1 Samuel 3:1 - Tayta Diosninchi Isquirbichishan

¹ Wamra Samuelga cüra Elí nishanta rurashpan Tayta Diosta sirbiycaran. Chay wichan Tayta Dios manami llutallaga pitapis willapajchu. Imatapis manami musyachejchu.

1 Samuel 3:1 Iomraidhean Croise

Salmos 74:9

Bandëräcunapis mananami ichirpannachu. Profëtacunapis mananami cannachu imaycama chaynölla canäcunapaj cashanta willamänanpaj.

Proverbios 29:18

Tayta Diosta mana wiyacorga runacuna llutanta rurallarmi goyan. Tayta Diospa laynin niycashanno cumlejcunami ichanga cushisha goyanga.

Isaías 13:12

Nogami camacächishaj runacunaga Ofircho alli caj gorinöpis juc ishcayllana quëdananpaj.

Ezequiel 7:26

Paycunapäga mana alli goyayllanami jananman jananmanpis chayangapaj. Mana alli willapallanami imaypis canga. Yanganami ashenga profëtatapis ‹Tayta Dios ¿ima nintaj?› nir tapucunanpaj. Tantiyachej cüracunapis manami canganachu. Alli willapänanpaj auquincunapis manami canganachu.

1 Samuel 2:11

Chaypitaga Elcana cuticuran Ramäman. Wamrantami ichanga cüra Elïpa maquincho cachaycuran Tayta Diosta sirbinanpaj.

1 Samuel 2:18

Samuelmi ichanga lïnupita rurasha efodnin jatisha Tayta Diosta sirbiycaran.

1 Samuel 2:35

Paypita mirar aywajcuna ushacaptinpis juc casta cüratanami acrashaj paycunapa ruquin sirbimaj cüra cananpaj. Payga imaypis nishäta rurarmi cawanga. Paypita mirar aywajcunami acrashä raycunata sirbir imaypis cüra canga.

1 Samuel 2:36

Cawaycar quëdaj famillyayquicunaga cürata mañaconga guellayta carpis, tantata carpis. Amatar ruwaconga cüracunacho pachallanpaj aruyta ashipänanpaj.› »

1 Samuel 3:15

Chaypita Samuelga puñucuycuran warannin tutacama. Tutannenga Tayta Diospa Wasinta quicharan. Ichanga Samuel fiyupa manchacuran Tayta Dios imata nishantapis Elïta willapayta.

1 Samuel 3:21

Tayta Diosga Silo marcachömi Samuelta yuripanyaj. Chaychömi imatapis musyachej.