Apocalipsis 21:26 - Tayta Diosninchi Isquirbichishan

²⁶ Llapan runacunami chay siudäman riquësancunata apanga.

Apocalipsis 21:26 Iomraidhean Croise

Salmos 72:10

¡Paymanga Tarsischo tiyaj raycuna, lamar chaupin tishgucho tiyajcuna impuestuta pägachun! ¡Garaynincunata goycuchun Sabächo caycaj raycuna, Sebacho caycaj raycuna!

Isaías 49:23

Raycunami wamrachacushunquipaj. Raypa jipash wamrancunanami uywashunquipaj. Paycunaga rispitashushpayquimi gongurpaconga. Chaquiquiman ñuchu allpa lagacajtapis lajwangami. Chaymi musyanquipaj noga Tayta Dios cashäta. Musyanquipaj nogaman yäracamoj cäga mana pengaycho ricacushanta.»

Isaías 60:11

Chacaypa junajpapis puncuyquicunaga quicharaycangami. Quicharaycanga intëru nasyuncho ima-ayca alli cajtapis apapämushunayquipämi. Raycunapis garaynincunawanmi gam cajman yaycamongapaj.

Isaías 60:16

Llapan nasyuncunami allinnin micuynincunata apapämushunquipaj. Raycunanami riquësancunata apapämushunquipaj. Chauraga tantiyacunquipämi noga Tayta Diosniqui salbashoj cashäta, Jacob rispitashan Munayniyoj Dios gamta imapitapis jorgoj cashäta.

Apocalipsis 21:24

Llapan nasyuncunapis Tayta Diosninchïpa siudänin achicyashallanwanmi cawanga. Chay nasyuncunapa mandajnincunapis chay siudämanmi riquësancunata apanga.