1 Samuel 1:9 - Tayta Diosninchi Isquirbichishan

⁹ Juc cuti Anaga Silucho micuyta usharcur jinan öra aywaran Tayta Diospa wasinman. Cüra Elïna jamaraycaran puncu yaycurina ñaupancho.

1 Samuel 1:9 Iomraidhean Croise

2 Samuel 7:2

Profëta Natanta David niran: «Ricashayquinöpis, nogapa palasyöga alli, sedru guerupitami. Diospa babulnenga toldu rurillancho caycan.»

Salmos 27:4

Tayta Diostaga jucnayllapämi mañacushcä. Jucnayllatami munäpis. Tayta Dios caycashancho para-simri goyayllatami munä chaycho aduranäpaj, cuyayllapaj caycajta ricanäpaj.

Salmos 29:9

Tayta Diospa busnenga jatun yöracunatapis pücarinmi. Munticunatapis garapächullatami cachaycun. Wasinchömi ichanga Tayta Diosta llapanpis aduran.

Salmos 5:7

Nogami ichanga gam cuyacoj cayniquipa Wasiquimanpis yaycö. Rispitädu Templuyquichöpis gongurpacuycur gamta adurä.

Éxodo 21:6

Chaura patrunninna wasëman pushanga. Nircur puncuman sumaj guelliycachir rinrinta uchcurenga uchcucunawan. Chayno ruraycuptenga imaycamapis uywayninnami canga.

1 Samuel 1:10

Anaga fiyupa llaquisha wagar Tayta Diosta mañacuran.

1 Samuel 3:15

Chaypita Samuelga puñucuycuran warannin tutacama. Tutannenga Tayta Diospa Wasinta quicharan. Ichanga Samuel fiyupa manchacuran Tayta Dios imata nishantapis Elïta willapayta.

1 Samuel 3:3

Samuelga puñuycaran Tayta Diospa Wasincho. Chaychömi caycaran conträtu babulpis. Candilërupis rataycaran.

1 Samuel 4:13

Chay öra Elïga puncucho jamaraycaran nänipa ricchacur. «Tayta Diospa conträtu babulninta imapis päsaycunmanchi» nir fiyupa llaquicuycaran. Pillyapita gueshpej runaga willacuraycar siudäman chayariycuran. Chaura llapan runacuna gaparparan.