Apocalipsis 4:11 - Tayta Diosninchi Isquirbichishan

¹¹ «Tayta Dios, gamllami llapanpäpis munayniyoj canqui. Llapan imatapis gammi camashcanqui. Cawayta gam goshayquipitami llapanpis cawaycan. Chaymi llapanpis rispitar gamta alabashunqui.»

Apocalipsis 4:11 Iomraidhean Croise

Génesis 1:1

Gallarinancho manaraj imapis captin Tayta Dios camaran syëlutawan cay pachata.

2 Samuel 22:4

Tayta Dios, alabasha canayquimi camacan. Mañacamuptë, chiquimajcunapita salbamanquimi.

Nehemías 9:5

Cüracunata yanapaj Leví runacuna Josué, Cadmiel, Binuy, Hasabnías, Serebías, Hodías, Sebanías, Petaías cayno niran: «Tayta Diosninchïta imaycamapis llapayqui alabay. ¡Payga fiyupa rispitädu cashpan munayniyoj cashpan alabasha cachun!

Job 36:3

Yachashätaga llapantami willapäshayqui. Camamajninchi rasun cajta rurashantami musyachishayqui.

Salmos 18:3

Tayta Dios, alabasha canayquimi camacan. Mañacamuptë chiquimajcunapitaga salbamanquimi.

Salmos 68:34

«Fiyupa munayniyojmi Tayta Diosga» niy. Paytaga llapan Israelcunami rispitan. Munayninmi chayan asulyaraycaj syëlucama.

Éxodo 20:11

Tayta Diosga sojta junajchömi cay pachata rurayta usharan cay pachacho cajcunatapis, syëluta syëlucho cajcunatapis, lamarta lamarcho cajcunatapis. Ganchis caj junajchöga Tayta Dios jamarannami. Chaymi chay junajpäga niran payta rispitanan junaj cananpaj.

Proverbios 16:4

Tayta Diosga yarpashanno cananpämi llapantapis camasha. Fiyu runacunapämi castïgutaga camasha.

Isaías 40:26

Syëluman ñuquircushpayqui masqui ricchacuriy: ¿Pitaj llapan chaycunata rurasha? Chaycunataga rurasha llapan estrëllacunata juc juclla camacächejmi, llapantapis jutinpa-jutinpa rejsejmi. Payga fiyupa munayniyojmi, fiyupa callpayojmi. Rurashancunaga manami jucnayllapis pishinchu.

Isaías 40:28

Ichanga gamcuna ¿manachu musyanqui? ¿Manachu wiyashcanqui? Imaycamapis cawaj Tayta Dios mundu intëruta camäga manami yamacanchu, manami uticanpischu. Pay yarpashanga mana atipaypämi.

Jeremías 10:11

Ïdulucunata adurajcunata cayno niy: «Cay pachatapis syëlutapis mana ruraj dioscunaga llapanmi cay pachapita illganga. Ni jucnayllapis cay pachachöga manami cangapänachu.»

Jeremías 32:17

«Tayta Dios gammi fiyupa munayniquiwan camashcanqui syëlutapis cay pachatapis. Gampäga manami imapis sasa canchu.

Hechos 14:15

«Taytacuna, ama chayta ruraychu. Nogacunapis gamcunano runallami cä. Nogacunaga shamushcä cay manacaj custumricunata ruraycashayquita cachaycur Tayta Diosmanna yäracunayquipaj willapajmi. Paymi llapantapis camaran: syëlutapis, cay pachatapis, lamartapis, ima-aycatapis.

Hechos 17:24

«Paymi camasha cay pachata, llapan ima-aycatapis. Paypa maquinchömi caycan syëlupis cay pachapis. Payga manami tiyanchu runacuna rurashan capillacho.

Romanos 11:36

Llapantapis Tayta Diosninchïmi camasha. Pay cayninpami imapis caycan y payllapami llapanpis. ¡Imaycamapis Tayta Diosninchi alabasha caycullächun! Amén.

Efesios 3:9

Acramasha llapanta camaj Tayta Dios unaypita-pacha yarpashancunata willacunäpämi.

Deuteronomio 32:4

Paymi imapitapis chapämajninchi. Pay rurashancunaga fiyupa allimi. Imatapis allillatami ruran. Payga manami imaypis llullacunchu. Payga llapantapis allimi rican. ¡Alli cajtami ruran; rasun cajllatami riman!

Hebreos 1:10

Chaynöpis niran: «Tayta, gallarinanpita-pachami cay pachatapis gamga tacyachishcanqui. Quiquiquimi syëlutapis rurashcanqui.

Hebreos 1:2

Canan wichanmi ichanga Wamran Jesucristutana Tayta Dios cachamusha munashanno cawanapaj tantiyachimänanchïpaj. Wamranwanmi mundutapis ruraran. Nircur Wamrantami churasha llapantapis maquincho chararänanpaj.

Apocalipsis 1:6

Mandaj cashpanmi maquinman churamashcanchi pay munashanta rurarna cawananchïpaj. Cüra cananchïpaj churamasha-cashpanchïmi imay öra mañacushapis wiyamanchi. ¡Jesucristo imaypis alabasha caycullächun llapanpis paypa munaynincho cashanpita! Amén.

Apocalipsis 10:6

Nircur llapan imatapis camaj, imaycamapis cawaj Tayta Diospa jutincho jurar niran: «Tayta Dios mananami masga shuyanganachu.

Apocalipsis 14:7

Chay anjilmi sinchipa nimuran: «¡Tayta Diosta alabay-llapa! Cananga llapan runacunata jusgananpaj öra chayamushanami. Janaj pachata, cay pachata, lamarta, pucyucunatapis camaj Tayta Diosta alabay-llapa.»

Apocalipsis 19:1

Chaypitaga syëlucho aypalla sinchipa cantamojta wiyarä: «¡Tayta Diosninchi alabasha cachun! ¡Paymi munayninwan runacunata salban! ¡Llapanpäpis munayniyojmi caycan!

Apocalipsis 5:12

Paycunaga Cashni uyshata alabar sinchipa nircaycaran: «Chay Cashni uyshatami wañuchiran. Chaymi payllata may-chaychöpis alabananchi. Payllami llapanpäpis munayniyoj caycan. Payllami llapanpapis duyñun caycan. Pipis manami paynöga yachaj canchu. Llapan cawajcuna payllata imaypis alabachun» nir.

Apocalipsis 5:2

Chaychömi juc munayniyoj anjil gayacuypa niran: «¿Piraj Tayta Dios aptaraycashan lagasha caycaj rölluta quichananpäno caycan?»

Apocalipsis 5:9

Paycunami mushoj alabansata cantar Cashni uyshata alabaran cayno nir: «Gammi runacuna-raycu wañushcanqui. Chaymi gamlla rölluta chasquircur pachganayquipaj caycanqui. Wañur yawarniquita jichaptiquimi yäracoj cajtaga Tayta Dios salbasha may trïbu runacunatapis, ima rimayta rimaj runacunatapis, may marca runacunatapis, may nasyun runacunatapis.