. Llantuynincho llantucurcaycaj animalcunapis gueshpir aywacuchun. Rämancunacho caycaj äbicunapis aywacuchun.

Daniel 8:10

Chay wagraga wiñaycällarmi syëlucho caycaj estrëllacunatapis töparanna. Nircur waquin estrëllacunataga garpamuran. Yagamojtana lluchcar-usharan.

Joel 2:31

Intimi chacaj ricacongapaj. Quillanami yawarmanno ticracurengapaj. Llapan chaycunaga canga Tayta Dios jusganan junaj manaraj chayamuptinmi. Chay jusganan junäga cangapaj fiyupa manchariypaj junajmi.

Nahúm 3:12

«Llapan curalasha siudäniquicunaga canga ïgus yöra pogur päsaycajnömi. Chay yörata pipis tapsiptenga ïgus shicwacun cuyuchej micucurcunanpaj maquillamanna.

Mateo 24:29

«Fiyupa ñacaycuna päsariptillanmi intipis chacacäconga. Quillapis mana achicyamonganachu. Goyllarcunapis shicwacamonga. Janaj pachapis fiyupami sicsicyanga.

Marcos 13:25

Goyllarcunapis shicwamonga. Janaj pachapis fiyupa sicsicyachishami canga.

Lucas 21:25

«Intipis, quillapis, goyllarcunapis fiyupa manchariypämi ricaconga. Cay pachachönami llapan runacuna manchariywan löcutanga lamar yacu löcutar fiyupa gaparaptin.

Apocalipsis 9:1

Chaypitanami pichga caj anjil trompëtata tucamuptin ricarä cay pachaman goyllar shicwamojta. Chay goyllarmi chasquiran dyablucuna wichgarashan wanwanyaycaj pachapa shiminpa lläbinta.