1 Samuel 1:8 - Tayta Diosninchi Isquirbichishan

⁸ Chaymi runan Elcanaga nej: «Ana ¿imanirtaj waganqui? ¿Imanirtaj llaquisha caycanqui? ¿Imanirtaj mana micunquichu? Gampäga nogami chunca wamraman tincö.»

1 Samuel 1:8 Iomraidhean Croise

2 Reyes 8:12

Chaura Hazael tapuran: «¿Imanirtaj waganqui tayta?» nir. Eliseona niran: «Musyaycämi fiyupa mana allita Israelcunata ruranayquipaj cashanta. Alli wasincunatami rupargärachinquipaj. Llapan mösucunatami wañuchinquipaj sabliquiwan. Tacshacunatapis wañorgärachinquipaj. Gueshyaj caycaj warmicunapa pachantapis gashargärinquipämi» nir.

Job 6:14

«Ñacaycaj amïgunchïtaga cuyapanchïmi, Tayta Dios nishancunata mana cumliptinpis.

Salmos 43:4

Chaynöpami altarniquiman chayashaj. Chaychönami alabashayqui arpanpawan. Tayta Diosnë, gammi sumaj cushicachimanqui.

Isaías 54:1

«Imaypis wawata mana tarej warmi fiyupa cushicuy. Gam imaypis mana gueshyacoj warmi cushicuypita cantay. Runan cachaycusha wawata mana tarej warmimi runayoj warmipita mas achca wawata tarenga.» Tayta Diosmi chayno nisha.

Isaías 54:6

Gamga cachaycusha jipashnömi fiyupa llaquisha caycarayqui. Chayno caycajtami Tayta Diosniqui yapay gayashurayqui.» Tayta Diosniquimi chayno nin.

Juan 20:13

Chay anjilcunami Mariata tapuran: «¿Imanirtaj wagaycanqui?» nir. Chayno tapuptin niran: «Tayta Jesuspa cuerpuntami apacusha. Manami musyächu mayman apacushantapis.»

Juan 20:15

Jesús tapuran: «¿Imanirtaj wagaycanqui? ¿Pitataj ashiycanqui?» nir. Chaura Mariaga wertacho aroj runa cashanta yarpar niran: «Tayta, maymanpis apasha carga willaycamay ari shuntachicamunäpaj.»

1 Tesalonicenses 5:14

Chaynöpis ermänucuna, gamcunacho arucuyta mana munaj ermänucunata piñacuy arucunanpaj, llaquisha caycajcunata shacyächiy cushicunanpaj y imachöpis yanapaypaj captenga yanapaycuy. Chayno pï-maypäpis pasinsayqui cachun ari.

Rut 4:15

Imachöpis ollgu willcayquega cushicachishunquipämi. Chacwanyaptiquipis ricashunquipämi. Fiyupa cuyashoj llumchuyniquipa wamranmi canpis. Llumchuyniquega ganchis wamrayquimanmi tincusha.»

1 Samuel 1:7

Tayta Diospa wasinman cada wata aywaptin Peninaga imaypis rabyachishanno Anata rabyachej. Chaymi amatar wagashpan mana micojpischu.