1 Samuel 31:3 - Tayta Diosninchi Isquirbichishan

³ Nircorga Saul-llatana llapan gaticacharan. Lëcha jitajcuna Saulta chayaycachiran.

1 Samuel 31:3 Iomraidhean Croise

Génesis 49:23

Fiyu runacuna chiquishushpayquimi lëchancunata gamcunaman jitamongapaj. Chayno rurar rabyachishunquipaj.

2 Samuel 1:4

Chaura David niran: «¿Imataj casha? ¡Llapanta willamay ari!» Niptin chay runa niran: «Israelcunami pillyapita gueshpir aywacusha. Paycunaga achcami wañusha. ¡Saulpis wamran Jonatanpis wañusha!»

2 Samuel 1:6

Chay runa niran: «Nogaga puriycashächo mana yarpashapita camacarä Gilboa jircaman. Chaychömi ricashcä Saultaga lansanman tuncacuycajta. Filistea runacunaga carrëtanwan y cawallun muntasha cajcuna jananchöna caycaran.

2 Samuel 21:12

Chaura Davidga aywaran ganchis wañojcunapa cuerpunta y Saulpa Jonatanpa tulluncunata shuntaj. Pamparaycaran Galaadcho caycaj Jabeschömi. Chaycho tiyaj runacunami suwamusha caran Bet-sán läsapita, Filistea runacuna Gilboacho pillyar Saulta wañuycärachir warcushanta.

1 Reyes 22:34

Chay öra juc suldäru Israelcunaman llutalla lëchanta jitaran. Nishanga Israelpa raynin Acabta chayaycachiran wañunanpaj. Lëchaga yaycuran cuerpuncunata chapacunanpaj watacushan jäcurajpa. Chaura payga carrëtanta manijaycajta niran: «Ticrashun. Pillyapita jorgamay. Fiyupami lëchawan chayaycachimasha.»

Amós 2:14

May-jina cörrishpayquicunapis manami gueshpinquipächu. Fiyupa callpayoj captiquipis manami callpayqui canganachu. Ni jinyunnin cajpis manami salbacongapänachu.