Apocalipsis 18:8 - Tayta Diosninchi Isquirbichishan

⁸ Chayno cashanpitami juc junajllacho fiyupa ñacaycuna payman chayanga. Wañuypis, ñacaypis, yargaypis illajpitami chayanga. Nircurnami rupar fiyupa ushacanga. Paytaga llapanpaj munayniyoj Tayta Diosmi castigangapaj.»

Apocalipsis 18:8 Iomraidhean Croise

Job 9:19

Callpäman yäracuptëpis ¡payga mas munayniyojmi! Demandacuptëpis, ¿piraj gayachinman?

Salmos 62:11

Yaparir yaparirmi wiyashcä Tayta Diospaj parlajta.

Isaías 27:1

Chay junajmi Tayta Diosga manchariypaj, jatuncaray sablinwan castiganga Leviatán waräcuyta. Culebrano pillguypa-pillgur aywaycaj Leviatantami castiganga. Lamarcho caycaj waräcuytapis wañuchengami.

Isaías 9:14

Chaypitami Tayta Diosga juc junajllacho Israelpa umantawan chupanta rogurenga. Chucru palmatawan shauya utututapis muturenga.

Jeremías 50:31

«Alli-tucoj nasyun runacunaga, llapaniquipa contrayquimi caycä. Gamcunata castiganäpaj caycaj junaj chayamushanami.

Jeremías 50:34

Noga munayniyoj Tayta Diosmi Israelcunataga imapitapis jorgushaj. Nircur nasyunninchöga jaucami goyächishaj. Babilonia runacunatami ichanga fiyupa castigashaj.

Jeremías 51:58

Munayniyoj Tayta Diosmi nin: «Babilonia siudäpa intëru cantunpa anchu pergan caycajtapis ushajpämi juchurachenga. Jatun puncuncunatapis llapantami ruparachenga. Llapan nasyun runacuna arur ñacashanpis yangallami canga. Chay-jina uticar arushantapis ninami rupar ushacurconga.»

Jeremías 51:6

«¡Babiloniapitaga aywacuy! ¡Cawayta munaj cäga gueshpicuy! ¡Babilonia runacunapa juchanpitaga llapayqui ama wañuychu! Paycunata ayñita cutichinä junaj chayamushanami. Chaymi juchanman-tupu castigashaj.

Joel 2:11

Suldäruncunapa ñaupancho Tayta Diosga räyuno busnintami wiyacächin. Paypa suldäruncunaga fiyupa aypallami. Pay nishanta rurajcunaga yupaytapis mana atipaypämi. ¡Fiyupa manchariypämi canga Tayta Dios jusganan junäga! ¿Piräshi chaytaga awantaycunman?

1 Corintios 10:22

¿Tayta Diosninchïta rabyachiytachu munarcaycanqui? ¿Noganchëga paypita mas munayniyojchu canchi?

Apocalipsis 11:17

«Munayniyoj Tayta Dios, gamtami agradësicö. Gamga unaypita-pacha cawajmi canqui, cananpis caycaj, [shamunanpaj caycajmi] caycanqui. Llapanta munayniquichömi chararaycanqui. Cananga gamnami mandayta gallaycushcanqui.

Apocalipsis 17:16

Chay chunca mandajcunapis, waräcuypis fiyupami chiquicurconga mañösa warmitaga. Chaymi warmitaga galallata cachayconga. Llapanninta apaconga. Wañurcachir ruparachenga.

Apocalipsis 17:18

Puca waräcuyta muntaraycaj mañösa warmiga jatuncaray siudämanmi tincuycan. Chay siudäpa mandajnenga may-chaycho tiyaj mandajcunatapis munayninchömi charararan.»

Apocalipsis 18:17

¡Llapan ima-aycayquipis illajpita ushajpämi ushacasha!» nir. Büqui manijaj runacuna, büquicho llapan arupacojcunapis carullapita ricaraycar quëdaconga.

Apocalipsis 18:19

Nircorga fiyupa wagar gapararmi allpatapis umanman wiñacur nenga: «¡Ay jatuncaray siudä! Chaychömi büquiyojcuna nigusyunta ranticur llapanpis rïcuyasha. Cananga illajpitachaj juc rätulla ushacäcusha.»

Apocalipsis 19:3

Nircurnami anjilcuna yapay niran: «¡Tayta Diosninchi alabasha cachun! Chay siudätaga rupacurcushami. Rupaptin mana chawaypami goshtay jatariycanga.»