1 Samuel 2:10 - Tayta Diosninchi Isquirbichishan

¹⁰ Tayta Diosga chiquejcunata illgächengami. Paycunataga syëlupita-pachami räyuwan ushachenga. Tayta Diosga llapan runatami jusganga. Acrashan raytanami munayniyojyächenga. Waquinpita mas munayniyoj cananpaj yanapanga.»

1 Samuel 2:10 Iomraidhean Croise

2 Samuel 22:14

«Janajcho caycaj Tayta Diosga syëlupita-pachami parlamuran räyuno busninwan.

2 Samuel 7:13

Paymi rurapämangapaj juc Templuta. Paypita mirajcunami imaycamapis mandangapaj.

2 Samuel 7:8

«Chaymi sirbimajnë Davidta ninqui ima-aycapäpis munayniyoj Tayta Dios cayno nishäta: ‹Gamtaga nogami jorgushcä jircacho uyshata michiycajta. Nircurmi churashcä acrashä Israelcunapa raynin canayquipaj.

Job 40:9

¿Gam noganöchu sinchi canqui? ¿Räyuno busnënöchu gampapis busniqui?

Salmos 132:17

Chaychömi camacächishaj Davidpita mirar aywaj yapay ray cananpaj. Paypita mirajcunaga caychömi para-simri ray canga.

Salmos 148:14

Paymi munayniyojyächisha acrashan runacunataga. Tayta Diosta rispitajcuna, llapan Israelcuna payllata alabay-llapa. ¡Aleluya! ¡Tayta Diosga alabasha cachun!

Salmos 2:2

Cay pachacho caj raycuna, mandajcuna fiyupa rabyacarcärin. Nircur llapanna parlacun Tayta Diospa contran y acrashanpa contran.

Salmos 2:6

«Rispitädu Sión lömächo raynë cananpäga maynami acrashcä» nir.

Salmos 2:9

Fyërru bastunniquiwan magarmi llapan raycunata binsinquipaj. ¡Allpa mancata shallurejnömi usharinquipaj!»

Salmos 20:6

Nogaga musyämi acrashan rayta Tayta Dios yanapänanpaj cashanta, tiyashan rispitädu syëlupita-pacha wiyamunanpaj cashanta, munayninwan salbananpaj cashantapis.

Salmos 20:7

Waquenga yäracun pillyapaj caj carrëtancunaman. Waquenga yäracun pillyapaj caj cawalluncunaman. Noganchïmi ichanga yäracunchi Tayta Diosnillanchïman.

Salmos 21:1

Tayta Dios, munayniquiwan yanapaptiquimi rayga cushisha caycan. Fiyupa cushishami caycan pillyacho binsinanpaj yanapashayquipita.

Salmos 28:8

Tayta Diosmi acrashan runacunata imapitapis chapäga. Paymi acrashan raytapis yanapan, imapitapis chapan.

Salmos 45:7

Alli cajtaga cuyanquimi, mana alli cajtaga chiquinquimi. Chaynöpami Tayta Dios acracushurayqui. Waquin yanasayquicunapitami acracushurayqui. Gamtaga sumaj cushicachishurayqui.

Salmos 89:17

Chayno goyanga munayniyoj cananpaj rispitasha cananpaj yanapaptiquimi. Gam cuyacoj cashpayqui yanapämaptiquimi nogacuna munayniyoj cashaj.

Salmos 89:24

Paytaga yanapaycäshämi. Aunishätapis cumlishämi. Yanapaptëmi mas munayniyoj ricaconga.

Salmos 89:25

Mediterráneo lamarpita Éufrates mayucama mandananpämi camacächishaj.

Salmos 96:13

Shaycämoj Tayta Diospa ñaupancho cantay-llapa. Tayta Diosga llapan runacunata jusgananpämi shaycämun. Payga llapantapis allimi arriglanga.

Salmos 98:9

Shaycämoj Tayta Diospa ñaupancho cantay-llapa. Tayta Diosga llapan runacunata jusgananpämi shaycämun. Payga llapantapis iwalmi arriglanga.

Éxodo 15:6

«Tayta Dios, maquiqui fiyupa munayniyojmi. Chaywanmi llapan chiquimajcunata illgarachishcanqui.

Eclesiastés 11:9

Jipash-mösucuna, cushicur caway timpuyquicho cashayquicama. Gustuyquita ruray callpayquicho cashayquicama. Shonguyqui munashanta, ricashayquita ruray. Ichanga yarpay: llapanpitapis Tayta Diosga jusgashunquipämi.

Eclesiastés 12:14

Tayta Diosga allita mana allita rurashanpitapis llapanpitami runataga jusgangapaj. Pacayllapa rurashanpitapis jusgangapämi.

