2 Samuel 17:16 - Tayta Diosninchi Isquirbichishan

¹⁶ Niran «Davidta apurä willay. Canan chacayga chunyaj pampacho ama puñuchunchu. Jinan öra Jordanpa chimpanman aywacuchun. Chauraga paytapis ni yan'guincunatapis mana wañuchengachu.»

2 Samuel 17:16 Iomraidhean Croise

2 Samuel 15:14

Chaura Davidga Jerusalencho mayur uywaynincunata niran: «¡Canan öra gueshpicushun! Man'chäga Absalón chayamuptin mananami gueshpiytapis puydishunpänachu. ¡Juclla aywacushun Absalonpitaga! Mana gueshpicushaga cay siudächo llapanchïtami sabliwan wañuchimäshun.»

2 Samuel 15:28

Nogaga goyapäramushaj chunyaj chaqui jirca bädu-quinraycho gamcuna willachimashayquicama.»

2 Samuel 15:35

Chaychömi carcaycan cüra Sadocwan Abiatarpis yanapäshunayquipaj. Palasyucho imallata parlacushantapis paycunata willanqui.

Salmos 35:25

Ama yarpächunchu ni rimachunpischu «Chayno canantami munaranchi» nir; «Fiyupa mana allimanmi chayachishcanchi» nir.

Salmos 55:8

Chaychömi fiyu wayrapita, löcu tamyapita pacaräcöman.»

Salmos 56:2

Chiquimajcunaga imay örapis gaticachaycämanmi. Alli-tucojcunaga achcajmi magarcaycäman.

Salmos 57:3

Cuyapäcoj cashpayqui syëlupita-pacha yanapämay ari. Chiquimajcunapita salbaycamay ari. Selah Yanapaycamay ari.

1 Corintios 15:54

Cay ushacajlla cuerpunchi mana ushacajman ticraptin y wañoj cashanchïpita mana wañuptinchïna Tayta Diosninchïpa palabran cayno nishan cumlenga: «Wañuyga manami cannachu. Wañuyga binsishanami caycan.

2 Corintios 5:4

Cay ushacajlla cuerpunchïwan cawar pasaypami llaquicunchi. Chayno car manami wañucuytachu yarpaycanchi. Chaypa ruquenga munanchi wañojlla cuerpunchi mana ushacaj cuerpuman ticranantami.

1 Samuel 20:38

Yapay uywayninta Jonatanga gayacuran: «¡Apurä cörriy. Ama ichiycuychu!» nir. Uywaynenga lëchacunata shuntarcur Jonatanta goycuran.