Apocalipsis 4:7 - Tayta Diosninchi Isquirbichishan

⁷ Ichanga chuscun caran juc-niraj juc-niraj: jucmi caran liyun-niraj; jucmi caran töru-niraj; jucpa cäranmi runapa-niraj caran; jucmi caran päriycaj anca-niraj.

Apocalipsis 4:7 Iomraidhean Croise

Génesis 49:9

Judá, gamga canqui juc manta liyun cäsata charircur cutimojno; micunanpaj pampaman lätacuycojno. Chayno caycaptiquega ¿piraj gamta rabyachishunquiman?

2 Samuel 1:23

«Saultawan Jonatantaga runacuna amatarmi cuyaran. Paycunaga manami raquicashachu cawarpis ni wañurpis. ¡Ancacunapitapis masmi cörrej! ¡Liyuncunapitapis mas sinchimi caj!

Proverbios 28:2

Juc nasyuncho mana alli goyayllana captenga mandajcunapis achcami yurin. Alli yachaj yarpaysapa mandajmi ichanga llapanta alli mandan. Chauraga runacunapis allilla goyan.

Isaías 40:31

Tayta Diosman yäracojcunami ichanga alli callpallancho caycangapaj. Chaymi anca buylaycajno aywangapaj. Cörrirpis manami uticangapächu. Caruta aywarpis manami bëtangapächu.

Ezequiel 1:10

Chay chuscu älayojcunapaga cärancuna caycaran caynömi: Ñaupaman ricaraj caj caycaran runapa cäranno. Derëchu caj-läman ricaraj cajna caycaran liyunpa cäranno. Ichoj caj-läman ricaraj cajna caycaran törupa cäranno. Guepa caj-läman ricaraj cajna caycaran ancapa cäranno.

Ezequiel 1:8

Paycunapaga älan rurincho caycaran runapa maquinno maquincuna. Chuscunpapis cärancuna y älancuna caycaran.

Ezequiel 10:14

Chay querubín anjilcunapaga cada-ünunpa caran chuscu cärancuna. Rimir caj cäran caycaran querubín anjilpano. Chaypita caj cäran caycaran runapano. Chaypita caj cäran caycaran liyunpano. Ushanan caj cäran caycaran ancapano.

Ezequiel 10:21

Paycunapaga cada-ünunpa caran chuscu cärancuna, chuscu älancunapis. Älancunapa rurincunachöna ricacaycaran runapa maquinno.

Daniel 7:4

Rimir caj waräcuyga liyun-niraj caran. Ichanga ancapa-niraj älanpis caran. Ricapaycaptillämi älancunapis rachicäcuran. Chauraga runa ichirajno guepa caj chaquillanwanna ichicurcuran. Yarpayninpis runapanöna ticracuriran.

Abdías 1:4

Ancano may janajcama wichaptiquipis, goyllarcuna caycashancho tiyanayquita ruraptiquipis chaypita garpamushayquipämi.

Números 23:24

Chay runacunaga liyunno manchacuypämi caycan. Liyun imatapis micunanpaj chariycur yawarninta upur-raj jamashannömi Israelcunapis contrancunata binsiycur-raj jaman.»

Números 24:9

Liyun cäsata charinanpaj llupucuycojnömi caycan. Pipis rimapayta manchacunmi. ¡Israelcuna, gamta bindisyunta goshojcunataga Tayta Diospis bindisyuntami gonga! ¡Maldisyunta goshojcunatami ichanga maldisyunanga!»

1 Corintios 14:20

Ermänucuna chaycunapaj wamracunano pishi yarpayga ama caychu. Rucu runacunano yarpachacuy. Mana allicunata ruraypaj ichanga itino canquiman.

Deuteronomio 28:49

Tayta Diosmi cachamongapaj juc-lä nasyun runacunata. Ancanöpis illajpitami chayamongapaj. Rimaynintapis manami tantiyanquipächu.

Apocalipsis 4:6

Sillun ñaupanpana intërupa lamar yacu-niraj bidryuno achicyaraycaran. Chaynöpis chay sillunta tumaparaycaran chuscoj anjil-nirajcuna. Paycunapaga intëru cuerpuncho ñawincuna caran.

Apocalipsis 6:3

Röllucho ishcay caj lagaraycaj sërata Cashni uysha jorguriptinmi ñaupancho caycaj chuscoj anjil-nirajcunapita jucna gayacuran: «¡Shamuy!» nir.

Apocalipsis 6:5

Röllucho quimsa caj lagaraycaj sërata Cashni uysha jorguriptinmi ñaupancho caycaj chuscu anjil-nirajcunapita jucna gayacuran: «¡Shamuy!» nir. Niptin ricärishächo ricarä yana cawalluta. Chay cawalluta muntarajna balansan aptasha caycaran.

Apocalipsis 6:7

Röllucho chuscu caj lagaraycaj sërata Cashni uysha jorguriptinmi ñaupancho caycaj chuscu anjil-nirajcunapita jucna gayacuran: «¡Shamuy!» nir.