Apocalipsis 11:8 - Tayta Diosninchi Isquirbichishan

⁸ Wañuchiptinmi siudäpa cällincho jitarpanga. Chaychömi Taytanchi Jesucristutapis wañuchiran. Chay siudätami Sodoma, Egipto nin.

Apocalipsis 11:8 Iomraidhean Croise

Génesis 13:13

Sodomachöga llapanpis fiyu runacunalla tiyaran. Tayta Diosta rabyachishpan fiyupa juchallatana ruraran.

Génesis 19:24

Chayraj Tayta Diosga tamyachimuran ratataycaj ninatawan asufrita Sodoma siudäman Gomorra siudäman. Chaynöpami ishcan siudächo nina ratariran.

Éxodo 20:2

«Nogaga cä Tayta Diosniquimi. Egiptucho uyway car ñacarcaycajtami noga jorgamushcä.

Éxodo 3:7

Chaypis Tayta Dios sïguir niycaran: «Musyämi Egiptucho acrashä runacuna fiyupa llaquicur goyaycashanta. Wiyashcämi capatasnincuna ñacachiptin llaquicur mañacamashantapis.

Isaías 3:9

Juchata rurashancunaga alayrimi musyacaycan. Juchata rurashancunataga manami pacanchu. Sodoma runacunapaj mayacashannömi may-chaymanpis mayacaycächin. ¡Ay imanöraj canga paycunaga! Quiquincunallami castigasha caytapis ashircaycan.

Jeremías 23:14

Noga ricashcämi Jerusalencho caj profëtacunapis fiyupa melanaypäcunata rurarcaycajta. Paycunaga majayojcunawanmi cacurcaycan; llullacurcaycan. Chayno rurarmi juchasapacunatapis mana allita ruraycashanta mana cachaycunanpaj shacyächin. Chaymi paycunapis, siudächo tiyajcunapis Nogapäga carcaycan Sodomawan Gomorra cashanno.»

Jeremías 26:23

Chay aywajcunami Uriasta Egiptupita cutiycachimur ray Joacimman apaparan. Chaura Joacimna wañuchichiran. Wañurcachir wacchacuna pampacunanpaj caycaj uchcuman jitaycäriran.

Ezequiel 16:46

Norte caj-lächömi caycasha mayur ñañayqui Samaria siudä llapan caseryuncunawan. Sur caj-lächönami caycasha shullca ñañayqui Sodoma siudä llapan caseryuncunawan.

Ezequiel 16:49

Ñañayqui Sodomapa juchanga caynömi casha: Quiquinpis caseryuncunapis fiyupa alli-tucuran. Aypalla micuynin captinmi imapitapis mana yarpachacuypa goyaran. Ichanga manami imaypis yanapashachu pobrita ni pishïpacojcunatapis.

Ezequiel 23:19

Payga mas piyur mana pengacuypana pï-maywanpis cacuran. Jipash cashpan Egiptucho piwanpis cacushanta yarpärir piyurna ruracäcuran.

Ezequiel 23:27

Chaynöparämi Egiptucho pï-maywan cacushayquitapis jamachishayqui. Chaypitaga mananami ricärinquipänachu ni yarpanquipänapischu Egipto runacunataga.»

Ezequiel 23:3

Chay warmicunaga wamra jipash cashanpita-pachami Egiptucho jucwan-jucwan cacuran. Chaychömi chuchuncunata yatapaptinpis dëjacuran. Chaynöpami donsëlla caynintapis pirdichiran.

Ezequiel 23:8

Egiptucho caycällarnami pï-maywanpis cacuyta yachacuycuran. Chaytaga manami gongashanachu. Jipash cashanpita-pachami achcajwan cacusha. Chayno cashpanmi donsëlla cayninta pirdiycachir mañösa cayman ticrasha. Pï-maywanpis cacoj warmina ricacusha.

Ezequiel 37:11

Yapay Tayta Dios nimaran: «Runa, cay tullucunami Israel runacunaga carcaycan. Paycunaga cayno nirmi purircaycan: ‹Tullunchïcunapis chaquishanami caycan. ¿Imatanataj shuyäshunpis? Noganchi ushacänanchi öra chayamushanami› nir.

Amós 4:11

«Nogami gamcunata castigarä Sodomatawan Gomorrata castigashäno. Chaymi gamcunaga caycarayqui ninapita jorgurisha tisunno. ¡Chaypis gamcunaga manami nogaman yapay yäracamushcanquichu!» Tayta Diosmi chayno nisha.

Mateo 10:15

Chaycho tiyajcunata fisyu junajchöga Sodoma, Gomorra runacunata castigashanpita masmi castigangapaj.

