Tito 3:1 - Qheshwa Biblia DC

¹ Hermanosta yuyarichiy, kasunankupaj kamachejkunata atiyniyojkunatawan. Wakichisqastaj kachunku tukuy imata allinta ruwanankupaj.

DIOSPA QHELQACHISQAN DEUTEROCANONICAL

¹ Wawqe panakunata yuyarichiy kamachejkunawan, kamachejta yanapajkunatawan ima kasuy sonqo kanankuta. Paykunata kasuchunku, chantá tukuy imachus allinta kajtataj usqhayllata ruwayta munachunku.

DIOSPA QHELQACHISQ

¹ Wawqe panakunata yuyarichiy kamachejkunawan, kamachejta yanapajkunatawan ima kasuy sonqo kanankuta. Paykunata kasuchunku, chantá tukuy imachus allinta kajtataj usqhayllata ruwayta munachunku.

Quechua South Bolivia: Dios Parlapawanchej

¹ Paycunata yuyarichiy autoridadcunata atiyniyojcunatapis casunancuta, tucuy sumaj cajta ruwanapajpis waquichiskas canancuta.

Tito 3:1 Iomraidhean Croise

Proverbios 24:21

Diosta chantá reytapis jatunchay, wawáy; enemigoswanqa ama tantakuychu.

Eclesiastés 10:4

Sichus uj rey qampa contraykita phiñarikun chayqa, maypichus llank'ashanki chayta ama saqeychu. K'acha sonqo kayqa jatuchaj phiñakuykunasta thasnun.

Isaías 43:26

Qan yuyarichiway, iskayninchej parlakuna. Qan parlariy ari, cheqamanta mana juchayoj kasqaykita rejsichinaykipaj.

Jeremías 27:17

Ama paykunamanta kasuta ruwaychejchu. Babiloniamanta reyta kasuychej, kausankichejtaj. Imapajtaj kay llajtaqa raqaykunaman tukonqari?

San Mateo 22:21

Paykunataj kuticherqanku: Cesarpata, nispa. Chaypachataj paykunaman nerqa: Cesarpata kajtaqa, Cesarman qopuychej; Diospata kajtataj, Diosman qopuychej.

1 Corintios 15:58

Ajina ari, munasqa hermanosníy, sinch'ita sayaychej ama kuyurispa, wiñaspapuni Señorpa ruwaynimpi, yachaspa Señorpa sutimpi llank'asqaykichejqa, mana qhasipajchu kasqanta.

Efesios 2:10

Diospa ruwasqanmin kanchej. Chaytaqa Cristo Jesuspi ruwawarqanchej allinkunata ruwananchejpaj. Chaykunataqa Dios wakicherqa ñaupajmantaña, chaykunapi purinanchejpaj.

Deuteronomio 17:12

Sichus pipis machu machuykachaspa mana ruwanmanchu Señorpa kamachimpi kashaj sacerdotempa nisqanman jina, chayri juezpa nisqanman jina chayqa, wañuchisqa kachun. Ajinamanta qankunaqa israelitas ukhumanta kay jina sajrata chinkachinkichej.

Filipenses 1:11

Cheqan ruwanaswan sumaj poqoyniyoj jina junt'asqa kaychej, Jesucristonejta, Dios jatunchasqa, yupaychasqataj kanampaj.

Colosenses 1:10

Mañakuyku Señorpa munayninman jina purinaykichejpaj, tukuy imapi Diosta kusichispa, allin poqoyta apaspa, tukuy ima allin ruwaypi, ajinamanta wiñaspataj, Diosta rejsinaykichejpaj.

1 Timoteo 4:6

Kaytachus hermanosman yachachinki chayqa, jap'ispa fe palabrasta, cheqa yachachiytataj imatachus jap'ikorqankiña chayta, Jesucristoj sumaj kamachin kanki.

1 Timoteo 5:10

Allin ruwanaspi rejsisqa kachun, wawasninta allinta uywaj, wajyarikuyta yachaj, creejkunaj chakisninta mayllaj, llakisqasta khuyaj, tukuy allin ruwanata junt'aj ima.

2 Timoteo 1:6

Chayrayku yuyarichiyki, Dios qosorqa chay atiyta ninata jina larwarichinaykita; chay ateyqa qampi kashan, makisniyta pataykiman churasqayrayku.

2 Timoteo 2:14

Kay imasta yuyarichiy Señorpa ñaupaqempi k'amispa, ama ima palabra jawapis churanakunankuta. Chayqa mana imapaj walejchu, uyarejkunata astawan pantachispa karunchachin.

2 Timoteo 2:21

Ajinaqa, pikunachus kay imasmanta llimphuchakun chayqa, uj sumaj vaso jina allin qhawasqa, ajllasqa Señorpaj, allin imasta ruwanampaj, tukuy imata allinta ruwanampajtaj wakichisqa.

Tito 1:16

Yuyanku Diosta rejsisqankuta, ruwasqasninkuwantaj payta qhesachanku. Millaykuna mana kasojkuna kanku, nitaj allin kajtapis ruwayta atinkuchu.

Tito 2:14

Pay kikin noqanchejrayku wañuyman rerqa, sajra kajmanta kacharichinawanchejpaj, llimphuchawanchejtaj paypa ayllun kananchejpaj, k'uchita tukuy imata allinta ruwanachejpaj.

Tito 3:14

Noqanchejmanta kajkunataj yachakuchunku allinkunata ruwayta, ama ima pisinampaj; ajinapi tukuy ruwasqanku poqoyniyoj jina kanampaj.

Tito 3:8

Palabraqa cheqamin. Munanitaj ashkha kutita willanaykita Diospi creejkunaqa allin kajta ruwanankuta. Kay imasqa sumaj, allinmin ruwanankupaj.

2 Pedro 1:12

Chayrayku mana qonqasajpunichu kay imasta qankunaman yuyarichiyta. Qankunarí, ñapis chayta yachankichejña. Kunantaj cheqa kajpi sinch'ita sayashankichej.

Judas 1:5

Uj kuti yachasqaykichejmanta munani yuyarikunaykichejta; imaynatachus Diosninchej Israel aylluta Egiptomanta orqhomuspa salvasqanta, mana creejkunatataj wañurachisqanta.