Isaías 32:1

Juc raymi cangapaj rasun cajllata rurar mandananpaj. Payta mandäshejcunapis alli cajllatami rurangapaj.

Isaías 45:24

Chaura chay runacunana nenga: ‹Tayta Diosman yäracuptillanchïmi alli llojshipämanchi, munayniyojpis canchi› nir. Llapanmi chiquimajcunaga fiyupa pengaycho ricaconga.

Ezequiel 29:21

«Chay wichanmi Israel runacunataga munayniyojyächishaj. Chaura, gam Ezequiel llapanpa ñaupancho rimanquipaj. Chayrämi musyangapaj noga Tayta Dios cashäta.»

Mateo 25:34

Chayno raquircurnami derëchö cajcho caycajcunata nishaj: ‹Gamcunataga Papänë fiyupami cuyashunqui. Ñaupäman shamuy gamcunapaj camarisha caycajcunata chasquinayquipaj. Chaytaga gamcunapaj Papänë camarisha cay pachata manaraj camallarnami.

Mateo 28:18

Disïpuluncuna caycashanman witiycurna Jesús niran: «Tayta Diosga maquëman llapantami churasha cay pachacho cajtapis syëlucho cajtapis.

Lucas 1:69

Sirbejnin Davidpa castanpitami munayniyoj runata yurichenga salbamänanchïpaj.

Lucas 19:27

Ray canäta mana munar conträ jatarejcunatapis cayman apaycamur ñaupächo wañuchiy.› »

Hechos 10:38

Nazaret marca Jesustami Tayta Diosga Espíritu Santunwan acraran. Chaymi Jesusga marcan-marcan purir allita ruraran. Dyablu gueshyachishancunatapis allchacächiran.

Hechos 4:27

Ray David nishannöllami Herodeswan Poncio Pilato, marca-masëcunapis jäpa runacunawan shuntacaycur parlacusha acrashayqui Jesuspa contran jatarinanpaj.

2 Corintios 5:10

Llapanchïmi Jesucristupa ñaupanman chayashunpaj imano cawashanchïpitapis pay jusgamänanchïpaj. Chaychömi premyuta chasquishunpaj cay pachacho imano cawashanchïpitapis.

Jueces 5:31

«Tayta Dios, chiquishoj cäga llapanpis chaynölla ushacächun. Gamta cuyashoj cajcuna ichanga inti cuyayllapaj achicyashanno cachun.» Chaypitaga chuscu chunca (40) watayaj chay Israel nasyuncho jauca goyaylla caran.

1 Samuel 12:13

Cananga caychömi caycan rayniquipaj munashayqui. Tayta Diosmi munashayquino churapasha-cashunqui rayniqui cananpaj.

1 Samuel 12:17

Rïgu cosëcha wichan mana tamyashantaga musyanquimi. Cananga nogami Tayta Diosta mañacushaj. Chaura Paymi räyuchimonga, tamyachimonga, imano munayniyoj pay cashantapis tantiyacunayquipaj. Gamcunaga Tayta Diospa ñaupancho mana allitami rurashcanqui ‹juc rayta churapämay› nishpayqui.»

1 Samuel 12:18

Chayno nircur Samuelga jinan öra Tayta Diosta mañacuran. Chauraga räyu, tamya gallaycuran. Chaymi Tayta Diostawan Samuelta llapan runacuna fiyupa manchacuran.

1 Samuel 12:3

Cananga ñaupayquichömi caycä. Pipa wäcanta, bürrunta guechusha captë; maygayquitapis ollgöparcur-ollgöparcur aruchicur ñacachisha u magasha captë; saynita gomaptinpis chasquisha captëga cäramay-llapa Tayta Diospa ñaupancho, pay acrashan raypa ñaupancho. Pipapis jagan car-imarga pägashämi.»

1 Samuel 15:28

Chaymi Samuelga Saulta niran: «Chaynömi gamtapis Tayta Diosninchi canan jitarishunqui Israelpa raynin caycajta. Juc Israel-masiquitami ruquiqui ray cananpaj churanga. Payga gampita mas allimi.

1 Samuel 16:1

Tayta Diosga Samuelta niran: «¿Imaycamataj Saulpaj llaquicuycanqui? Paytaga manami munänachu Israelcunapa raynin cananta. Gamga asëtita wiñacuy cächuman. Belenman ayway. Isaïpa wamrantanami acrashcä ray cananpaj.»

1 Samuel 7:10

Samuel cashnita rupaycächiptin Filistea runacunaga Israelcunata magananpaj yaycurcaycaranna. Ichanga Tayta Diosmi Filistea runacunaman fiyupa manchariypaj räyuchiran. Chaynöpami Israelcuna binsiran.