Hechos 9:4

Chaura Sauluga pampaman tuniran. Nircur wiyaran syëlupita «Saulo, Saulo, ¿imanirtaj chiquir gaticachaycämanqui?» nimojta.

Hebreos 13:12

Jesucristutapis marcapita jorgurcurmi wañuchisha juchanchïcunapita perdunasha cananchïpaj.

Hebreos 6:6

Tayta Diosta ñïgaptenga manami puydishwannachu Tayta Diosman yapay cutichiyta. Chay runaga Tayta Diospa contran carmi Jesucristuta yapay crusificajnöna caycan. Chay runa-jananmi waquin runacunapis Jesucristuta manacajman churan. Sumaj yachacuycarpis Jesuspa contran jatarir guepaman cuterga manana cutimuyta yarpannachu.

2 Pedro 2:6

Sodoma, Gomorra marca runacunatapis Tayta Diosninchi castigar llapantami usharan. Chayno castigaran Tayta Dios castigacoj cashanta llapan runacuna tantiyacunanpämi.

Judas 1:7

Chay anjilcunanömi Sodomacho, Gomorracho y sercancunacho tiyajcunapis fiyupa pengaypaj juchata ruraran. Chaymi Diosninchi ninawan rupachiypa castigaran. Chaynömi pitapis payta mana wiyacojcunataga Tayta Diosninchi castiganga mana upej ninacho.

Apocalipsis 11:13

Chay örami fiyupa timlur caran. Chaymi chay marcacho cada chunca wasipita juc wasi juchuran. Ganchis waranga (7,000) runacuna wañuran. Cawaj cajcunaga fiyupa mancharirmi syëlucho caycaj Tayta Diosta alabaran.

Apocalipsis 11:9

Quimsa junaj medyanmi may marca runacunapis, may trïbu runacunapis, ima rimayta rimaj runacunapis, may nasyun runacunapis ricanga wañusha jitarpaycajta. Paycunaga pampanantapis manami munangachu.

Apocalipsis 14:20

Übastaga siudäpita mas juc-lächömi lluchcaran. Pösupitanami yawar llojshiran cawallupa shiminman aypänan altucama. Sojta chunca (60) lëwacamami mashtacaranpis.

Apocalipsis 14:8

Chay anjilpa guepantana juc anjil shamur niran: «¡Tunishanami, tunishanami jatuncaray Babilonia siudä! Babiloniami llapan runacunata yachachiran juc dioscunata adurayta.»

Apocalipsis 16:19

Jatun Babilonia siudätaga runacuna llutanta rurashanpitami Tayta Dios rabyar fiyupa castigaran. Chaymi chay siudäga quimsaman raquicäcuran. Waquin siudänincunanami juchur ushacaran.

Apocalipsis 17:1

Bäsuta tacshimoj ganchis anjilpita juc aywaycamur nimaran: «Shamuy, mayu tincojcho jamaraycaj mañösa warmita Tayta Dios imano castigashantapis ricachishayqui.

Apocalipsis 17:18

Puca waräcuyta muntaraycaj mañösa warmiga jatuncaray siudämanmi tincuycan. Chay siudäpa mandajnenga may-chaycho tiyaj mandajcunatapis munayninchömi charararan.»

Apocalipsis 17:5

Urcunchönami sasa tantiyay isquirbiraycaran cayno nir: «Nogaga jatuncaray Babiloniami cä. Nogami mañösa warmicunapa maman cä. Tucuy jucha rurajcunapapis maman cä.»

Apocalipsis 18:10

Fiyupa castigashanta ricarmi carullapita ricarpanga. Cayno nirmi gapachaconga: «¡Ay, ay Babilonia! ¡Munayniyojchaj carayquega! ¡Cananga illajpitachaj juc rätulla ushacäcushcanqui!»

Apocalipsis 18:18

Chay marcapita goshtay jatarejta ricar fiyupa waganga «Chay siudäno ¿mayllachöga cashachuraj juc siudä?» nir.

Apocalipsis 18:2

Chay anjilmi sinchipa nimuran: «¡Ushacashanami Babilonia! ¡Ushacashanami jatuncaray siudä! Cananga dyablucunallanami chaycho tiyaycan. Chaychöga ganra äbicunallanami, asyaj animalcunallanami tiyaycan.

Apocalipsis 18:21

Chaura munayniyoj anjil mulinu rumita-niraj jogarcur lamarman jitarir niran: «Chaynömi päsashunquipaj jatuncaray Babilonia siudätaga. Mananami imaypis ricashunquipänachu.

Apocalipsis 18:24

Chay siudä runacunami juchayoj caycan Tayta Diospa profëtancunata, yäracojcunata may-chaychöpis wañuchishanpita. Chaypitami paycunaga castigasha canga.